郭晉安胞姐郭致因罕談姊弟情！一原因抗拒五字稱號未有因生意與家人有爭執

更新時間：09:00 2025-01-25
發佈時間：09:00 2025-01-25

60歲「視帝」郭晉安與胞姊郭致因共同創立的草姬集團（2593）去年12月掛牌，成為史上第二大及新股「超購王」，開報升幅達25%。在掛牌儀式上當日，郭晉安與胞姊郭致因（Gammy）準備時好好傾，郭晉安更開心大笑，又與胞姊握手擁抱，雙方關係甚好。

郭致因與家人做生意是挑戰

郭致因日前罕有地接受前主播方健儀的YouTube節目「女人方言」的訪問，郭致因笑言：「通常講到郭晉安家姐都未必係有好事發生，點解又提我呢？」郭致因亦稱與家人做生意，確實是一個挑戰：「利益永遠都係次要，家人嘅關係同感情先係優先。」

郭晉安家姐罕談姊弟情：

郭晉安與胞姊郭致因感情甚好

郭晉安與胞姊郭致因在1999年創立的公司，經營8個自有品牌，在二人經營下，集團迅速擴張，前年已新增第20間分店，郭晉安家中有9兄弟姊妹，年紀最大相差20年，郭致因排第8，而郭晉安係孻仔。因兩姊弟年齡相近，於是感情比較好，對於多年來被稱為「郭晉安家姐」，郭致因笑說：「冇錯呀，佢係我細佬嚟，幾十年都係咁樣介紹，我接受咗喇。我個人比較內斂，始終我唔係喺幕前，通常講『郭晉安家姐』都未必有好事發生，所以我就會叮一聲『究竟點解又提起我呢？』因為我係做生意，弟弟就做幕前，所以他每次佢連到我，我就要注意，又發生乜嘢事呢？」

郭致因形容生長於基層家庭

談到家庭的成長，郭致因形容為基層：「喺爸爸媽媽嗰個年代生好多小朋友，所以我哋有9兄弟姊妹，6個男仔3個女仔，大家嘅感情就近啲會好啲，大哥二哥同三哥friend啲，兩個家姐加另一個哥哥又會好啲，我對上一個哥哥加我同細佬又好啲。」郭致因稱童年時兩姊弟已經一齊去街市摘芽菜賺零用錢。

相關閱讀：郭晉安「登六」獲富貴花旦邀回豪宅香閨慶生離婚後打理家族百億生意回春

郭晉安歐倩怡離婚收場：

郭致因自爆從小已經有弱聽

郭致因又自爆從小已經有弱聽，但一直未有發覺，現時聽力係正常人的五成：「我一直都唔察覺自己呢個狀況，可能因為咁培養到觀察力同耐性，所以我覺得當一個人有先天性缺憾嘅時候，上天又會畀另外嘅優勢畀佢。」郭致因長大後曾做護士，之後移民加拿大亦修讀護理系，其後聽從家人建議回港，多年來郭致因將重心放在家庭，直到1999年在朋友介紹下從事保健品代理，郭致因與弟弟郭晉安傾，結果郭晉安樂意幫手做代言人，逐步打開保健品生意版圖。