40歲前男星情人節被老婆狙擊！狂呻沒錢交電費 12字交代心情令人擔憂

更新時間：23:15 2025-02-14 HKT
發佈時間：23:15 2025-02-14 HKT

現年40歲張致恒（Steven）與老婆區燕雯（雯雯）結婚5年，婚後連誕四子。二人多年來因財困，不時問人借錢，甚至做「伸手黨」向網民求助！就算張致恒近年收心養性，考獲「平安卡」後到地盤開工，甚至做外判工人，但仍未扭轉窮困。雯雯昨夜（13日）在IG的限時動態連環發功，慘被老婆狙擊的張致恒今日（14日）情人節在IG無奈表示：「我真係好攰，有邊個係會明白……」。

雯雯連環狙擊張致恒

雯雯昨晚十一時許開始在IG出擊呻窮，她放負表示：「倒數一小時，過唔到12:00」，隨後她再發文：「理性啲，既然明知要cut電，把握時間，準備好一切。」原來她又因為沒錢交電費，家中的電力隨時被截斷。未幾，雯雯就刪除了「過唔到12:00」這一個發文，再發一個：「如（與）期（其）再求人，不如接受現實去渡過。」

被老婆炮轟張致恒12字回應：

張致恒12字交代心情

雯雯今晨繼續發功，「冇得煮飯，冇熱水沖奶，所有問題其實你係咪應該有個安排？冇錢交已經係事實，但作為屋企一個男人，就只係喺度等停？」約兩小時後，壓力爆煲的張致恒在IG的限時動態呻爆表示：「真係好攰，有邊個係會明白⋯⋯」

相關閱讀：40歲張致恒年尾收爐冇工開雯雯憂冇錢開飯網上發文尋死：成家跳樓

張致恒長年搵工賺生活費：

去年已沒錢交水費及電費

去年4月雯雯亦因沒錢交電費在IG發文炮轟張致恒，「要發生嘅，終於都發生。你終於都令到屋企發生俾人cut電，完全已經唔係容忍嘅範圍之內。小朋友又無得煮嘢食，又無熱水沖奶，不停喊，請問你想我點？！」兩個月後輪到沒錢交水費，雯雯又在網上鬧爆：「記住，我一開頭點保你，我而家有幾癲，癲嘅程度都係你堆積做嘅好事做成！我心裡當你透明，就當屋企多個工人！租都冇得交，水費冇得交，面臨全家冇屋住，真係仲可以有得食就食有得瞓就瞓？仲可以態度一句我而家係冇，次次一句冇，一句唔夠，就一定要我死掂佢？」

相關閱讀：張致恒疑無交電費被斷電！雯雯無熱水為囝囝沖奶又再爆Seed鬧老公

雯雯自認發癲鍾意公開鬧爆

雯雯續說：「係呀！我就係咁過份，鍾意公開晒鬧，鍾意發癲，我保佢嘅時候，你唔講？！我就係鍾意用呢種方法發洩，我冇攬埋啲小朋友自殺，我已經覺得自己好叻女，如果唔係兩個需要特別照顧，一個身體差，我真係丟低晒啲嘢話知你，出去做嘢，次次話靠你，真係食屎！出面全部畀人追嘅都係我面對同解決，我又要屋企照顧，我唔識變錢架大佬，次次面臨大問題，我就輕輕鬆鬆，若無其事去瞓覺！」雯雯還說：「我唔會再忍，亦唔會再受你氣，我冇嘢輸唔起，大不了全部放棄！我受夠你嘅不可一世態度！出新聞咪出新聞，我都出晒名癲，爛命一條，大不了咪離開。」其後雯雯再說：「放心，我未會死住，我答應過個仔會帶佢去海洋公園，我一定會先完成理先走，而家好攰，只希望有方法可以令自己平靜落嚟。」