衛詩雅結婚︱老公周祉安子華神上身 愛的宣言笑爆全場 4字搞到老婆即時爆喊
發佈時間：17:46 2025-02-17 HKT
40歲的衛詩雅（Michelle）情歸拍拖兩年半的醫美醫生周祉安（Kenley），兩人昨日（16日）共結連理，為人生揭開新一頁。周祉安是執業多年的醫生，衛詩雅一直稱他十分斯文和害羞，但猜不到周醫生在發表愛的宣言時卻「子華神」上身，尤如表演棟篤笑般笑得全場拍爛手掌，周祉安笑稱並非被太太的美貌和身材所吸引，他這段數分鐘的愛的宣言令嘉賓們又喊又笑，最後老闆楊受成上台為衛詩雅平反：「Michelle有驚世嘅美貌，周醫生你真係執到！」
周祉安深情發表愛的宣言
衛詩雅與周祉安昨日在中半山聖母無原罪主教堂舉行婚禮，晚上則在港島香格里拉酒店香島殿舉行婚宴。婚宴上，周醫生向愛妻發表愛的宣言時，他「子華神」上身，一邊望住手機上的「貓紙」一邊情深款款地說：「我對Michelle嘅第一印象呢，其實喺YouTube度見到呢個女仔，都幾鍾意講笑，但係講嘢又好似唔係咁好笑個樣，咁我最喜歡佢嘅地方就係佢樂天善良嘅性格啦！同埋一個好鍾意幫助人嘅心，我其實係畀佢正面嘅能量所吸引嘅，並唔係你驚世嘅美貌，ok？」衛詩雅聞言，即笑不攏嘴，全場賓客哈哈大笑。
相關閱讀：衛詩雅結婚丨 英皇老闆娘對新娘一個舉動證錫到燶！蔡卓妍相認幼稚園同學女星
周祉安向衛詩雅發表愛的宣言：
並非被衛詩雅美貌及魔鬼身材吸引
周醫生續指：「呢樣嘢我想同你講好耐，Sorry呀！你誤會咗，我係被你性格吸引咗，唔係被你嘅美貌，或者魔鬼嘅身材吸引㗎！」衛詩雅聽到老公說「魔鬼身材」時，先O嘴然後擘大口狂笑。
相關閱讀：衛詩雅結婚丨前TVB女星意外曝光富貴婚宴回禮！豪送英國名牌 優雅又實用
周祉安承諾對太太忠誠至死不渝
周醫生又指：「你係我今生今世最珍而重之嘅人，人無忠信，則無以立，有夫婦之間忠誠嘅互愛，一個人嘅人格先可以完全咁建立，我會對你絕對忠誠，至死不渝，願得一心人，白頭不相離，感謝你愛我！」衛詩雅聽到老公講「絕對忠誠」，即時感動落淚，立即用紙巾拭淚，周醫生見狀即上前擁抱太太安慰。
相關閱讀：衛詩雅結婚丨明星賓客陣容媲美金像獎！容祖兒方中信等群星到場 衛詩雅換性感晚裝幫老公抹嘴
現場嘉賓星光熠熠：
楊受成為衛詩雅平反
周醫生指不是被衛詩雅的美貌吸引，老闆楊受成也為衛詩雅平反，他說：「周醫生喺台上面講嗰啲嘢呢，我認為佢係喺DeepSeek嗰度Download，點可以諗到啲咁嘅嘢講，但有一句係好真嘅，Michelle有驚世嘅美貌，周醫生你真係執到！」楊受成此話引得全場拍手歡呼。而網民大讚周醫生愛的宣言鬼馬又感動，「呢段愛的宣言，新郎哥好正，楊老闆都好正」、「好感動，統統絕對忠誠幾多男人肯講」、「周生咁鬼馬」、「周生咁鬼幽默」。
相關閱讀：古巨基對老婆一舉動證愛足30年！恩愛出席衛詩雅婚宴 56歲Lorraine被讚似TVB前爆紅花旦
