15歲港童首次遊日本出Po晒喜悅 疑遭家長網民集體欺凌：「我個女1歲已去日本，好心你收皮啦！」事主最新回應｜Juicy叮
發佈時間：12:57 2025-04-13 HKT
有15歲港童首次遊日本，在社交平台出帖晒喜悅，懷疑引用一句「打敗99.9% 香港中學生」的網絡潮語，引來大批家長級年長網民的集體留言欺凌，有人甚至揚言：「我個女，一歲已經陪我搭飛機去日本，好心你收皮啦。」
帖文引發熱烈迴響，更多網民甚至網紅留言力撐男童，呼籲男童「玩得開心啲」，批評一些家長級網民言論刻薄，更存在「代溝」竟誤將網絡潮語視作挑釁。被針對的男童其後亦留言回應事件，詳情如下：
15歲港童首次遊日本出Po晒喜悅 疑遭家長網民集體欺凌：「我個女1歲已去日本，好心你收皮啦！」↓↓↓↓
有15歲港童在上周五（11日）出發去日本大阪旅遊，他在社交平台Threads發帖分享喜悅，自拍手執護照及機票，與及登機閘口的相片，發帖表示：「15歲人生第一（次）去日本，打敗99.9%香港中學生。」
「打敗99.9%......」是GenZ（Z世代）年輕人用來吸引注意力的常用網絡潮語。
疑「打敗99.9%」辣㷫家長級網民 紛晒子女更細年齡已去日本
誰料這簡單帖文一出，吸引一批家長級網民留言揶揄，紛紛針對樓主一句「打敗99.9%香港中學生」的潮語，批評樓主是在烗耀15歲可去日本旅遊。
這些家長級網民反擊，留言大晒自己子女不輸15歲的樓主：「我個女八個月大就去日本。」「我個仔第一次去日本係11歲，而且冇父母帶......」
有家長留言稱女兒１歲去日本 叫樓主「收皮」
其中最觸目的是一名家長級網民，留言竟叫樓主「收皮」，該網民揚言：「我個女，一歲已經陪我搭飛機去日本，好心你收皮啦。」
這些家長級網民不斷追擊，有自稱53歲網民說：「呢位同學......我明白你嘅興奮，但你呢個Po用詞係咪有問題？你係咪應該用『被99.9%嘅香港中學生打敗呢』？」
「唔打下一句冇人會串佢」
這位年長網民嘲諷樓主之餘，亦不忘晒其豐富日本旅遊經驗：「希望你去到日本後......都唔好興奮到影響到當地嘅日本市民吖！嚟緊5月頭就係我第17次日本之旅，我都要準備下心情先！」
有人教訓樓主：「有時畀人串係自己攞嚟，佢個語氣畀人感覺就係好似好威，15歲有得去日本就係打敗99%既人，唔打下一句冇人會串佢。」
更多網民湧入力撐15歲樓主：咁都要有贏輸？
一批家長級網民對15歲樓主的刻薄留言，迅即在網絡瘋傳，更多網民湧入留言力撐樓主，批評這些留言太刻薄，人格有問題：「其實每個人都有第一次，有早有遲......唔通咁都要有贏輸？」
留言者包括網紅及網絡平台，他們均祝福樓主：「唔駛理呢班人......玩得開心啲」、「加油」、「旅途愉快」。
網民：幽默感很重要 打敗99.9%只是形容詞啫
網民又紛紛留言「教育」這批年長網民，指「打敗99%...」只是潮語，「即好似90年代周星馳無厘頭文化，將毫無關係嘅事串連搞笑，例如嗰啲『你講嘢呀？』」，「打敗99.9%只是形容詞啫，即係大癲唔係真係癲。」
「你可以覺得唔好笑（例如我媽覺得胡鬧），但，就係每個世代嘅廣東話文化。」
不少網民指事件反映網絡文化存在代溝：「幽默感很重要。」「家長們要練下自己閱讀理解能力。」「小朋友喺度玩，你班大人就咁認真衝出嚟。」
網民：反映成年人未明年青人真正想法 年長網民籲放下「長輩」身份
「真！一句咁輕鬆嘅說話，竟然演變成咁，亦好睇到成人好多時，唔明白年青人嘅表達模式，同真正諗法！」
有年長網民留言呼籲同齡層網民在事件中吸收教訓：「我哋呢啲中年/老年人......真係要好好了解而家年輕人嘅話題/流行用語......而唔係用『長輩』身份嚟教訓人用錯字眼......只會令後生仔愈嚟愈唔想同我哋溝通。」
15歲樓主最新回應：大家冷靜下先......希望和平相處唔好嗌交
有關家長級網民刻薄負評其後陸續自行刪去，這位15歲的樓主最新留言回應事件，他表示：「......大家冷靜下先，本人只係想表達從細到大，身邊好多frd都去過日本，but我15歲先第一次去日本，所以先話自己係少數咁大個都未去過日本。」
「不過我明白大家難免會get錯的，所以希望大家和平相處唔好嗌交，同時亦感謝所有人，明白同幫我解釋嘅朋友們。」
同場加映：住港日女發表「離開唔到香港嘅理由」 提8大理由香港完勝日本：↓↓↓↓
