群星為猛人慶生！佘詩曼關之琳同場鬥靚 鍾鎮濤開騷連跌兩次後現身狀態曝光
發佈時間：17:00 2024-10-29
佘詩曼經理人陳易遙（Joanne、原名陳早茵）是陳欣健與邵氏女星尤情（原名張蓉蓉）的長女，在圈中人脈甚廣，近日她與佘詩曼出席好友Ivy姐的生日派對，席間還有關之琳、王韾平、周汶錡、范姜，就連日前在廣州開騷連環跌倒的鍾鎮濤也有出席聚會，這位Ivy姐認真夠face。
相關閱讀：79歲殿堂級電影人大女好受歡迎！跟前TVB花旦開工變集郵目標 母為前邵氏女星
陳易遙孖佘詩曼參與猛人生日會？
陳易遙昨日（28日）在IG出生日post，她寫道：「Happy birthday to my dearest Ivy 姐姐 again and again! 每次佢生日，我都玩到好似我自己生日咁！我今年特別開心，因為自從10年前 @linda_wong_xin_ping 教完我《別問我是誰》嗰隻手之後，我第日就唔記得咗，一路都整唔番。今次再次得到佢嘅親自教導（因本人太蠢，教到佢直頭有啲忟），我終於整得番喇。雖然冇助教Kathy Chow整得咁優美……總之祝我最親愛的Ivy姐姐，永遠青春美麗，同埋一世都可以繼續一齊玩得咁開心！下年一定要搞大佢！」
鍾鎮濤不慎在台上跌倒逐格睇：
群星到賀陣容勁過TVB台慶
從陳易遙上載的照片可見，Ivy姐生日派對群星到賀，勁過TVB台慶，當晚出席的有大美人關之琳、視后佘詩曼、王馨平、周汶錡，就連日前在廣州開騷連環跌倒的鍾鎮濤也有參與，場面非常熱鬧，照片中可見鍾鎮濤非常精靈，看來未受跌倒一事影響。甚少公開露面的關之琳當晚身穿黑色上衣配黑色長褲，外披豹紋外套，還襯上一set金色粗獷的頸鏈及手鐲，打扮型格，關之琳更開金口與陳易遙合唱。
王馨平罕晒夫妻照：
王馨平親教《別問我是誰》招牌手勢
大合照當中，看到56歲的王韾平皮膚白滑保養得宜，她仍然keep着一頭亮麗長秀髮，她身穿珍珠色絲質襯衣，繫上黑色頸巾打扮優雅，她與當年的寶麗金小花形象分別不大。而另一條影片，更看到陳易遙一路唱《別問我是誰》一路做出金曲的招牌手勢，而王馨平在旁親自教她，「再兜、再兜、再兜…呢個手踭唔好喺下面」，最終陳易遙成功做到招牌手勢。
其他文章：
陳欣健大女50歲生日群星現身派對變演唱會？佘詩曼譚詠麟High爆對唱 李嘉欣阿Sa上台盡興
62歲關之琳富貴日誌逐格睇！窩在豪宅悠閒不失奢華 講究舉動成焦點：這才是生活
趙世曾女兒趙式芝拖同性密友見星二代！與小學同學蜜運中 曾與富家千金結婚7年
