61歲謝寧感恩獲第二任老公寵愛：我以前係不停付出與前夫岑建勳所生兩女近照曝光

更新時間：21:40 2024-11-11
發佈時間：21:40 2024-11-11

現年61歲的1985年香港小姐冠軍謝寧近日接受資深傳媒人汪曼玲的YouTube節目《快拍。曼鏡頭》訪問，除了談到與岑建勳的一段婚姻，亦分享與第二任丈夫、攝影師王德偉的相處點滴，直言得到現任老公的照顧，非常感恩：「我覺得上天對我好好，畀個老公我……係真係照顧我。」

相關閱讀：謝寧投資7位數逆市開第9間餅店將進軍台灣新加坡韓國開分店

謝寧公開女兒近照：

謝寧早年與電影人岑建勳有過一段婚姻，二人育有兩名女兒，分別是岑寧童及岑寧樂。謝寧2005年結束與岑建勳的14年婚姻，謝寧坦言40歲前、與岑建勳的婚姻不愉快，但為了兩名女兒一直忍受，直至女兒長大後才想通：「想自己開心啲，要離開呢個屋企，唔要呢個男人，獨立過生活。」謝寧指當時與岑建勳聚少離多，兩名女兒又在外國留學，家中常常只得她，離婚後她沒有對愛情、婚姻感絕望，並期望結識新男友，後來她與攝影師王德偉展開新戀情，亦因為不想被誤會有婚外情，而選擇大方公開認愛。

謝寧再婚更幸福

謝寧於2010年與王德偉再婚，更大讚王德偉好照顧她：「第二段婚姻，我覺得我enjoy多啲，以前我不停去照顧、付出，我而家係收穫，我而家呢個老公照顧得我好好、好細心。佢見到我凍會識得幫我着衫、拎嘢，好錫我，我enjoy被愛，我覺得上天都對我好好。而家生活係開心、為自己而活。」謝寧指，現階段覺得人生無悔。

謝寧決定離婚獲女兒支持

謝寧更分享與兩名女兒的合照，她表示當初有認真對女兒們交代離婚一事，「當時佢哋十幾歲，如果佢哋唔同意，我可能唔做（離婚）。但佢哋好了解、好明白我囉，我啲女都早熟㗎！都話『媽媽，你要過啲自己開心嘅日子啦』，當時佢哋都喺外國讀書，佢哋都想我開心，我啲女好錫我。」而謝寧兩名女兒亦支持媽媽再婚，她分享：「佢哋覺得最緊要老公錫我，同埋最重要係媽媽開心，如果我唔開心，佢哋唔得㗎，佢哋唔會放過我老公，而家好似閨密咁。」