梅艷芳新秀對手年近60超凍齡！操Body谷到面紅手震 30歲先知自己非父母親生
發佈時間：11:00 2024-10-08
現年58歲的胡渭康1982年參加新秀，是已故天后梅艷芳對手，雖然三甲不入，但亦成功入行做歌手，曾是男團小虎隊成員。胡渭康單飛發展多年，仍有不少演出機會，亦間中拍劇。胡渭康被封圈中不老男星，外形Keep得好全靠勤運動，昨日（7日）他在IG分享健身片，見他做掌上壓谷到面紅手震，非常落力。
相關閱讀：胡渭康想多做幕後頻頻開騷 搵鄭梓浩要看工作性質 劉威煌指家事應與工作劃分清楚
胡渭康操Body谷到面紅手震：
胡渭康昨日在IG分享健身影片，留言透露做了一小時運動，表示：「不求與人相比，但求超越自己。」足見他的自律性。影片可見，胡渭康正在做掌上壓，他谷到面紅，雙手都狂震，但都連續做了近10下掌上壓，耐力不錯。網民都大讚他年近60歲，仍非常有火。
胡渭康談沒有伴侶的原因
胡渭康入行逾40年，外形變化不大，仍然腰板直直。胡渭康早前接受鍾慧冰YouTube頻道「冰姐的花樣人生」訪問，坦言未考慮退休，笑指見到胡楓90多歲還在開演唱會，他也不敢談退休。胡渭康多年來都沒有傳出有伴侶，他表示：「我自細都覺得唔係好需要感情，因為我好自私……可能我諗嘢好現實呀！譬如今日我話鍾意你，我鍾意你啫，我仲要鍾意埋你屋企人、鍾意埋你啲朋友，我要討好佢哋，我又唔知佢哋鍾唔鍾意我喎！我好實際㗎！我鍾意你咪鍾意你囉，但我覺得你後面拖住條尾好長呀！除非你都係孤兒，哈哈哈！」胡渭康直言，如果有段關係，他就不能如此瀟灑地到各地生活一段時間，可見他早已習慣自由自在的生活。
相關閱讀：胡渭康率「中音生」開慈善騷送驚喜 18歲孺仔高大威猛鄭梓浩唔恨做星爸 丨獨家
「小虎隊」林利曾患大腸癌近照好憔悴？
胡渭康由養父母照顧長大
胡渭康在80年代曾經紅過，但之後小虎隊解散，他需轉戰電視界發展，亦曾浪跡歐洲，進修英語，在英國過打工生活。直至約09年，家人相繼身體出現毛病，他便回港照顧家人。胡渭康在接受鍾慧冰YouTube頻道「冰姐的花樣人生」訪問時表示，早年已得知自己的身世，原來自己與家人沒有血緣，但其實他並不在意自己是養子的身份，「我唔震驚，我一早知。」原來他兒時到醫院探生病的媽媽，得知媽媽血型與自己不同而察覺自己非媽媽親生：「我見到我阿媽係O型血嘅，O型血生唔到AB型血㗎噃！我係AB型血，跟住留意生活上，睇佢啲行為舉止，有時佢哋都會講錯嘢。」胡渭康完全沒有過問自己身世，因為他覺得父母對他太好，而且也不想找自己親生父母，「如果當年我父母係生活困難，要將個仔送畀人，佢都唔容易呀，如果再見返佢都會好內疚、好羞愧，何必呢？我養父母當我如珠如寶，我有咩缺失先？」胡渭康更照顧養父母到終老，非常孝順，亦很懂感恩。
其他文章：
日日媽媽聲丨胡渭康30歲先知自己係養子 感激養父母無私的奉獻
88年新秀冠軍被藝人打傷！公開傷勢現大片瘀青 提供一線索引網民猜謎
《中年2》歌手23年前曾為港姐決賽表演！與前TVB司儀跳舞 玩過新秀與余文樂同年出道
