萬聖節︱朱慧敏1歲愛女扮海盜贏最佳服裝獎 陳柏宇因細女造型竟激嬲老婆？
發佈時間：16:42 2024-10-28
萬聖節（Halloween）將至，大人及小朋友都愛為節日打扮一番，在過去的周末不少星爸星媽已經為子女打扮成趣怪可愛的卡通人物，朱慧敏的1歲囡囡Shera扮海盜，陳山聰4歲囝囝陳霆軒（Jaco）扮死侍，陳柏宇為兩個囡囡畫鬼臉，還把1歲半細女陳星晴（Audrey）畫到成隻老鼠，太太符曉薇詐晒型：「爸爸，你係咪整蠱佢呀？」
相關閱讀：朱慧敏1歲女驚現「厭世樣」！舉家出動賣旗SheRa舉動惹人疼愛：表情好過癮
群星子女萬聖節可愛造型：
萬聖節是一個開心歡樂的節日，朱慧敏今日（28日）在IG貼片，分享11個月大的囡囡Shera為節日扮成女海盜，她寫道：「Happy Halloween！最佳服裝獎得主～樹娃娃！恭喜娃娃在學校取得人生第一個獎項！」影片可見，Shera身穿紅色的海盜造型服飾，頭上戴上黑色印有骷髏骨頭的海盜帽，她把玩着一串南瓜燈飾，隨後更拿着女巫掃把手指指，非常之可愛。網民在帖上留言大讚，「BB超級得意」、「樹娃娃你真係超得意呀！佢除帽再戴返嗰吓好好笑，咁叻女嘅，仲識得口噏噏好似講trick or treat咁嘅」、「好得意，得獎做型太可愛實至名歸！happy Halloween！」
陳山聰昨日（27日）在IG的限時動態貼片，他與囝囝陳霆軒（Jaco）來到啟德的AIRSIDE，Jaco身穿紅色忍者衫扮Marvel的死侍（Deadpool），Jaco揮着兩把玩具長刀，似模似樣，他又在商場內人氣遊戲《路易吉洋樓2 HD》經典場景「怨念宅邸」打卡。
陳柏宇太太曾兩度流產：
陳柏宇兩女返幼稚園開派對
至於有「寵女狂魔」之稱的陳柏宇（Jason），兩個囡囡在剛過去幾天有兩個特別的造型。周五（25日）兩個囡囡返創價幼稚園開party，大女陳羿辰（Abigail）扮演The Wiggles的Emma，細女則扮可愛幽靈，並在IG寫道：「上個星期應承咗創價幼稚園老師班離開party，今日家姐隻眼因為琴日喺學校玩唔小心整親所以有啲發炎，冇返學校，但係都死都要叫媽咪應承佢畀佢返創價開party，今日仲帶埋阿妹一齊，爸爸放低佢哋就出咗去架車度匿埋食薯片，然後媽媽遙遠距離好擔心阿妹喺學校喊，爸爸仲叫媽咪放心，最後爸爸話阿妹喺學校同家姐玩得好開心完全冇喊，我家姐個造型唔係好多人知佢扮緊乜，阿妹個頭上邊嗰兩舊係紙巾嚟㗎！」
陳柏宇替愛女畫花面貓
陳柏宇兩名囡囡的造型獲不少網民大讚，「Audrey 好 cute呀」、「很高興見到妹妹又做返女仔」、「好可愛嘅哈佬囉造型」、「家姐同妹妹 今日襯得都好靚」。不過昨日（27日），她們的IG又貼出第二個Halloween新造型，太太符曉薇寫道：「你確定咁樣出街」，照片及影片可見，陳柏宇把兩個囡囡畫成花面貓，細女Audrey畫到成隻老鼠，兩邊面頰、唇上及下巴都有鬚，連本身粗的眉毛都畫黑，鼻樑畫花晒，Audrey照鏡看到自己的造型時，非常之開心，興奮得跳舞扮貓叫，但符曉薇嬲爆說：「爸爸，你係咪整蠱佢呀？BB你畀爸爸整蠱，咁嘅樣你點樣出街呀？大佬，你真係確定阿妹咁樣？」陳柏宇解釋鼻樑是Audrey自己畫，而細女又不肯讓他抹掉。媽媽不滿，但性格似足爸爸的Audrey對這個花面貓造型非常之喜歡。
其他文章：
朱慧敏肉騰騰B女開始牙牙學語！對着鏡頭嘴郁郁萌爆 揮動肥嘟嘟小手甜笑做一動作
朱慧敏半歲B女愛上一物令網民驚訝！狂啜XX露滋味樣 見鏡頭即「上身」有造星潛質
朱慧敏肉騰騰B女頭型圓到似波！化身開心果笑不停 狂玩脷仔躺床「舞動」
「翻版李克勤」細女生日竟於茶記與老婆開火 模特兒妻曾兩度流產婚姻現暗湧
