74年寶生銀行劫案直播片再掀討論！陳欣健29歲威武樣曝光 當年被迫受訪？
發佈時間：13:30 2024-10-11
陳欣健早前作客翁靜晶YouTube頻道「危險人物2.0」，談及70年代不少大案細節，令他成為話題人物。最近TVB亦跟上熱潮，在YouTube頻道分享「TVB新聞掏寶」找出1974年的旺角寶生銀行劫案的新聞片段，令當年只有29歲的陳欣健威武樣再次成為熱話。
相關閱讀：陳欣健還原74年碎屍案現場！死者只剩胸圍 疑鬼掹腳揭線索：我攞槍篤住阿伯個頭
陳欣健就74年寶生銀行劫案受訪片出土：
近日TVB新聞掏寶，翻出香港歷史片段，並在YouTube上載1974年5月24日發生的寶生銀行劫案新聞片段，當時一名持槍匪徒闖入旺角寶生銀行打劫，劫匪挾持銀行11個職員，與警員對峙，當時TVB將過程全程拍下做電視直播，亦是香港史上的第一次電視直播，畫面非常珍貴。影片看到當時任職旺角總督察的陳欣健，身穿恤衫打呔，雙手叉腰接受訪問，他說：「實際上喺呢幾個鐘頭嘅環境，係同初初發畀你嘅冇乜改變，大家都係一個僵持嘅局面……佢要求供給兩架私家車，等佢同一部份嘅人質逃走。」當時陳欣健年僅29歲，做直播訪問非常淡定，樣子亦很威武正氣。
這宗轟動新聞翻Hit，陳欣健獲網民留言大讚，「1974年的陳欣健，29歲，已經是總督察，真係唔係講笑，叻既人，做邊行都叻」、「陳欣健的人生非常奇特，少年讀書好叻，喇沙書院畢業，又玩音樂夾band，中七畢業投考見習督察，短短十年升到警司，屢破大案。三十幾歲轉彎演藝圈，初次唱廣告歌，後來做編劇，《省港旗兵》《點指兵兵》都獲得成功，同時擔任許多重要場合的司儀，後來在華星又捧紅鄭秀文、郭富城……真是豐富精彩的一生」。
陳欣健家人愛做娛圈工作：
陳欣健還原寶生銀行劫案真相
陳欣健曾在YouTube頻道「屈機TV」重提寶生銀行事件，更還原真相，他說：「1974年，喺旺角『寶生銀行』，有一名賊人喺剛收工嘅時候衝入去，佢有一把槍，開咗一槍，裏面有11個人質，全部都係職員，佢想持款逃走時，衝鋒隊就到喇！有人暗中按了警鐘，當衝鋒隊嚟咗，佢出唔到去就拉咗個鐵閘，將自己關在銀行裏。」
陳欣健指這宗刧案是是香港開埠以來第一宗持械行劫，而且劫匪是在有人質的情況下打劫銀行，「當時我係旺角偵緝總督察，管晒CID，諗住放工，點知通知有打刧案，成班人即刻出去，因為我所在嘅警署太子道好近，銀行喺上海街，兩架車衝過去，點知人算不如天算，路面大塞車，警察要落車跑過去，所以警察體能訓練好重要，我喺彌敦道跑過去。」
陳欣健續指當年「三冇」，「以前冇手機，冇公共關係科，冇飛虎隊，但有一啲指鹿為馬嘅探長，有啲好後生唔知死似我嗰啲嘅警員，我哋去到係用common sense，將個地方封起，將群眾退後兩條街，用鐵馬圍起，當時好驚劫匪隨時衝出嚟，因為唔知有幾多個賊，開頭有人話有兩至三名賊人，但一定知道佢有槍械……」
陳欣健大女50歲生日群星到賀：
陳欣健自爆被迫受訪
劫匪與警方由下午5時至翌日早上11時一直處於對峙狀態，最後劫匪因為太攰瞌眼瞓被11名銀行職員趁機反制服，「銀行嗰11個人對佢拳打腳踢，十一個對一，劫匪無法反抗，於是將佢制服，同時佢哋暗中已經將鐵線自己鬆綁，我哋嘅神槍手就衝入去，拉咗佢就發現佢仲有30多發子彈。」之後陳欣健無奈要接受TVB訪問，「當時冇公共關係科，TVB就喺現場通宵直播，好多記者訪問，高官冇人肯講嘢，咁就一級推一級，推到我身上，我下面已經冇人可以推，最終我接受了訪問。」
其他文章：
陳欣健大女50歲生日群星現身派對變演唱會？佘詩曼譚詠麟High爆對唱 李嘉欣阿Sa上台盡興
陳欣健79歲生日群星開P！當年獲首位金像影帝邀轉行 相隔半世紀依然老友
早D知早D醫丨打麻雀無助防認知障礙症？陳欣健太太50歲發病 常服一藥物或有影響
