魯振順憶自殘割斷9條筋！做電影男一欠巨債 向愛情長跑女友求婚反被飛：你玩我7年？

魯振順多年來在不少影視作品演配角，被封「綠葉王」之一。但原來魯振順早年都做過電影男主角，最後竟影響星途，更欠下巨債，他近日作客鍾慧冰的YouTube頻道節目「冰姐的花樣人生」，談到當年陷人生低谷，曾經自殘一事，受訪時表現激動。

魯振順於TVB失做男主角機會

現年66歲的魯振順於1978年報讀第八期無綫電視藝員訓練班，畢業後加入TVB發展，同時亦接拍不少電影賺外快。魯振順初出道時亦曾受TVB重用，有不少工作機會，直至1983年他被安排與周潤發一起主演《北斗雙雄》，他為角色更學了三個月瑜伽，但最後TVB為了捧他的師弟梁朝偉，改由梁朝偉做男主角，魯振順日前接受鍾慧冰訪問，直言當時感到不滿：「當時後生嘅魯振順會好恨，點解畀個希望我，突然間……係咪玩我？我係咪咁差呢？直情冇晒鬥志、希望嘅感覺。我事後都同人講，你畀梁朝偉做都OK㗎，如果畀我做可能就冇梁朝偉咁好嘅效果，個人嘅心態變咗。」

相關閱讀：魯振順笑談「母子」關係：分房瞓玩神交 頂唔順軍訓管治女友昇華變阿媽丨獨家

魯振順憶人生連受打擊曾自殘？

魯振順獲捧做電影男一反陷低谷

魯振順80年代曾離開TVB，其後被堂表姐、已故電影人「Mabel姐」趙美寶發掘拍電影《天皇巨星》，「本來係嘉倫哥同音音姐做主角，後來因為電影公司同製作公司有拗撬，於是改劇本。」電影最終魯振順與前港姐夏淑玲頂上做男女主角，不過由於片名叫《天皇巨星》，魯振順當時亦非一線演員，因此被嘲自封「天皇巨星」。魯振順表示：「當年啲觀眾好單純，見套電影叫《天皇巨星》，就會諗你條花靚仔憑咩叫自己做天皇巨星，但佢哋冇考慮過係套電影叫《天皇巨星》，唔係我自封天皇巨星。」加上電影主演的排頭不夠強勁，最終只能在左派戲院上映，而且因票房太差，上映三日便落畫，但他卻因此被台灣當是左派演員，多年來未能到台灣工作，失去了很多賺錢的機會，直至他寫了4封悔過書，後期才獲放行到台灣工作。

相關閱讀：65歲魯振順3年前認愛粉碎同性戀疑雲 驗精通經出盡奇招望做人父 為女友辦嫁妝最後「悔婚」

魯振順初嘗做電影男一欠巨債

但當時更令魯振順陷低潮的是，因為接拍《天皇巨星》而欠下逾200萬元巨債，在80年代可謂天文數字。魯振順分享當年《天皇巨星》開拍前，趙美寶曾赴新加坡找投資者，資金分幾期傳入香港銀行戶口，但原來趙美寶沒有在香港準備公司戶口，於是找魯振順幫忙，以魯振順名義申請商業登記開電影公司及開銀行戶口，而開機之後，便將部份片花寄到新加坡給電影公司查閱再匯下期的錢，魯振順說：「拍攝所有嘢要錢，嗰啲投資係唔夠cover，咁係咪要借錢去拍戲，開咗個頭都要交貨畀人，啲錢邊度嚟呀？Mabel姐去搵（借）囉，啲錢寄過嚟，個銀行戶口係魯振順個名，拍完之後埋單，爭人200萬，當時魯振順邊有資格畀200萬呀！」但由於債主之後一直找不到趙美寶，債務全落在魯振順身上，最終要胞弟借錢幫忙過難關，他直言被家人怨到今時今日，魯媽媽曾指，她還在世，家還在，但果然2017年魯媽媽離世，魯振順與家人便沒有再見，直至早前長兄離世，才跟家人重聚。

相關閱讀：中年好聲音2丨魯振順爆六旬女友有報名 三場海選唔見影感奇怪

魯振順影圈發展受挫加入亞視

魯振順在影圈發展不順，體驗到一沉百踩的滋味，幸好遇上梅小青及劉家豪，引薦他加入亞視才重新獲得工作機會，並可以賺錢還債，接拍到《武則天》等爆紅劇集，更令他在內地有登台賺錢的機會。但在亞視工作時的遭遇卻令他崩潰，他指當時因多次要等某些遲到的演員開工，令他多次在片場白等，「喺亞視有套劇集，得七集拍足六個月，我都唔知點解，日日都等人，有人一遲就遲六個鐘頭，我哋坐喺化妝間唔知等乜。當時好多嘢煩，我喺度等咩呢，等死呀？做呢行等劇集、等運到、等演員，又有等好角色、好劇本、等出街、等（觀眾）反應……我呢？我係咩呀？」魯振順工作不順，加上債務問題感到迷失。

相關閱讀：66歲魯振順取消造人計劃因生理上唔許可 女友曾提出「搵人生B」再幫手湊

TVB綠葉王戴耀明於茶餐廳打工？

魯振順被拍拖7年女友拒婚

更令魯振順受打擊的是，當時拍拖7年的女友這時向他提出分手，他表示：「喺拍嗰套劇集時，我覺得冇一樣嘢係我控制得到，假如我有個家庭，我咪有屬於我嘅嘢囉，我有屬於我嘅細路……我就同女朋友講結婚，知唔知佢講咩？『我同你唔夾㗎，我哋呢個時候結婚唔啱㗎』，咁我話『你玩我7年呀』？」魯振順直言女方都花了7年青春，卻不願結婚，他直至現時仍不明對方拒婚原因。

相關閱讀：魯振順驚爆取消結婚 三年前閃撻41年前舊同學 曾盼與年過半百女友造人

魯振順借酒消愁醉後自殘

魯振順失戀、欠債加上星途不順，閒時與人消遣放鬆，飲酒後行為異常，「呢啲係之後人哋話我知，話我飲酒去廁所，入咗去之後大笑，出嚟就講粗口好似變咗另一個人，唔係之前咁細細聲講嘢。」魯振順被幾個人架着離開，但魯振順不受控衝前打破滅火箱的玻璃，然後割手自殘。他表示：「用玻璃（割手），9條筋斷咗。後來我感應到上天自有安排，做物理治療，好辛苦，又一邊拍嘢。」魯振順不再沉醉在負面情緒中，碰巧台灣終於讓他去發展，90年代他闖台灣市場，拍了不少影視作品，花5年時間賺錢回來還債。魯振順亦因為想留港照顧媽媽，決定回來發展。

相關閱讀：重溫歷年最經典「卡拉之星」 王俊棠透視裝妖爆 薛家燕吸金力驚人佔善款榜榜首

防止自殺求助熱線：
「情緒通」精神健康支援熱線：18111 
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線(多種語言)： 2896 0000
東華三院芷若園： 18281
醫管局精神健康專線： 2466 7350
賽馬會青少年情緒健康網上支援平台「Open 噏」：http://www.openup.hk