「翻版翁美玲」老公被奪初夜時機曝光：佢話好似太快曾歷喪子之痛走出陰霾

更新時間：22:00 2024-10-10
發佈時間：22:00 2024-10-10

劉美娟與健美小姐奪季軍入行，因曾被指貌似翁美玲而受力捧。與張崇德結婚23年，「姊弟戀」修成正果，婚後卻不幸經歷喪子之痛，大仔天藍出世不足26小時，因醫療失誤夭折，二人走出陰霾，再誕下一子一女。劉美娟近日現身新城接受好友漢陽節目《詩歌有Guide》訪問，自揭張崇德抗拒婚前性行為，30歲結婚後，才將第一次給予自己。

相關閱讀：張崇德第一日約會劉美娟即求婚長子夭折傷心到每天哭崩

劉美娟爆老公張崇德30歲破處？

漢陽當年擔任張崇德的伴郎，見證好友張氏夫婦從戀人變夫婦。漢陽在節目中，直言當年覺得張崇德與劉美娟大欖都扯唔埋。劉美娟認同沒有想過演員與歌手會有交集：「真係冇諗過，但好感恩，當初我有個拍拖超過十年嘅男朋友，分手後認識咗崇德，但唔係我主動去認識，我要視為結婚對象先會去開始，之後祈禱同神講要畀我就畀我。」

劉美娟張崇德認定對方

二人同是「藝人之家」成員，曾一同拍福音節目，劉美娟說：「突然有個感覺，呢個人就係結婚對象，而佢都有好強烈感覺，呢個就係你將來妻子。」劉美娟透露當時由張崇德表白：「佢話聽到呢個聲音，我話其實我都聽到，大家就好開心，我哋2000年12月31日開始，佢2001年1月1日同我求婚，只係隔咗一日。」

劉美娟閃婚不想浪費時間

對於拍拖一日便決定結婚，劉美娟坦承當時的想法是不想浪費時間：「佢話好似太快，我話都唔係，仲嘥咩時間，咁我哋嗰年年尾11月就結婚。」作為伴郎的漢陽爆料指張崇德抗拒婚前性行為：「佢係我認識嘅基督徒中最虔誠一個，佢要真係老婆先至會做結婚那件事，好乖仔。」劉美娟也有同感，認為年輕一代，不應太心急：「婚姻唔係搵一個合適嘅人，而係去做一個合適嘅人，即係要付出同埋愛。」

相關閱讀：張氏兄弟短期內難以合體開騷崇德暫不跟隨崇基移民外國