黎耀祥落區任限定店長變拉票活動獲力撐四度爭視帝已覺破自己紀錄

即時娛樂

更新時間：18:05 2024-12-14
發佈時間：18:05 2024-12-14

《萬千星輝頒獎典禮2024》將於2025年1月19日舉行，黎耀祥（祥仔）憑叫好叫座的《巾幗梟雄之懸崖》再度成為最佳男主角的大熱人選。黎耀祥今日（14日）以代言人身份快閃現身工展會，為品牌擔任一日限定店長。

黎耀祥有求必應

黎耀祥今日現身工展會時，引來不少顧客幫襯，更有大批市民圍觀合照，又表示支持並投票支持他「柴十七」四封視帝。向來親民的祥仔，被邀自拍合照、簽名都來者不拒，任影唔嬲，成功為店舖招財。

黎耀祥擔任一日限定店長乘機拉票：

黎耀祥表示：「我好鍾意做呢類型活動，可能《巾幗》播完唔係好耐，大家見到會特別親切，我介紹下產品、推廣下，佢哋又幫襯下、講下睇劇……我都有把握機會代表《巾幗梟雄之懸崖》拉下票。」

黎耀祥獲街坊打氣

對於有市民力撐破黎耀祥紀錄，成為首個四奪視帝的藝人，黎耀祥笑言會以平常心面對：「講真一直對獎項都好佛系，觀眾對三個角色柴九、劉醒、大太監李連英都好鍾意，仲要有獎項去認可，已經破晒自己嘅紀錄，非常滿足。不過今日見到市民、街坊同你打氣時，都有個諗法，覺得有份落場參加比賽，要有體育精神嘅，所以我都好努力吖，叫大家鍾意就去投票支持下，始終每個獎項都係對台前幕後努力過嘅人一種肯定同鼓勵。」