35歲小花過大禮金器鋪滿枱多到放落地排場誇張被形容恐怖級：開金行咁

更新時間：11:35 2025-02-16 HKT
發佈時間：11:35 2025-02-16 HKT

現年35歲的YouTuber兼歌手譚杏藍（小花），前年宣布跟拍拖10年的ToNick主音趙善恆（恆仔）分手，她分手後越來越富貴，不足兩個月便榮升做業主，半年後公布有新戀情，與相識多年的朋友Ronald變成戀人，更展開同居生活。譚杏藍去年8月宣布接受Ronald求婚，昨日（15日）過大禮非常大陣仗，單單龍鳳鈪都有十幾對，金器鋪滿枱大晒冷！

網民叫譚杏藍搵舊愛趙善恆做婚禮歌手

譚杏藍去年8月接受拍拖約一年的圈外男友Ronald於日本浪漫求婚，今年3月將會榮升人妻，近日與未婚夫先後上載多套靚靚婚照。日前譚杏藍在社交網出Po，希望網民介紹婚禮歌手，更提到已經有樂隊，「只欠東風」，有網民就留言「介紹」其舊愛趙善恆，更表示「呢個好聽」，譚杏藍毫不介意，大方回應網民指「好介紹」，並表示「慣咗，不過我搵到啦，happy」，最終刪去原Po。

相關閱讀：40歲樂隊主音驚爆右肺變花！貼X光照情況令人擔憂：咳到橫膈膜都痛

譚杏藍過大禮超誇張？

婚期進入最後直路，譚杏藍昨日在IG貼出多張相片，雖然簡單寫道：「15.02.25 過大禮，滿滿的祝福，準備正式成為一家人啦！感謝各位幫忙」，但從她分享的照片所見非常誇張。單是龍鳳鈪已有十多對，其餘大大小小金器如金豬牌、頸鏈等更放滿桌上甚至地下，還有兩隻名錶，其餘海味、水果、禮餅、椰子等等堆放在廳上，幾乎放出門口，一眾親友都寸步難行，排場超級誇張。

孫慧雪羨慕：金價仲要咁貴

譚杏藍媽咪望住準女婿都「笑到見牙唔見眼」，而準新娘亦大晒珍珠耳環及戒指，更與Ronald咀嘴晒恩愛，未正式結婚已讓人感覺到他們十分幸福。不少網民留言恭喜，同時亦有人笑指：「開金行咁，好有米，嫁得好」、「啲禮就嚟多到張相唔夠位」、「好勁抽多到差啲行唔晒出嚟咁」、「好強，第一眼以為妳做業配，好勁呀！好多，恭喜晒」、「面子工程」、「好誇張呀」、「好恐怖」，孫慧雪更指出重點：「嘩！！而家金價仲要咁貴，好勁呀！！」