謝嘉怡愛犬疑遭毒死 落毒者最多判監三年？ 大律師指舉證一關鍵刑罰或更重

港姐冠軍謝嘉怡早前與三隻愛犬到寓所附近的大埔社山村一條行山徑散步，其中3歲唐狗「Peachy」和6歲臘腸狗「Summer」，疑接觸到路邊用樹葉盛載含毒的雞肉及肉腸後死亡，而同樣疑接觸到毒肉後倖存的13歲斑點狗「Leo」亦出現中毒徵狀。其後警方到現場搜證，再發現一具雀鳥屍體，未知生前有否接觸路邊的毒肉。目前當局正化驗毒肉成份及調查受害動物死因，案件交由大埔警區刑事調查隊第六隊（動物罪案警察專隊）跟進。《星島頭條》就事件向陸偉雄大律師以法律角度講解，另外亦訪問到馴犬師高耀忠（Eric Ko）分享主人遛狗如何減低愛犬受傷風險。

謝嘉怡愛犬疑被神經毒素攻擊大腦致死

據謝嘉怡透露她在獸醫告知下，得悉愛犬所吃的肉加入了神經毒素，即服食後會立即攻擊大腦，因此⁠3歲唐狗「Peachy」和6歲臘腸狗「Summer」出現痙攣情况，並於短時間內喪命，謝嘉怡曾受訪質疑落毒者精心策劃事件令小動物受害。陸偉雄大律師回覆《星島頭條》查詢時指，如果查出真的有人落毒，相關人士恐面臨的刑責，一般來說會被控《防止殘酷對待動物條例》第3條，經循簡易程序定罪可處罰款$200,000及監禁3年。

相關閱讀：前港姐謝嘉怡目擊毒殺事件！公開愛犬死狀 食一物即時痙攣斷氣：不可原諒

謝嘉怡愛犬疑遭毒殺丨落毒者刑責、遛狗注意事項？

陸偉雄：個案接近最嚴重類別

至於被定罪為虐畜，判罰款及監禁年期則需考慮受害動物情況，陸偉雄大律師說：「如果你踢佢一腳，或者佢受痛苦情況好短暫，呢個係屬於輕判嘅範疇，法庭可能判佢罰款、就算坐監通常都係判幾個禮拜。」但以現時謝嘉怡兩隻愛犬死亡、一隻愛犬受傷害，情況則更為嚴重。他指：「都要睇埋落毒影響到幾多隻狗，如果落毒導致犬隻死亡，個刑罰係會重啲，但照謝嘉怡愛犬嘅個案，即使唔係最嚴重，都接近最嚴重個類別，所以法官就會考慮判接近3年。」

相關閱讀：東張西望｜前港姐冠軍謝嘉怡哽咽憶述兩愛犬遭落毒致死：看到牠的腿在顫抖

律政師可考慮用更嚴厲處理方法

不過裁判法院的法官一條控罪最多只可判監禁2年，如果多於一條控罪則最高只可判監禁3年，但根據規定裁判法院的法官不可直接判監禁3年，因此陸偉雄大律師認為如果證明到落毒是人為，而且捉到罪犯，律政師可考慮用更嚴厲的處理方法。陸偉雄大律師表示：「睇吓可唔可以去區域法院審（可審理除謀殺、誤殺和強姦外的所有嚴重刑事案件，可判處的最長監禁刑期是七年）。不過睇返相關法例，佢係指一經循簡易程序定罪可處罰款$200,000及監禁3年，法例上冇話可以公訴程序，公訴程序即代表上到區域法院、高等法院審理先叫公訴程序。但如果要嚴懲，可以分開三條控罪來控告，每一隻狗係一條生命，兩隻狗死亡已經可以告兩條罪，倖存嘅狗亦都受傷，但最終都要視乎係人為落毒，定食物本身有毒而犬隻意外食咗，都要等警方調查。」陸偉雄大律師亦提及，如果證明到有人落毒致動物傷亡，主人也可以循民事方式向施害者索償。

相關閱讀：謝嘉怡惡夢仍未完結！ 愛犬Leo屙尿出血有中毒徵狀：未來幾星期是關鍵時機

謝嘉怡曾解開兩隻遇害愛犬的狗繩

謝嘉怡在事發後曾接受《東張西望》訪問，提及每逢周日都會帶愛犬外出散步，由於事發地點景色優美，多樹木又有草地，因此解開了遇害狗狗「Peachy」和「Summer」的狗繩，而13歲的「Leo」因較年長而沒有解開狗繩，但亦疑不幸接觸到路邊的毒肉。據謝嘉怡指，兩隻遇害狗狗在附近奔跑，她看到愛犬疑似吃東西已即時上前關心，可惜已經太遲，不久「Peachy」和「Summer」開始暈及抽搐，最終離世。

謝嘉怡一屋靚人？

馴犬師Eric Ko：唔好玩電話

疑落毒害小動物的人士行為可惡，今次事件警惕到主人遛狗時要打醒十二分精神，《星島頭條》邀請馴犬師高耀忠（Eric Ko）分享主人遛狗注意事項，講解如何減低愛犬受傷風險。

馴犬師Eric Ko表示即使主人習慣性帶愛犬於同一路徑散步、解決大小便，亦須提高警覺，「平時行開嗰條路，我建議就唔好玩電話，留意吓周邊有冇突如其來嘅嘢，啲object（物體），亦都要開着我哋嘅感官，例如行緊有時聞吓，好似好大陣漂白水味等等奇怪嘅味道，咁你就知嗰個環境可能有少少危險，如果呢啲情況拖狗狗出去就一定要上繩，避免狗狗去到嗰啲位置。」

至於使用狗繩應大概保持在4呎至6呎可控制範圍，亦有助預防意外發生，即使到寵物公園亦不代表可即時除狗繩，馴犬師Eric Ko指：「放繩之前建議拖住隻狗行吓嗰個空間係咪安全，望一望有冇奇怪嘅嘢。」

相關閱讀：港姐冠軍謝嘉怡兩犬遭毒死 生還老斑點狗有落繩避一劫 警搜現場再發現鳥屍

做適當訓練預防愛犬遇危險情況

馴犬師Eric Ko亦建議狗主可以在家中訓練愛犬做「Come」的指令，表示：「多啲叫佢、訓練佢返嚟你身邊，當佢返到你身邊就畀最好嘅嘢佢，例如水、食物、玩具，令佢每次返嚟你身邊就諗起好處。」有助在街上遇到突發情況時，可以即時叫愛犬回來。此外，亦可嘗試放食物在地上，訓練愛犬不准即時進食，也可有助預防愛犬在街上有誤放物件入口而造成危險的情況。

相關閱讀：港姐冠軍謝嘉怡兩愛犬遭毒死 大埔社山村散步時疑誤食毒肉 警方調查

可選擇帶玩具遛狗引愛犬注意力

馴犬師Eric Ko提到，可選擇帶玩具外出遛狗，目的是吸引愛犬的注意力，「萬一行行吓，真係甩咗繩，如果佢係貪玩嘅，你響吓啲聲音，知你有玩具，佢就有機會衝過嚟玩，畀主人有機會改變狗狗思維，轉為搵主人。」至於是否需要每次外出都為愛犬戴口罩，馴犬師Eric Ko表示：「通常都唔會成日同佢戴住，如果你知你隻狗好為食，喺高危地段你想安全啲緊係戴口罩會好啲。」回家後亦須立即為愛犬抹手腳，「因為你唔知佢踩過啲咩，會唔會沾到地下一啲不明來歷嘅物體，如果腳仔沾到有毒，佢去舔都有機會中毒。」