叱咤2024丨張敬軒獲Ian陳卓賢公開感謝約見面 撰逾800字長文交代關係

叱咤903商業電台主辦《2024年度叱咤樂壇流行榜頒獎典禮》已於昨日（1日）完滿結束，今年MIRROR再度成為大贏家，其中陳卓賢（Ian）個人奪得四個獎項，包括「叱咤樂壇唱作歌手」金獎，Ian陳卓賢在在台上不忘多謝張敬軒。而張敬軒更如「樂壇教父」，女團VIVA及曾傲棐（Arvin）分別奪得「生力軍組合金獎」及「生力軍男歌手金獎」時，同樣點名感謝張敬軒。

Ian陳卓賢感謝張敬軒

Ian陳卓賢在台上更特別感謝張敬軒：「關於呢個男歌手獎有個故事，頭先台上好多歌手提起一個名，張敬軒先生。點解男歌手獎有個故事，2022年嘅時候，張生攞咗男歌手金獎，有一晚佢打畀我，『我有啲嘢要畀你』，跟住佢畀咗佢嗰年攞嘅男歌手金獎我，佢同我講『你擺喺屋企，我相信你有一日會攞到，攞到然後你攞返畀我』。我今晚返屋企，即刻攞返畀你，多謝，thank you！」

相關閱讀：叱咤2024｜叱咤903頒獎典禮完整得獎名單 ViuTV現場直播 陳卓賢奪男歌手兼唱作人金獎

張敬軒長文講Ian陳卓賢：

相關閱讀：叱咤2024｜Ian陳卓賢奪「叱咤男歌手金獎」 台上感謝張敬軒罕揭交情 約定完騷見

張敬軒在圈中人緣極佳，被Ian陳卓賢公開感謝並不奇怪，不過張敬軒對獲多位歌手點名致謝，在threads上笑言：「今日打開個脆，嘩咁熱鬧嘅，咩料！大家都知我份人，我覺得我自己呢就都好講得笑嘅，講乜都得，不過呢喺呢個網絡流行各種風向嘅時代，我都想為自己保留返一啲嘅話語權。」

相關閱讀：叱咤2024丨林愷鈴奪新力軍女歌手金獎 遺傳媽媽龔慈恩靚樣為追夢棄做建築師

張敬軒坦言平時對大家的「講笑冇乜所謂」，還認為「反正我份工都包埋嘅」，對提攜後輩他只是盡自己能力結善緣：「我當年兩手空空嚟香港，我眼前擁有嘅成績好大部分都係呢個地方、呢一度嘅人畀我嘅，到咗我擁有咗咯， 我就盡自己能力畀返出嚟，係對呢度嘅行業，又甚或呢一度嘅人對過我好、愛戴我嘅情義，冇乜嘢值得一提，一切都係應份嘅。」

相關閱讀：叱咤2024丨VIVA感激張敬軒無私奉獻 : 佢真係好專業同Sweet！  曾傲棐自認無自信多謝軒仔借器材及分享經驗

提到Ian陳卓賢口中的獎項，張敬軒今日（2日）就撰寫逾800字長文交代。張敬軒表示兩年前認識Ian陳卓賢，當時對方不苛言笑又不與人對話，給他一種處於焦慮及憂鬱的感覺，在Ian陳卓賢身上感覺到過往的自己，散發出一種對前路茫然的感覺。張敬軒因不忍心Ian陳卓賢浪費自己的青春及時間，便出招鼓勵Ian陳卓賢要爭氣。

相關閱讀：叱咤2024｜網民曾統計播放率馮允謙領先 大熱倒灶敗給Ian連失3金 洗版轟不公惹爭議

張敬軒留言：「於是我有一晚抽起條筋，我話陳卓賢你喺邊？我攞樣嘢畀你。於是我的咗個嗰年嘅男歌手金獎獎座畀佢，我同佢講，好老嚟㗎，你擺佢喺你寫歌嘅嗰張枱嘅枱頭。望下望下就有㗎啦，你要鞭策你自己，學我老闆話齋，做人要爭氣！要為自己爭氣！於是條友攞返屋企，擺咗喺抬（枱）頭，影咗張相畀我，就係咁。」

