五索破天荒開名直斥「馬先生」 句句有骨鬧對方孤寒：依家死人咩？
發佈時間：19:05 2025-02-17 HKT
已婚大生銀行主席馬清鏗早前被《東周刊》獨家爆出與34歲巨咪網紅「五索」鍾睿心（Rachel）暗交9年，並誕下4名孩子，事隔一個月，事件似乎無損二人關係 。日前情人節，五索拍片指她的伴侶「馬先生」一如以往送花，但卻爆男方大「縮水」！
五索稱馬先生為慳錢提早送花
五索以往在社交網常以「富商A」來稱呼馬清鏗，更曾大爆男方孤寒行為。日前，情人節她就拍片開名稱「馬先生」的慳錢行徑，她表示：「話說情人節，咁馬先生每年都會送花俾我，然後我每年都叫佢唔好再送玫瑰花，但每年呢，佢都一定會訂99支玫瑰嘅，仲喺同一個網站度訂；但係今次我早收到紮花，喺2月13日已經收到，我第一時間諗，我知道發生咩事，因為2月13號送，應該會比較平，正日送一定貴啲㗎嘛！」在旁揸車的裕美即笑言：「咁唔怪得阿作（林作) 13號同我去食飯。」五索即笑指馬先生與林作是同一類人。
相關閱讀：肥媽經歷痛恨「小三」 嘲諷五索：人格唔係人人有 傳授留住老公絕密心得丨獨家
鄧兆尊就五索事件瘋狂爆料：
五索續投訴：「咁都算啦，你早一日送我當你撳錯咗，之後佢今年仲要無啦啦減量，由99支變咗60支，都算啦，中間係有一紮白玫瑰，大佬而家死人咩？你送白玫瑰做乜嘢呀？咁我就覺得『嘩！你真係浪漫』，可能佢送到最後尾會逐步減囉，減到剩返一朵玫瑰花。」不過五索就在短片下補鑊寫道：「直男的浪漫，都好過唔送。」
五索疑似Cut馬先生線
另外，五索曾大爆馬清鏗「管得好嚴」，直指他「長期一個鐘就打一次電話嚟，不過我唔知佢為乜事打電話畀我，我多數cut佢線。」昨日（16日）五索再孖好姊妹裕美到九龍城味嘗一間著名沙嗲牛肉火鍋店， 五索一路食一路「彈」，更拍片留言寫道：「網上有無限無盡的好好廣告是關於這間餐廳。果然有錢係可以掩蓋事實。」而在食食吓期間，五索電話響起，她立即表示：「奪命追魂call又來啦」，她拎起電話說：「喂」不過未有透露內容，然後就「拜拜」，但未知打來的是否馬先生。
相關閱讀：林作支持富商養小三可冇責任即撇 遭五索出手掌摑 自爆為小朋友已搬屋9次
「小三」五索疑與馬清鏗出席富豪活動：
