星二代港姐冠軍驚爆做媽媽！晒「母子」相意外洩超豪新居內貌 曾與富商傳「父女戀」
發佈時間：13:20 2025-04-13 HKT
前TVB小生林俊賢女兒兼2022年港姐冠軍林鈺洧，早前與61歲富商馬清揚傳緋聞，事後林鈺洧澄清沒有拍拖，大家僅是朋友，林鈺洧更揚言專注工作沒再與馬清揚聯絡。不過林俊賢卻提醒女兒「唔好搞出大頭佛」：「因為我同佢有血緣關係，希望佢可以好好處理。」
林鈺洧日前在社交平台官宣做了媽媽，分享與「兒子」生活點滴，還因晒「母子」合照而將新居意外曝光，與當選港姐時的300呎窩居相比，新居的格局明顯舒適寬敞，越住越富貴。
相關閱讀：林鈺洧30歲生日派對20位TVB星齊聚！超多港姐到賀主播都現身 猛人與壽星女親密合照
林鈺洧官宣做了媽媽？
林鈺洧貼上多張「母子」合照
新任媽媽林鈺洧在IG貼上多張「母子」合照，原來她在半年前做了一個很大的決定，就是領養了一隻貓：「呢隻貓已經四歲，係男仔嚟。佢搬過幾次貓舍，一直以來都係喺呢啲貓舍裏面做繁殖機器，又畀其他貓貓打。可能因為佢喺貓貓界嚟講年紀比較大，又大隻，又生過。想養貓貓嘅主人通常都會選擇BB貓由細養起。所以佢一直都冇人要。其實我帶佢返屋企都好擔心，擔心佢唔適應，擔心佢唔開心，擔心佢唔鍾意我。擔心佢會成日匿埋唔出嚟，擔心佢唔食嘢。仲有擔心好多好多。我用咗好多時間同佢溝通，同佢玩，但係佢一直都同我好有隔膜，完全唔似我隻狗bagel由細到大養咁close。」
林鈺洧「母子」關係邁進了一大步
結果在林鈺洧的努力下，「母子」關係邁進了一大步：「佢慢慢由走廊，一步一步行近茶几，再一步一步行過嚟沙發搵我，真係好感動。我成日抱起佢瘋狂錫佢，我知佢好唔鍾意，會飛機耳，但係佢又會發出咕嚕咕嚕煲水聲音。佢真係好得意。由上年10月5號開始，佢就成為咗我屋企人，希望佢健健康康。最後都希望大家考慮領養，雖然係要花多啲時間bonding，但係佢哋認定咗你係媽咪爹哋就會永遠黐住你㗎啦。」不過最引人注意的，一定是林鈺洧新居內貌，裝修風格帶有日系風，白色牆身配以木色地板，客飯廳空間感十足，除了掛牆款的電視機配搭白色地櫃外，旁邊還放有一個幾乎上天花的貓專用跳板，即使擺放一個大茶几和巨型紫晶洞，門後是一條走廊，將客飯廳與房間分隔開。
相關閱讀：林俊賢首回應 林鈺洧 馬清揚 緋聞 介意囡囡「父女戀」：唔好搞出大頭佛丨獨家
林鈺洧更多靚相：
林鈺洧參選港姐後不斷被翻舊帳
模特兒出身的林鈺洧參選港姐後不斷被翻舊帳，她的爸爸是80年代小生林俊賢，不過父母曾因因家暴、墮胎和驗DNA等等前塵舊事而隔空互罵，林鈺洧更聲稱父親從沒撫養過自己，13歲已離家住劏房過獨立生活。林鈺洧當選後香閨亦曾曝光，林鈺洧的香閨約有二、三百呎，客廳放有二人梳化、大電視以及一個書櫃，書櫃上方放有林鈺洧英文名「DENICE」的字款。客廳旁應該是林鈺洧的睡房，內有一張雙人床，不過空間不多，基本上「入房一步就上床」，不過林鈺洧對窩居十分滿意並說：「有人話我屋企好細，其實已係我人生之中最大嘅一間屋，一個人住兩房一廳已經好奢侈，我嘅冠軍后冠都放喺屋企，我好感恩唔會搬。」
