38歲TVB女星生兩子後宣布封肚！爆遇一事比生仔更痛 攞政府兩萬竟然矇查查？
發佈時間：18:36 2025-02-07 HKT
38歲TVB女星賴慰玲（Winki）於2017年9月嫁舞台劇演員梁子峰，同年底誕下大仔梁進也。上月（13日）她在IG宣布細仔Kavis出世，正在坐月的賴慰玲近日在IG的限時動態表示「等緊出關，傾吓偈，問我」，跟網民互動大玩你問我答。網民反應熱烈，賴慰玲零底線大爆將會封肚，並自爆上一胎以母乳餵哺大仔時試過塞奶，感覺比生仔更痛！
賴慰玲跟網民玩你問我答
兩孩之母賴慰玲昨日（6日）在IG的限時動態跟網民互動傾偈，賴慰玲自投羅網，網民便發揮記者本能出招，有網民先問及她有沒有坐月貼士？她說：「E，你咁問我，我係咪要恭喜你？嗱！先生呢，就要盡量陪太太，令太太知自己有強大SUPPORT，太太呢 就要好夠休息，因為我覺得冇嘢難過荷爾蒙嗰關，瞓得夠會快啲打走隻惡魔，其他事都真係餵奶換片事，最後武器就係同自己講：冇嘢緊要得過BB健康！咁就會開開心心過月子啦！」
相當閱讀：38歲賴慰玲順利誕子！晒B仔相五官標緻 鼻高眼大萌爆
賴慰玲跟網民玩你問我答：
賴慰玲直言封肚
有網民問到賴慰玲會否封肚？今次生第二胎有沒有感覺好不同？賴慰玲一一答覆，她直言：「封肚，如無意外！」賴慰玲又指不怕餵奶換片，甚至身體都可以慢慢調理，「但…湊一個同湊兩個好大分別，湊一個可以好專心好細心，湊兩個成日好想平衡啲，成日覺得顧此失彼，每晚都會同哥哥傾偈，好彩佢真係好生性，好似已經做咗100次哥哥，不過今次遇正哥哥聖誕假+新年假，要安排嘢畀佢玩，如果唔係，佢只可以玩弟弟啲尿片。」賴慰玲又指這段時間她都只是看書，學做二子之母，更問網民有否書籍推介？
相當閱讀：賴慰玲突晒相爆與TVB一線小生有逾廿年「關係」 懷孕挺巨肚發文感慨
黎諾懿《婚後事》激戰賴慰玲絕密片流出：
賴慰玲上一胎「塞奶」好痛
有網民問到賴慰玲有否領取政府的生仔2萬元獎賞？她竟一頭霧水反問：「係咪要拎出世紙先有？我哋仲未諗到中文名，所以未去搞，有咩中文名提議？」至於她餵哺母乳定奶粉？她說：「三樣都有：埋身、泵出嚟、奶粉。我嘅宗旨係：唔可以有壓力！講真，我好想盡量餵人奶，一來對小朋友好，二來話晒封肚，我會好唔捨得呢種親密，但又要顧及自己時間分配、奶量，上胎試過塞奶，真係痛過生仔嘅痛。」
相當閱讀：38歲賴慰玲宣布懷孕晒陀第二胎近照！月初現身遮肚藏喜訊 17年與舞台劇演員奉子成婚