相關閱讀：叱咤2024丨鄭秀文奪我最喜愛的女歌手 相隔24年再領獎激動：我呢個年紀仍然記得我

張敬軒與Ian陳卓賢同是創作型歌手，二人私下熟稔，張敬軒曾感謝Ian陳卓賢在其感染新冠肺炎時悉心照料。而Ian陳卓賢在入行初期曾出現心理健康問題，靠張敬軒走過低潮。Ian陳卓賢去年7月舉行演唱會時，自爆「冇咩朋友」，再介紹張敬軒出場：「呢位嘉賓好重要，成日好失意嘅時候開導我，之後變咗亦師亦友嘅關係，好照顧我。」早前有網民遇見二人交收手信。

相關閱讀：叱咤2024｜姜濤再奪「我最喜愛的男歌手」：又要畀人鬧 曾被斥「冇品」床哥台下做一手勢

VIVA曾傲棐感謝張敬軒：

相關閱讀：叱咤2024丨鄭秀文24年前奪「最喜愛女歌手」片段翻hit！ 紅色戰衣重現連獎項都復刻 俞琤曾因一事惹爭議

張敬軒threads長文如下：

都講開咯，唔爭在講埋。
關於Ian單嘢其實係咁嘅：兩年前我20周年紅館演唱會搵咗阿姜（姜濤）、陳仔（Ian陳卓賢）、Jer（柳應廷）嚟為我擔任表演嘉賓。嗰陣時嘅佢，不苛言笑，又唔係好同人講嘢，畀我一種處於焦慮同埋憂鬱嘅感覺，佢嚟彩排嘅時候嘅狀態，再加上演唱會之後佢搵我幫佢監製一隻歌，我哋慢慢熟絡咗，我喺佢身上睇到咗05至07年嗰個階段嘅我， 經常散發出一種對前路茫然嘅感覺。我覺得佢哋12個仔個個都叻，各有各叻，但係畢竟每個人嘅際遇都唔同，要面對同解決自己原生家庭所帶來嘅困難亦都唔同，嗰段時間會經常見面嘅就係得Ian，我覺得做我哋呢行成名要趁早， 睇見佢日日咁樣吽吽兜兜（哣哣），係唔忍心佢浪費自己嘅青春同埋時間。
我透過祈禱同埋吸引力法則，獲得過好多我嘅人生目標同埋夢想，古人有雲：授人以魚不如授人以漁，與其寫隻歌畀佢請佢做個演唱會嘉賓，不如教佢點樣重新打返開自己，調整自己嘅能量，學識自己為自己嘅夢想同目標而努力。於是我有一晚抽起條筋，我話陳卓賢你喺邊？我攞樣嘢畀你。於是我的咗個嗰年嘅男歌手金獎獎座畀佢，我同佢講，好老嚟㗎，你擺佢喺你寫歌嘅嗰張枱嘅枱頭。
望下望下就有㗎啦，你要鞭策你自己，學我老闆話齋，做人要爭氣！要為自己爭氣！
於是條友攞返屋企，擺咗喺抬（枱）頭，影咗張相畀我，就係咁。
噚晚到而家呢十鬆啲個鐘頭，網上嘅各種報到呀言論呀我都立咗一立，我想講嘅係，我哋每個人嘅經歷或者社會嘅文化會將我哋教育成為某一種人，或者會無意之中為我哋培養咗某一種嘅價值觀，有時可能係羊群效應，「因為身邊嘅人係咁所以我都應該係咁」，但我覺得我哋有獨立思考嘅能力，點解「因為個世界差，所以我哋我哋都要去做差嘅事會比較容易生存呢？」點解唔可以相信，我做一啲、你做一啲、佢又做一啲好嘅嘢，個世界就會變返好㗎喇......成日帶住猜度同防備心做人好辛苦，好艱難，呢個永遠都唔係我做人嘅option。我暫時想講嘅嘢係咁多，諗到再同大家分享。