31歲「最強小三」突晒肚凸凸影片孕味濃！ 曾獲富二代男友開豪華派對傳好事近
發佈時間：10:00 2025-02-06 HKT
31歲2019年港姐冠軍黃嘉雯憑2022年劇集《下流上車族》，飾演「最強小三」火速上位。黃嘉雯翌年被爆有富二代男友Jordon，二人已見家長，曾傳出好事近。黃嘉雯昨日（5日）突然在社交網晒出一條「肚凸凸」孕味甚濃影片，獲不少網民恭喜，更有人留言：「我見到母愛啊，一定係個好媽媽」。
黃嘉雯扶住腰行交足戲
黃嘉雯穿上緊身裙，在影片中最初坐在餐枱前，一臉幸福望向鏡頭摸肚。黃嘉雯之後在洗手間內自拍，對自己孕味濃的反應，以多角度拍攝，又不時撫摸凸肚。黃嘉雯之後在商場內慢步，更一度扶住條腰，十足孕婦一樣，「肚凸凸」的程度有如陀B約三、四個月，整個過程交足戲，只是被腳上穿高踭鞋出賣。
相關閱讀：聖誕節丨明星應節造型逐個睇！視帝愛妻化身性感聖誕女郎 黃嘉雯火紅Look網民睇到熱辣辣
黃嘉雯「肚凸凸」似有三四個月？
黃嘉雯在IG留言：「當你食得太多，就會似一整晚在懷孕，PS.別擔心，明日便會回復成6塊（腹肌）#foodbaby #funnyreels #好飽 #新年每一餐都吃的這麼飽」。不少網民留言：「Wow有咗？」、「差啲想講恭喜」、「個肚有咗幾個月BB好快生得」、「真係好似大肚咁，我搭車見到會讓座」等。
相關閱讀：黃嘉雯深圳開30歲生日會！似足東南亞奢華度假村 公開佈置飲食攻略搞足兩個月
譚嘉儀阮嘉敏留言搞笑
而譚嘉儀見到黃嘉雯影片後，直言穿緊身裙容易似孕婦，搞笑留言：「未夠我嗰個肚大呀，下次一齊有BB啦」，黃嘉雯回覆：「話說我食飽個肚真係變幻球三個月咁大，一齊有BB」。 阮嘉敏又加入「孕婦」行列稱：「我都有一個」，被問幾多個月大，黃嘉雯又回覆鄧伊婷：「今晚去廁所生返出嚟」，有趣對話引網民發笑。
相關閱讀：30女星賀蛇年圖輯！東張女神性感旗袍造型煞食 51歲前港姐冠軍「老佛爺」裝顯派頭
黃嘉雯性感靚相圖輯：
相關閱讀：香港小姐2024丨黃嘉雯高吊半空翻身失手臨危不亂 郭珮文封胸耍劍腳震震
黃嘉雯外遊洩「蜜」
黃嘉雯於2019年參選港姐時，曾傳出有瑞士籍男友Matej，不過二人相戀三年便分手。黃嘉雯之後被爆秘撻富二代Jordon，於2023年慶祝30歲生日，富二代男友Jordon亦有現身，二人更多次同遊泰國、韓國洩「蜜」。有指出身富裕的Jordon畢業於英國University of Leeds，住複式豪宅，現職方案經理（Solution Consulting），平時喜歡打籃球、行山及健身。
