中年好聲音3丨「女大魔王」黃博失準認思路窄暴露不足 男兒身選手高菲甩Beat唔夠氣被淘汰
發佈時間：18:35 2025-02-10 HKT
TVB真人騷《中年好聲音 3》在昨晚（9日）播出的27強最終回合競賽，有「中3王菀之」之稱的陳芷盈憑《領悟》獲得97分超高分數，創下本季節目的最高分紀錄。有「女大魔王」之稱的黃博選唱英文歌《Can't Take My Eyes Off You》，結果被黃凱芹認為她「唔夠奔放」，陳奐仁更用「九唔搭八」來批評黃博尾段的發揮，最終黃博僅得87分。
黃博來擅長唱情歌
向來擅長唱情歌的黃博曾稱本回被分派到「勁歌組」，初時「腦袋空白」不知揀選哪首歌曲，最終決定嘗試跳出comfort zone獻唱英文歌《Can't Take My Eyes Off You》，可惜結果惹來不少批評，評審覺得她未夠「放」，未有自己的風格，周國豐更說：「呢首歌本身有好多性感同狂野，但係反而有啲部份跳過咗，令氣氛跌了下去。」
相關閱讀：中年好聲音3丨周國豐因「中3王菀之」陳芷盈鬧製作組好賤格？為分數反眼用一字發洩
中年好聲音3丨黃博為表現失準致歉：
黃博對於外界批評在FB撰文表示抱歉
對於外界的批評，黃博今日（10日）在FB撰文表示抱歉：「感謝評審對我嘅提點，感謝觀眾、網友、朋友、夥伴、家人對我嘅支持同埋建議。回顧呢一round，當時自己揀歌思路比較窄，冇諗到好多其他節拍快歌，自己編曲想法都只係奔著嗨歌方向，結果令現實同舒適區越拉越遠，導致出場前十分忐忑、台上表現唔夠放，Hanjin老師都非常精準指出我練習不到位嘅地方，自己對快歌舞台情況估計不足，又係第一次唱呢首歌，結果將自己不足赤裸裸嘅暴露出來，抱歉令大家失望。」
黃博稱無論如何都要面對和重新出發
黃博還說：「無論如何都要面對、要重新出發，在揮別前，很想感謝在這艱難一局中曾幫助過我、鼓勵過我嘅每一位：感謝新杰師兄（尹新杰），上場前鼓勵我，幫唔會打呔嘅我打呔，嗰一刻令彷徨嘅我十分感動；多謝昆昆(劉曉昆)，出場前講咗好多鼓勵我嘅說話，令我增強信心；多謝丁丁（DanJames），分享咗好多快歌可以同觀眾互動嘅經驗畀我；Thank you so much Dan for sharing so much wonderful stage experience with me while singing a upbeat song. 多謝與辰( 張與辰），分享咗好多唱快歌如何保持能量嘅Tips，幫助我分析、給予我鼓勵；仲要多謝家豪 （張家豪）、Kenny哥（劉建偉） 、力衡（熊力衡）、Ringo哥（楊證勳）、曾光等中三夥伴係台下為我揮手、與我呼應，台上可以模糊睇到你哋搖動，當時嗰心真係定咗好多。感謝大家。感謝這次的經歷與學習。」
相關閱讀：中年好聲音3丨女大魔王黃博撻Q被狠批九唔搭八！陳芷盈靠入院大伯勇奪97分！
中年好聲音3丨天籟女聲男兒身高菲表現未如理想：
相關閱讀：中年好聲音3丨「生命鬥士」李金凱搞喊黃凱芹慘被扣分？阮慧珊每日靠打針續命要贏到最後
黃博感恩被同路人的鼓勵和肯定
最黃博後黃博還說：「呢一round結束了，閱閱（杜閱）、高菲、Pinter（楊炳德） 提前畢業了，閱閱係一個真性情嘅女子，未來希望你嘅人生一路瀟灑、一直精彩；菲菲其實非常努力，綵排之前佢都會提前到，喺舞台上去熟悉走位同練習，感謝你每次都鼓勵我；Pinter都係，總是給予我100%嘅鼓勵同肯定。感謝#中年好聲音 呢個大家庭，每位散發出嘅光亮同愛！恭喜芷盈( 陳芷盈） 精彩表現感動全場，恭喜金凱( 李金凱）得到MVP，你用歌聲同努力提醒我哋，無論遇到甚麼困難都不是困難，要用積極且放鬆嘅態度去面對人生、去放聲高歌。」
高菲被肥媽狠批甩beat出局
報稱是自由工作者的男兒身高菲曾在《決戰大灣區》上獻唱《祝福》，當時憑一把天籟女聲，一開口便技驚四座最終獲6燈！但其後演出不似預期，在《中年好聲音3之大灣區新馬PK戰》上，憑一曲《愛上一個不回家的人》向難度挑戰，卻被張佳添直指三級跳未能好好駕馭，雖然最後都成功擊敗對手陳麗寶，但網上惹來不少負評。高菲今次選唱《刻在我心底的名字》，陷節奏兼氣息不足問題，僅獲得71分，被肥媽狠批甩beat「完全同個band唔夾」，黃凱芹直言「畀唔到分你」，張佳添則認為表現未有突破性，劣評如潮。高菲自言是個不太自信的人，心態隨著每輪比賽被「磨滅」：「第一輪心態可能比較好啲，呢個舞台好似魔咒咁，我對自己講唔好緊張，但每次上到台依然做唔到。」
