周潤發手腳疑有腫瘤嚇親老友爆影帝飲食習慣皺晒眉公開推薦一位高手治理

即時娛樂

更新時間：16:00 2024-11-09
發佈時間：16:00 2024-11-09

影帝周潤發日前罕與發嫂現身時裝騷時，首度回應手臂及大腿生腫瘤傳言，雖然他當時笑言網民可能有白內障看不清，但仍令不少人擔心。與周潤發識於微時的黎彼得近日就在自己主持的YouTube節目《玖噏秘笈》都有提到此事，更大爆周潤發的飲食習慣。

相關閱讀：周潤發犯下「男人都犯的錯」？同場女星拍片公開預言激嬲發嫂要跪玻璃

黎彼得爆周潤發秘密？

黎彼得近日節目中大談周潤發的身體狀況，他說：「發哥呢排隻手有類似腫瘤嘅物體，但應該唔係嘅，因為發哥嘅人生活好正常。」他憶述當年與對方在澳門拍攝《別叫我賭神》的點滴，並表示：「我見到發嫂，佢留我喺度食飯，劇組有個靚女，好似湖北嘅，就幫佢哋煮餸，我見到粉絲蝦米節瓜，好清淡啫，有味豆腐乾肉絲，嘩我見到都唔想食。太健康呀大佬。」

黎彼得與馬海倫擔心周潤發

之後黎彼得又指一個月前有一次飯局與馬海倫聊天，對方曾透露：「你老表（周潤發），我嗰次同佢行山發現佢隻手有一嚿嚿嘢唔知咩嚟。我知道發哥呢一件事應該有得處理，不過你知道佢老人家好少出現同我哋傾偈，佢淨係畀一兩個短訊我，都冇乜點講嘢，感覺好多人都關心佢，因為佢係大家嘅偶像。」黎彼得指想起與他關係密切的資深動作演員梁小龍在深圳有開設健康中心，並說：「應該會幫到佢（發哥），嗰度有一嚿類似磁力共振嘅嘢，45分鐘就已經醫得番好隻手一嚿嚿嘅嘢。」