朱智賢謝東閔分手︱朱智賢宣布分手前現身曹敏寶新歌發布會 雙眼紅腫化妝難掩蓋憔悴樣
更新時間：23:28 2024-11-17
發佈時間：23:28 2024-11-17
發佈時間：23:28 2024-11-17
字體大小
38歲朱智賢與謝東閔今晚（17日）雙雙在IG宣告分手，七年情玩完。2020年朱智賢被爆與人夫黎振燁疑「偷食」，她在謝東閔陪伴下於TVB電視城舉行記者會，謝東閔拖住女友說：「我會陪你走過呢一關！」這番說話已成回憶，今日朱智賢現身撐老友曹敏寶的活動時，雙眼紅腫，化妝也掩蓋不住傷心、憔悴樣。
相關閱讀：朱智賢謝東閔分手︱朱智賢分手前稱同居一年多 以BB稱呼謝東閔：好多嘢返唔到轉頭
朱智賢眼腫腫現身撐老友曹敏寶：
朱智賢今日在IG的限時動態貼片，片中的她身穿朱古力色外套配黑色短褲，她化了一個靚妝，並手持大束鮮花現身鑽石山荷里活廣場，她強裝開心撐老友曹敏寶說：「好好聽呀！」隨即拍手支持，但朱智賢一對眼袋明顯浮腫，更出現大細眼，就算用上深色的眼影也遮掩不住憔悴的眼睛。
朱智賢事業路：
之後朱智賢上台獻花給曹敏寶，並雙雙擁抱，朱智賢吻賀了曹敏寶後竟被對方寸，「我真係唔知你嚟，你仲問我幾點？你嚟㗎咩？你唔會嚟㗎啦！」朱智賢則表示：「佢仲好似你問咁多做乜，你都唔嚟㗎啦！我出現嘅原因係因為曹敏寶話《中年好聲音》時，我成日冇出現，佢詐我型，嗰時我好忙，成日要開劇，我記得有出現一、兩次支持佢啦！成日攞番呢件事嚟講，所以我今日專登嚟佢新歌發布會啦！專登山長水遠嚟到現場support你！希望你今日感受到我對你嘅愛啦！唔好再詐我型呀！」情傷的朱智賢面對老友曹敏寶的問題，反應快，但答覆時顯得有點緊張，或許不多不少受到分手影響。
其他文章：
謝東閔朱智賢貼拖手相宣布分手！低調處理私人事：會以不同身分繼續支持及守護對方
謝東閔朱智賢否認感情變淡 直認低調一向少放閃 不介意情侶檔合作但想拍類型不同
前港男冠軍黎振燁偷食朱智賢事業插水 獲太太原諒神隱4年終現身宣布復出
朱智賢參與社區服務獲讚係乖女 考獲普拉提教練望助老人家舒筋活骼
