「金牌司儀」唔易做！新世代司儀奇遇記 冇稿被迫「爆肚」、錯人名「食死貓」
發佈時間：18:32 2024-10-28
娛樂圈中能稱得上「金牌司儀」的人不多，經驗、資歷以至外形、親和力都是觀眾「評價」的準則之一。提到「金牌司儀」，我們會想起上一代的汪明荃、何守信、曾志偉、鄭丹瑞（旦哥）、鄧梓峰（十郎）及鄭裕玲（Do姐）這些重量級人物。直至近年，「金牌司儀」界亦有新面孔，如陳貝兒、麥美恩、吳幸美、馮盈盈、陸浩明及周奕瑋等都被視為本地大騷司儀界第二把手。到底要成為「金牌司儀」有多難？《星島頭條》訪問曾於《全能司儀選拔大賽》勝出的蔡國威和黃建東，親身分享擔任大騷或活動司儀的辛酸史。
司儀新秀承受Haters批評
「金牌司儀」必先要有主持大騷的經驗，其實電視台每年都有不少大騷例如TVB的《香港小姐競選》、《萬千星輝賀台慶》及《萬千星輝賀台慶頒獎典禮》等，另外亦有大型慈善籌款節目《歡樂滿東華》等，都是一眾新世代司儀的戰場。
近年《香港小姐競選》的決賽騷，TVB嘗試不同組合的司儀陣容，例如2023年找來陳豪、陳山聰、陳展鵬及蕭正楠擔任司儀，而剛於今年9月舉行的《香港小姐競選2024》決賽則由多位新生代女司儀包括麥美恩、陳貝兒、何沛珈、陳懿德及莊子璇擔大旗。
但新一代的司儀與上一代不同，他們要面對的是網上「Haters」，網民一人一句「踩多讚少」的留言，就連極有觀眾緣的陳豪都被斥「冇準備、主持得麻麻」，麥美恩更被網民鬧爆「好嘈」。事實上，要擔任大騷主持絕不容易，更別說要滿足所有觀眾喜好。
相關閱讀：麥美恩做港姐司儀太嘈被插坦言一向係咁 森美拒做媒人唔想冇晒朋友
黃建東讀錯名食「死貓」
近年時常擔任大小活動司儀的黃建東接受《星島頭條》訪問時表示，作為司儀總會有出錯時候，坦言「口誤」情況時有發生。他指，當要處理品牌客戶的活動時，他會想辦法減低「講錯嘢」機會，「我一定會喺開騷前對著塊鏡不斷洗自己腦，不斷反覆唸品牌名稱。」
但司儀即使準備充足，亦很容易在台上發生尷尬情況。黃建東說：「因為我們做司儀一定要早點拿到份稿做準備，但有時會遇到份稿好遲先到手，有啲客直程唔知要預先寫定份稿畀司儀，有些客仲會話『阿東你做開㗎啦！你上台講就得啦！』但其實好多資料都要佢哋寫畀我哋。」
黃建東又指，做司儀最生氣是自己在台上犯錯，但有些錯卻是無法控制，「我試過係份稿寫錯嘢，份稿寫錯其中一位客戶名稱，我喺台上講返嗰個名，跟住個客突然嚟同我說，你講錯咗啊！嗰吓我唔想篤爆件事，因為咁樣就變成負責派job嘅製作公司孭鑊，變相我就好似硬食咗隻死貓咁。」另外他又指，有時主持活動或大騷會出現「失控」場面：「我試過主持大騷，主辦機構嘅負責人不斷上台搶咪講嘢，個感受不是太好，又搶嘢講又叠聲。」笑言情況相當尷尬。
蔡國威：現場乜都會發生
而另一位近年時常擔任活動司儀的「六合彩之子」蔡國威則表示：「其實做一個活動或大型節目嘅司儀真係一啲都唔容易！」他指，司儀要比所有來賓、主辦人等更熟悉整個騷的流程，「會比其他喺活動或節目裡面嘅嘉賓或演出者付出更多時間、心力、精神，我哋要比其他人早到綵排，確保每一part都順暢。」蔡國威續指當在台上不慎「講錯嘢」，就要靠拍檔幫手，「因為team work嚟，一定要互相幫助。」
蔡國威直言，當在台上發生突發狀況時，司儀最重要懂得「執生」，「有突發事情發生又要即時執生，有啲程序可能會突然改動，例如嘉賓遲到早退又有、嘉賓好多嘢講或唔識講要識控制同幫手，活動超時或under經常出現，可以話咩都有機會發生，所以司儀係好重要同幾辛苦㗎。」
相關閱讀：
77歲汪明荃為大騷做司儀「仁愛堂」變「同仁堂」 台上精神狀態惹人憂心
香港小姐2024丨曾志偉首次貼中4強佳麗 直認技癢想復出做司儀 親自邀Sally任嘉賓 一問月餅風波即遞咪走人
原來視咁的丨港姐司儀嘉賓評判全女班上陣︰Proud To Be A Woman
