啟德體育園演唱會｜啟德主場館開5萬人演唱會 哪位歌手期待值最高？ 張敬軒、炎明熹被點名
發佈時間：08:00 2025-01-20
啟德體育園演唱會｜啟德體育園於今年首季啟用，已落實於啟德體育園主場館開演唱會的歌手及團體包括英國天團Coldplay、亞洲天王周杰倫以及香港天王謝霆鋒，謝霆鋒更將成為亞洲首位於啟德體育園主場館開個人演唱會的歌手。啟德體育園主場館可容納約5萬名觀眾，將來或會取代紅館成為歌手最想踏足的香港演唱會場地。《星島頭條》訪問了多位藝人、歌手及市民，問問大家最期待哪位歌手在啟德體育園主場館開演唱會。
啟德體育園演唱會｜市民恨睇本地歌手開唱
不少明星及市民都期待在啟德體育園主場館看到本地歌手的演唱會。江若琳表示：「我最想喺啟德場館睇陳奕迅開騷，陳奕迅係我老公偶像，希望啟德場館開嘅時候，我可以掉低阿仔，同老公去拍拖。」受訪的黎同學亦是陳奕迅的歌迷，他表示：「我想睇陳奕迅，對一啲Eason fans嚟講，可以喺本地睇返Eason嘅演唱會，幾好！」
相關閱讀：謝霆鋒演唱會2025｜謝霆鋒啟德體育園4月開兩場演唱會 日期/票價/優先購票攻略 滙豐信用卡用戶優先訂票
啟德體育園演唱會｜明星藝人願望名單大公開：
龔嘉欣則期待在啟德主場館看到張敬軒的演唱會，「一路都好鍾意佢嘅歌、好鍾意佢嘅作品，所以我都好希望喺啟德體育園可以睇到軒公嘅演唱會。」天后容祖兒則許願成功，等到謝霆鋒開演唱會，她受訪時笑指：「我緊係希望睇啲國際性演出啦！譬如謝霆鋒呢啲。」此外，她早前曾在新加坡欣賞Coldplay的演唱會，因此亦極力推薦Coldplay將於6月在港舉行的演唱會：「咁大個場，可以容納到咁多觀眾，咁我覺得睇Coldplay會係好好嘅體驗。」
啟德體育園演唱會｜四大天王、譚詠麟成市民之選
周吉佩希望歌神許冠傑可以挑戰啟德主場館，「因為佢嘅歌真係代表咗香港好多心聲，所以我覺得佢最有代表性。」市民陳先生期待在啟德主場館看到一些殿堂級歌手的演出，「本地歌手……唔知譚詠麟開唔開呢……四大天王啦！女嘅……陳慧嫻啦！」肥媽表示：「四大天王，同台演出，咁就犀利喇！」其實早前天王劉德華回應有市民期待四大天王在啟德主場館開演唱會，他亦表現興奮：「四個一齊？我想呀，我真係想呀！」令大眾期待值飆升。
相關閱讀：周杰倫演唱會2025香港站購票攻略 1月24日Cityline公開發售啟德體育園演唱會門票 售票詳情／票價一覽
啟德體育園演唱會｜市民願望名單大公開：
啟德體育園演唱會｜Dear Jane：最想睇我哋
樂隊Dear Jane與馮允謙都視於啟德主場館開演唱會是新目標，Dear Jane表示：「我其實最想睇我哋！」而他們亦希望可於啟德主場館舉行一場樂隊拼盤演唱會，「睇樂隊又有氣氛，可唔可以本地所有大樂隊，由朝玩到晚，咁就最開心。」馮允謙表示：「我會想有一日自己開，如果開到5萬人，呢個都係好大嘅目標，等於開幾場紅館，咁我覺得應該都幾high！」林家謙則點名老友Tyson Yoshi，原因超爆笑，「我想睇個『日本』歌手Tyson Yoshi。我覺得戶外騷比較適合佢，因為佢係比較唔鍾意着衫嘅藝人，我覺得戶外騷好似襯佢，同埋戶外就唔使着衫喇，因為室內我驚佢凍。」
相關閱讀：四大天王啟德體育園合體開演唱會？料門票收益至少4億 市民：幾多錢都入場睇
啟德體育園演唱會2025年時間表：
啟德體育園演唱會｜Ivy So、MC張天賦等睇周杰倫演唱會
不少受訪的年輕人都希望有各地的巨星可以來啟德主場館開演唱會，洪嘉豪表示：「椎名林檎或者佢嘅樂團東京事變，如果真係可以睇到，我就真係圓夢喇！」COLLAR成員蘇雅琳（Ivy So）希望可以看到周杰倫的啟德演唱會，「我想公開𢯎飛！」身為周杰倫歌迷的MC張天賦也表示：「我上一次睇佢嘅演唱會已經係08年嘅時候，好希望可以捉緊佢喺呢個場館開演唱會嘅機會。而且知道今次個場館可以容納到幾萬人，希望可以一齊感受嗰種氣氛。」更笑指已拜託唱片公司同事找周杰倫演唱會門票。
相關閱讀：鄧紫棋G.E.M.落實8月啟德開演唱會暫成首位華語女歌手 「四大天王」一歌手曾「踩台」終取消｜獨家
啟德體育園演唱會｜本地歌手期待Beyoncé、Rihanna開騷
Gin Lee李幸倪表示：「我想睇我偶像Beyoncé開騷，因為我真係好想睇佢喺舞台上嘅魅力。不過如果我可以喺嗰度開騷，我會仲開心呀！」陳凱詠同樣希望看到國際級天后的演唱會，「Rihanna匿埋咗好耐喇！所以我覺得如果要出現嘅話，不如就喺香港見啦！See you in Hong Kong RiRi.」市民王先生則想看Taylor Swift來啟德主場館開演唱會，「希望大啲嘅場都可以吸引到佢哋！我都希望有多啲國際啲嘅歌手或者樂團嚟啦……Guns N' Roses等等，可能邀請NBA嚟香港表演籃球賽？我估應該有佢嘅吸引力。」市民Wing期待看Justin Bieber的香港演唱會，而與她同行的Windy與Yan則分別點名南韓女團BLACKPINK與aespa。
啟德體育園演唱會｜市民希望舉行國際性音樂頒獎禮
除了歌手的演唱會，市民都希望在啟德主場館看到大型頒獎禮，市民Mark表示：「一定係Chill Club（Chill Club 推介榜年度推介）、KKBOX風雲榜。」林同學表示：「叱咤都可以，MAMA……無所謂，總之有就好。」啟德體育園即將開幕，你想看哪些歌手的演唱會？不妨留言分享。
