黎彼得剖白與許冠傑恩怨！對「歌神」得呢種感覺 罕談與許太關係：畀人擺咗我上枱！
發佈時間：21:06 2024-11-22
有「鬼馬填詞人」之稱的74歲黎彼得（Peter），在70年代，黎彼得和許冠傑成為最佳曲詞組合，由1976年的《半斤八兩》專輯，至1982年的《難忘你·紙船》，二人共合作7張專輯，因歌詞內容生鬼兼貼地，受到不少樂迷歡迎，當中聯手合作的金曲《浪子心聲》，至今仍是經典之作！不過黎彼得和許冠傑兩人合作7年便拆夥，黎彼得曾表示：「因為輿論，我哋開始有唔夾。」
黎彼得曾將拆夥茅頭直指許冠傑太太
黎彼得亦曾將茅頭指向許冠傑的太太：「因為開始冇話題，冇偈傾，佢太太亦都唔想我出現，因為晚晚同個男人一齊喺屋企通頂，有陣Sam都話，我老婆又投訴今晚又同你一齊。」轉做YouTuber的黎彼得日前在網上節目《玖噏秘笈》大談與許冠傑的恩怨，黎彼得直說：「朋友之間只要太過close，就會有恩怨，我唔會佢有冇怨我，但我對佢就好感恩。」
相關閱讀：黎彼得爆有圈中人係「偽君子」做媒人搵着數：佢啲朋友非富則貴，唔係醫生就律師
黎彼得對許冠傑有乜恩怨？
黎彼得對許冠傑恩多怨少
黎彼得日前在網上節目《玖噏秘笈》大談與許冠傑的恩怨，黎彼得說：「今次係應網友嘅要求，想知道我同阿Sam許冠傑嘅恩恩怨怨，恩就多，怨就好少，我一啲都唔係擦鞋，點解呢？逢親朋友太過close，就會有啲恩恩怨怨，我唔會佢有冇怨我，但我對佢就好感恩。佢係我嘅恩公、恩師，呢樣大家都知，亦不能否認。」雖然黎彼得早年將拆夥茅頭直指許冠傑太太，但在節目上，黎彼得轉口風說：「之前有啲人好似知道晒我哋啲嘢，話我話佢老婆唔係人，又話佢老婆唔like我，佢哋有冇可能會知？全部都係不知所謂，不過我冇理由樣樣都駁咀，如果樣樣都解釋求咪變咗掩飾，係咪真係唔啱，我又費事講到咁乜，因為樣樣求真，大家都好痛苦。」
黎彼得稱與許冠傑太太溝通沒問題
黎彼得許冠傑向來都愛錫太太：「你知佢緋聞唔多，因為佢錫老婆，老婆又錫佢，有人話佢老婆同人講，呢個損友教到佢老公飲紅酒又食雪茄，關我鬼事咩，擺咗我上枱！不過算喇，如果佢覺得係關我事，咪當係我，食吓雪茄仔冇乜所謂，飲紅酒更加係情趣，至於話佢老婆唔鍾意我，多餘喇，佢不知幾鍾意我，佢老婆成日整牛排畀我嘆，又同我去食牛排。」黎彼得續說：「我講英文係OK，只不過寫就麻麻，所以我哋嘅溝通係冇問題。許冠傑對朋友都好，佢平時都係夾吓BAND，冇乜娛樂，我就好憎陽光與海灘，所以我哋唔係啱，總之各自各精彩。」
相關閱讀：74歲黎彼得與「TVB御用惡奶奶」被捕獲狀態惹關注 兩人火氣猛現實大不同？
黎彼得做KOL狂爆秘聞：
黎彼得與許冠傑相處像「乞兒與王子」
黎彼得曾在訪問上表示，與許冠傑的相處就好像「乞兒與王子」：「佢咁紅都當我老友約我去游水、釣魚，大家好合拍！許冠傑本來唔煙唔酒，但識咗我之後，開始同我一齊食雪茄飲香檳，享受一下！佢教曉我好多，又介紹我去電視台做編劇，佢係我恩師，我哋擦出火花，不分你我！」可惜最後關係決裂，黎彼得直言內心仍多少有嬲對方，即使許冠傑主動邀請睇騷破冰仍堅拒出席，甚至聲稱許太是兩人的決裂原因：「你知美國人？見我呢個揸車佬，『你唔好帶壞我老公喎？』成日同佢玩通宵，唔知去咗邊？其實我同阿Sam度歌詞真係度通宵，我哋真係度到好盡㗎，有次許生同我講『我老婆詐型呀』我話關咩事？可能我同佢太太溝通少啦。」
相關閱讀：黎彼得因病離開《愛回家》 罕有現身合體鍾志光面容身型惹關注
