東張西望｜港婦買內地樓疑遭詐騙！指控香港老牌歌手大力推銷：佢拍晒片話個樓盤好！
發佈時間：22:00 2025-02-09 HKT
TVB節目《東張西望》今晚（9日）報道，一名香港婦人去年3月以54萬人民幣，於惠州購入一個700多呎的名牌屋苑全新單位，怎料到現時仍未收到櫻，向香港涉事經紀求助亦未能為她解決問題，正面對「錢又冇、樓又冇」的困境。今次疑似騙案的關鍵，求助人指她收到一段，關於香港老牌歌星威利的短片，威利在視頻中大力推銷這個屋苑，令求助人決定買入單位。
惠州名牌屋苑兩房一廳盛惠54萬人仔
這個位惠州的名牌屋苑，一個兩房一廳、約700呎的單位價錢為54萬人民幣，求助人Helen表示：「我朋友買咗呢個屋苑嘅單位，我同佢一齊上去睇，而佢之後收到樓，又完成網簽，既然有白老鼠在前，我都唔怕買啦！」
相關閱讀：前《東張》女神升呢變政協委員 曾日打7份工為家人還債 主持搏命闖曱甴屋封女勇士
但最令Helen心動的，是收到一條威利的視頻，這名今年75歲的資深男歌手兼前TVB部頭合約藝人，在影片中大力推銷屋苑：「各位觀眾、各位香港朋友，我係威利，今日我嚟到惠州XXXX花園，睇呢度啲樓層，喂，幾好喎！你有興趣嚟睇吓，真係幾好！」威利在片中非常精神，而且中氣十足。
威利指「呢度啲樓層幾好」
Helen還表示：「有人同我講，威利喺我買嘅屋苑入面，買咗四個單位，連佢都買喇，都唔會係呃人啦！」所以Helen即刻全額付款買入。不過付款之後，單位久久沒有消息，Helen早前就找上負責相關樓盤的香港經紀商量，後者給予一張保證書讓Helen安心，保證書顯示若25年1月31日前未交到樓就會退款，不過直至今日2月9日，Helen仍未有收到樓亦未有被退款，故此找上《東張西望》求助。
威利曾拍《鬼同你OT》
威利曾於加拿大生活，他在1970年代與歌手林子祥以及大AL張武孝組成「玉石樂隊」加入樂壇，1979年主唱香港中華煤氣廣告歌而開始受人注目，及後加入電視台拍攝劇集，他所飾演的多數是滑稽搞笑角色。及至1996年，威利開始回內地從事製衣事業。2015年，他重返無綫電視接拍《鬼同你OT》等電視劇集，到2018年4月離開。受疫情影響，自2019年8月至2020年8月，據稱威利一年沒有收入，有8個表演活動被取消。
相關閱讀：40歲元祖《東張》女神殺入上流圈！獲TVB主席夫人關照 一個動作彰顯超然地位
