馬清鏗小三「五索」三度食言！因一事竟然爆喊 黃心穎慘被拖落水：已經變咗啦？
發佈時間：19:30 2025-01-16
馬清鏗／馬清鏗太太／鍾睿心／五索｜已婚有太太的大生銀行主席馬清鏗日前被《東周刊》獨家爆出與巨咪網紅小三「五索」鍾睿心（Rachel）暗交9年，事件爆出後，「五索」認愛錢甘做小三，甚至更被指為馬清鏗誕下四名孩子，曾表示馬清鏗元配孔令琦不知情的五索，揚言自己會「暫時消失」，因為不想牽涉其他人。
小三五索聲稱人善被人欺強調不認輸
不過昨晚（15日）「食言」，五索再度在IG分享一段「最後澄清」短片：「從此以後，永不澄清。」穿上居家服的五索躺在床上聲稱「心情已經差到落谷底」，對於外間的指責，五索直言：「人善畀人欺，我係絕對唔會喊，我亦都絕對唔會認輸。」可惜不足24小時，五索竟然又發文兼爆喊！
相關閱讀：小三「五索」傳為馬清鏗五年抱四！曾高調晒富商A陪囡囡讀書 山頂豪宅媲美遊樂場
小三五索最新「最後澄清」片段：
小三五索稱希望焦點不放落馬家身上
曾揚言「暫時消失喺social media一段時間」的小三五索昨晚又突然現身IG，今次她又聲稱是最後現身。五索在片中穿上居家服並躺在床上，背景傳來一陣陣沖涼聲。五索說：「我而家嘅心情已經差到落谷底。」她稱是因為樣子被拍到很醜：「任何人見到我真人都覺得我好靚，我鄭重宣布，唔該所有傳媒唔好搵我接受訪問，我係唔會接受訪問，因為你哋嗰個係照妖鏡嚟嘅。第二，希望你哋唔好將焦點放落馬家身上，因為我先係焦點，唔好再影響佢哋屋企啦，睇完就算啦，唔想再回應啦，OK，人善畀人欺，我係絕對唔會喊，我亦都絕對唔會認輸。」
五索竟然再度「食言」自稱爆喊
不過五索的「絕對唔會喊，我亦都絕對唔會認輸」的宣言過了不足24小時，五索竟然再度「食言」，貼出大堆紙巾相自稱爆喊：「我哭了，凌晨終於睇完你們的inbox，不是因為軟弱了，是因為你們的訊息太令我感動，你們打好多千字文很有愛，很感謝你們用心打了這麼多字。」結果事情出現大逆轉，竟然有人留言力撐：「一隻手掌係拍唔響，其他外來聲音不用理，贈佢哋一句，關你哋x事咩，型得起，吹咩，Be yourself 」、「今時今日，大家都鼓吹男女平等，咁做咩要講小三破壞人感情，個男人可能係自己搶個小三番嚟錫呢？個男人自己選擇破壞自己家庭冇人講既？因為佢有錢所以佢出軌就合理左？定係覺得女人好恰啲？」
有網民戥黃心穎不值
甚至有人戥黃心穎不值：「點解黃心穎要俾人鬧咗咁多年？係咪安心事件之後，大家都接受咗第三者？」、「哎呀同我一樣有咁嘅疑問！係咪世界已經變咗啦？」、「就係囉，一直比人話狐狸精，呢一刻我直情覺得何太都無錯，一樣貪錢呃個阿伯幾百萬，起碼人地唔係做第三者先。」、「即刻覺得何太都好無辜，又要再去東張西望還佢清白。」
小三五索認愛錢甘做小三：
相關閱讀：馬清鏗小三「五索」宣布消失 驚爆元配不知情：唔想牽涉到其他人嘅事
五索做三者被網民圍剿
其實五索的「絕對唔會喊，我亦都絕對唔會認輸」的宣言影片一出，曾一引發網民留言炮轟，有網民留言說：「人善被人欺？你邊度善？由頭到尾淨係見到二奶欺負正室咋喎，做人第三者然後話自己善良。」、「絕對唔會認輸呢句係咪同大婆講？大婆都未X你，你邊有被人欺呀！」但亦有人說：「放心，你唔會人善被人欺，因為善良既人未必會破壞人地家庭。」而五索亦有回覆留言說：「多謝你，我都祝你幸福快樂。」
五索稱有道德的人不要再follow IG
另外，亦有大批網民不值五索的行徑說：「頂唔順佢不停借澄清，係咁提人哋屋企嗰個係佢，二次傷害人地，仲要扮善良，簡直係妖怪。」其後再有人回覆：「人生嘅路點行的確係佢嘅選擇，佢道德觀念唔重亦係事實，最得人驚係嗰啲是非不分嘅人，因為佢講嘢好笑就認同佢做人第三者？個世界係發生緊咩事情？點解啲留言講到佢好似係受害者咁？明明佢都立志要癡有錢人去達到目的，佢點解會做咗受害者。」其後五索又回覆說：「我冇話我係受害者。我亦都冇話我係善良，我亦都冇話我係一個有道德嘅人。有道德嘅人就唔好再follow我IG。」
小三五索愛晒富婆式生活點滴
有傳五索獲男友送贈9000萬的豪宅，她亦經常在社交網拍片分享富婆式的生活點滴，除了拍片晒與小朋友在豪宅的巨廳玩拔河，面積如遊樂場一樣，豪宅內見有上落樓梯外，五索亦曾狂晒名牌靚手袋，五索試過將一個Mini Kelly 2金扣的黑色霧面鱷魚皮，價值約$36萬放在飯枱上：「好多靚女喺IG食好西時，除咗擺優雅食姿外，仲鍾意將心愛包包放前面晒命，但炫富要有技巧，你覺得晒一個包包證明到啲乜嘢呢？一係唔好晒，一晒去盡啲。」然後鏡頭就由餐桌轉了衣帽間，衣帽間有一個玻璃飾櫃放滿名牌包包，她超誇張地一口氣將近20個Hermès、Chanel、BALENCIAGA、Prada等等包包揹上身，以魔音笑聲說：「後成個富貴樣出晒嚟嘞，哈哈哈，哈哈哈。」
