星8卦丨「嬌娃」同「老闆」搞上「惡妻」質問擺「蠢仔」上枱自保

更新時間：11:30 2024-11-26
發佈時間：11:30 2024-11-26

娛樂圈叻女真係唔少，好似「嬌娃」就轉數夠快，人又夠狼，所以多年嚟都星途順暢。當年簽畀「老闆」梗係要犧牲下，賣埋身體預咗，不過「老闆」玩得認真咗，畀家中「惡妻」知道，仲搵埋私家偵探跟蹤攞證據，好彩只係影到啲似是而非嘅畫面。

「老闆」有今日可以做影壇大亨，都係靠老婆幫手打江山，連間屋都係「惡妻」嘅資產。因為管得嚴，「老闆」扮驚老婆，其實方法係唔會點樣畀啲女上身。「惡妻」見冇辦法問到，直接打畀「嬌娃」問你係咪同我老公搞埋一齊？「嬌娃」畀人突然咁問，換咗第二個一定嚇到唔知點答，但佢竟然氣定神閒話「惡妻」誤會咗，自己其實係同「蠢仔」一齊，而且感情發展穩定，仲求老闆娘唔好踢爆兩個人關係，因為仲要搵食。

相關閱讀：星8卦丨「癡情」媾女上癮阿媽出招揀識做新抱一家和睦

事實佢真係同「蠢仔」有一手，只不過玩下一夜情，大家都唔會認真，臨急臨忙梗係搵個同自己瞓過嘅男人上枱自救，就算「惡妻」去求證，佢都已經同「蠢仔」打咗招呼，叫佢要認係自己男友，咁就平安過關。果然「惡妻」真係去問「蠢仔」，得到滿意答案就放「嬌娃」一馬。

↓立即下載星島頭條App↓