「試當真」Jessica陳苡臻「派帽」？疑背男友游學修 孖富貴MK仔日本外遊甜蜜攬攬
發佈時間：19:15 2025-02-18 HKT
「試當真」的游學修，自2022年宣布與陳苡臻（Jessica）拍拖以來，兩人感情穩定，游學修去年更在IG放閃，「我比較幸運，好早搵到自己興趣，更成功將佢變成我嘅『志業』。」近日，有網民在機場拍得Jessica與一名「橙毛仔」並排而坐，並表示「香港機場見到試當真Jessica拖住個MK仔」，照片一出即掀起Jessica派帽疑雲。
網民機場捕獲Jessica孖MK仔外遊
有網民昨日（17日）在threads出post，並寫道：「香港機場見到試當真Jessica拖住個MK仔」。照片可見，頭戴白色冷毛的Jessica身穿黑色羽絨，與一名橙色頭髮、作潮人打扮的年輕男子現身機場候機室，兩人在等候上機時，Jessica更充當攝影師為對方拍照，但未有如樓主所指般拖手。
相關閱讀：手機見鬼丨彭發接受林明禎甩底理由：應向工作人員道歉 稱唔應該拎名字「大話禎」開玩笑 陳苡臻爆家中遇靈異事件
Jessica被偷拍背游學修孖MK仔外遊：
網民質疑造假
帖文一出，網民迅速把相中男主角起底，原來橙髮男子是Rapper Billy Choi（蔡承恩），網民感嘆Jessica與游學修的戀情不再，紛紛在帖上留言，「Jessica 同修哥散左咩？」、「修女變B女」，網民更質疑樓主所指Jessica拖住個MK仔屬作料，「拖住嘅定義好廣」、「拖？邊度拖咗」、「一齊坐就叫拖住，食飯咪有BB？」、「你知唔知個拖字係點解？」有心水清的網民留言表示，「似係去拍mv，依稀記得Jessica講過今年會有個音樂project同Billy有啲關係，個人覺得Jessica會鍾意啲叻嘅男仔」、「Ca姐喺謝票場透露過同Billy Choi有合作㗎！咪屈！」
相關閱讀：游學修望跟軒仔網上合作擦火花 女友性感演出無需預先批准
游學修認愛Jessica：
Jessica：我哋之間真係有嘢
Jessica與游學修的「分手」傳聞炒得熱，蔡承恩昨晚即在IG貼出與Jessica的合照，力證清白，簡單寫道：「Bro」。而Jessica今日（18日）亦在IG揭盅，她表示：「我認我 只想聽你講 你願意試多次！BILLY CHOI - 分手 feat. Jessica Chan 陳苡臻…… 我哋之間真係有嘢 有首歌」，這個宣傳的「分手」玩笑，成了連燈熱話。
相關閱讀：游學修最驚無人知是金馬獎第2名 佩服鍾雪瑩得獎前後都平靜 承認與Kayan9896合約完結 : 好來好去
蔡承恩是誰
Billy Choi（蔡承恩）是近年冒起的Rapper，他與光頭幫（TomFatKi）合唱《天水圍Gang Gang》而被人認識。前年他參與ViuTV電視劇《那年盛夏我們綻放如花》，成功「入屋」，同年亦推出《Sorry呢度係香港》，MV接近100萬點撃，早前他推出《海連茶樓》，因而讓外界知道他是酒樓太子爺。而Billy Choi名草有主，本身有一位拍拖7年的女朋友，日前才雙雙慶祝情人節。
相關閱讀：游學修網台被指寸爆偶像流失Fans 強調冇咁嘅事慎言多時讚自己好乖
