萬千星輝頒獎典禮2024｜楊茜堯先拔頭籌奪大灣區最喜愛TVB女主角哽咽感謝老公羅子溢眼濕濕

更新時間：21:26 2025-01-19
發佈時間：21:26 2025-01-19

萬千星輝頒獎典禮2024／TVB頒獎典禮2024｜香港電視廣播有限公司（TVB）一年一度的《萬千星輝頒獎典禮2024》今日（19日）晚上8時在澳門上葡京綜合度假村舉行。今晚率先頒發一系列大灣區觀眾票選的獎項，其中「大灣區我最喜愛TVB女主角」由楊茜堯（前名楊怡）大熱奪得，她更在台上公開感謝老公羅子溢，並提到自己改名的原因。

萬千星輝頒獎典禮2024丨楊茜堯向羅子溢送飛吻

今晚兩位首先登場的頒獎嘉賓都是「五虎」，一個是「TVB五虎」的湯鎮業，另一位是「溫拿五虎」的鍾鎮濤，兩人出場頒發「大灣區」獎項，到壓軸的「大灣區視后」，五強分別是《黑色月光》的楊茜堯、林夏薇，《巾幗梟雄之懸崖》的胡定欣、《反黑英雄》的姚子羚，與及《婚後事》的陳自瑤。當宣布楊茜堯獲獎時，她先跨過身邊的陳豪與劇中拍檔兼對手林夏薇擁抱，再向坐在另一邊的羅子溢飛吻。

萬千星輝頒獎典禮2024丨楊茜堯哽咽感謝老公羅子溢：

楊茜堯12年前以楊怡之名憑《名媛望族》奪得視后，12年後改名同樣獲獎，可謂前無古人，她在台上笑言：「乜而家興咁早頒女主角㗎？真係有啲緊張，其實我諗住仲有時間上台諗一諗要講啲咩。」楊茜堯逐一多謝一眾TVB高層，又多謝《黑色月光》總監製鍾澍佳對她投下信心一票，她說：「我12年前，12年啦已經，我企喺TVB頒獎台嘅時候，我話我會繼續努力，我唔會驕傲」，說到此時，楊茜堯語帶哽咽地說：「12年後，我用咗重新嘅一個名，企喺呢個台度」，鏡頭轉向羅子溢，見他同樣被老婆的說話所感動。

萬千星輝頒獎典禮2024丨楊茜堯解釋因何要改名

其後楊茜堯解釋因何要改名：「除咗因為小朋友之外，我希望可以帶到個全新嘅形象畀自己，同埋我希望我喺佢哋人生之中留低我係一個……佢哋會好Proud of我係一個好好嘅媽媽，我喺我工作上面攞到好好嘅成就。唔准撩我，如果我仲有機會上台，我會還返啲時間畀你哋。」楊茜堯其後特別感謝羅子溢：「多謝我老公，有你喺我身邊，其實好多嘢我都可以唔care！但係有你喺我身邊，我會覺得好多嘢都會更加好。我希望我哋兩公婆無論今晚成績點，都畀小朋友一個美好嘅回憶。」楊茜堯多謝媽咪幫忙照顧子女，又預告已經隨時準備好再次拍劇，最好她差點忘了感謝支持她25年的粉絲，並再次重申自己叫「楊茜堯」。