爆紅女風水師驚爆結婚逾15年！視性生活為普渡眾生 一個月行房X次
發佈時間：16:39 2025-02-15 HKT
人稱「七師傅」的七仙羽自2020年ViuTV靈異真人騷《鬼同妳上位》而走紅，話題度更勝麥玲玲、蘇民峰，稱得上是近年曝光率最高風水師之一。事實上七師傅的背景相當傳奇，記者出身的七師傅曾豪言至少有10個物業揸手、現金、基金、黃金、投資，乜到有，身家豐厚多達十億。
七師傅自爆與荷蘭男朋友Gerald已結婚
七師傅的感情生活同樣惹人注目，自稱桃花超旺的七師傅談過多段戀愛，交往對象由科學家、王子都試過，不過近年與荷蘭男朋友Gerald交往逾10年，日前七師傅接受方健儀的YouTube節目「女人方言」的訪問，她坦言已經結婚，而且大爆兩人的性生活。
相關閱讀：七仙羽師傅新年派過百萬利是 劉穎鏇被批演藝事業旺紅到去宇宙 感情事竟被建議拍散拖？
七師傅的感情生活同樣惹人注目：
七師傅美貌而深深吸引Gerald
七師傅曾表示當初Gerald被她的美貌而深深吸引，對她一見鍾情，於是死纏爛打的展開追求，今次在訪問上，七師傅說：「其實追我嘅人好多，如果你喺外國生活過，就知我呢類係好受歡迎，後生身材又咁靚，成日都低胸同低腰，點會唔吸引啲外國人？我未試過同亞洲人拍過拖，嗰陣有個外籍男士追我，但係佢好煩，跟住佢話介紹佢嘅好朋友畀我識，呢個人就係我而家嘅老公。」
七師傅用老公去介紹Gerald
聽到七師傅用老公去介紹Gerald，方健儀當刻有點愕然，七師傅淡然地說：「我哋（結咗婚）好耐，我老公都唔敢我，佢係正人君子，好怕醜，嗰陣有好多女人圍住我老公，我哋慢慢有聯絡，出嚟食飯同傾偈。我哋結咗婚都有15年。」談到相處之道，七師傅說：「佢同我講，我係喺佢咁多個女朋友當中最好，我係似佢細個迷戀過嘅一個女明星，佢鍾意我嘅性格同個樣，唔似其他人咁chur，對佢嚟講係好完美。」
相關閱讀：46歲貴婦女星自爆10年冇性生活！上節目大呻：我下面不知道是甚麼東西
小S語出驚人叫老公搵小姐？
相關閱讀：蛇年犯太歲｜朱慧敏黃翠如麥明詩紛懷蛇BB！一出生即犯太歲 嬰兒名字有呢啲字要小心 七仙羽教化解貼士
七師傅零規限大談性生活
方健儀亦稱訪問前七師傅坦言零規限，任何話題都可以問，即使是「一個月有幾多次性生活」亦不介意公開，七師傅隨即問方健儀「有幾多次」？方健儀一臉尷尬地避談並說：「不如容許我留番呢個主導權，做番個主持將呢個問題問番妳。」七師傅說：「好喇，因為我善良同慈悲，所以唔逼你，我估到你係好少，因為好忙。我同我老公都係好忙，當然啱啱開始拍拖，幾次都得喇，而家呢把年紀，連瞓覺都唔得閒，邊得閒搞咁多次？」
七師傅續說：「一個月一次？有冇呀？我盡量喇，為咗你我盡量一個月一次，如果成日都唔做係唔健康，女人都容易老，對男人都唔好，萬一男人有嗰個前列腺炎，就係女人嘅錯。我哋為咗普渡眾生，為咗救你老公條命，一個月點都畀佢前列腺維持健康。」
