《中年好聲音》評審周國豐為換電話想「殺人」？罕有發火狂轟：係唔係需要報《東張》

更新時間：09:18 2024-10-09
發佈時間：09:18 2024-10-09

前香港電台前助理廣播處長（電台及節目策劃）周國豐因為擔任TVB歌唱節目《中年好聲音》三輯評審而令觀眾留有印象深刻，作風親民的周國豐不時在FB分享生活點滴，經常惹來不少迴響，近日周國豐分享一次換手機經歷，竟然嬲爆地說：「我都想『殺人』！」甚至揚言：「係唔係需要報《東張》？」

周國豐因換手機嬲爆想「殺人」兼報《東張》？

周國豐自從在2022年11月開始為《中年好聲音》擔任評審，與伍仲衡「左右門神」的姿態經常笑爆網民，周國豐更加活躍FB，經常分享生活的點滴。日前周國豐罕有地發嬲，撰長文並說：「長文！慎入！係唔係需要報東張呢？妖！每次換手機，我都想『殺人』！」原來周國豐因為換電話的關係，用新手機登入銀行的應用程式，令他覺得自己是「通緝犯」，被人「審」完又「審」，他還說：「最慘係打去銀行熱線，首先，聽『千年』嘅語音指示，然後，被逼接收『萬年』嘅銀行訊息，最後，等『一光年』都係嗰句『電話線路繁忙，請耐心等候』！好啦！好唔容易接你個電話，原來『有罪』嘅原因係你delete咗舊電話嘅app係無用㗎！基於security理由，必須要銀行幫你delete，先可以騰出quota畀你部新電話（device）喔。」

周國豐以為鬧劇以為完結

周國豐稱以為鬧劇以為完結，殊不知好戲在後頭：「我（唔耐煩）：『咦！？咁我需要打去你哋馬來西亞銀行嘅熱線，處理我馬拉個銀行app！？」銀行（香港）：『Emmm⋯周生，唔好意思⋯⋯係。需。要！』我（準備爆粗之際）：『⋯⋯』銀行（香港）：（有啲淆底，立即截住我）：『周生，我⋯我⋯我而家試吓直接幫你駁去我哋馬拉嘅銀行熱線⋯』。」

周國豐續說：「要揀語言，反正我唔係伍某人，我揀咗普通話。銀行（馬拉）：『Hello！』我只係用普通話講咗幾個字⋯銀行（馬拉）：（全英語）『唔好意思！我唔識講普通話。』我開始著燈，好！我就轉英文台，同你大龍鳳（全英文對答）！我：『你唔識普通話，咁你哋又畀客人揀呢個選擇！？』銀行（馬拉）Dead Air⋯⋯（烏鴉出場）我：『OK！我哋呢段對話有錄音吖嘛？聽住！當我serve你哋銀行，而家係我。遷。就。你！用英文同你溝通⋯⋯（下刪一萬字）』呢一萬字又係關於啲咩身分確認、語音確認、密碼確認，講咗好Q耐，到最後程序⋯銀行（馬拉）：「Emmm⋯周生，唔好意思！我哋個system顯示你而家打俾我哋嘅電話號碼唔係資料上報咗嘅電話號碼，我哋唔可以接受⋯』我：（佢未講完，我已經火山爆發）『梗係唔係我個電話號碼啦！係你哋銀行嘅香港熱線幫我接駁畀你哋吖嘛！』

周國豐參加《新秀》片段：

最後再次Dead Air情況，周國豐忍不住對職員說：「我喺香港通話嘅時候，已經go through晒所有驗證程序，你而家先同我講『唔接受』！請你聽住～係我『唔接受』你哋提供呢啲垃圾級嘅服務！作為一間國際知名銀行，你哋會唔會覺得羞恥呢！？你同我講究procedural compliance，咁你一開始唔講清楚『電話號碼』呢一點！你知唔知浪費咗我幾多時間！」結果出再出第三度Dead Air。

周國豐留言竟被派爆笑emoji

周國豐的留言一出，惹來不少網民留言，竟然最多人派爆笑emoji，周國豐即說：「嗱！我睇過啲反應，你哋咩人類呀！？點解咁多人畀「」呢個emoji，你哋有無同情心㗎？」有人回覆：「因為你真係形容得生鬼有趣，好有畫面。」、「我畀笑，因為好同情你。」亦有人提議：「一於報東張啦！又唔使打格仔遮面，報導出街後，你隨時做埋英雄，嗰間銀行以後當你神級VIP呀，我哋畀開心emoji，係唔想潑火啫，周sir你最叻轉危為機㗎。」不過有人覺得：「其實最好笑係『伍某人』都有出現喺段嘢入面。」