星級大搜查丨明星千奇百趣恐懼症 P1X3L成員有尖嘴恐懼 糖妹最驚一種聲音 醫生：屬於精神病

人人都有自己恐懼的事物，例如蛇蟲鼠蟻，但你又有沒有對於一些事物莫名奇妙地恐懼？今集《星級大搜查》搜查一吓明星與市民有哪些離奇的恐懼症，同時找來精神科專科醫生麥棨諾向大家講解病症及治療方法。離奇的恐懼症到底有哪些成因？麥醫生指出可能與當事人的童年經歷有關，而恐懼症更屬於精神疾病的一種。

怕蛇蟲鼠蟻最平常 遊客：最驚冇錢

《星級大搜查》訪問的明星及市民當中，最多人提及令他們有恐懼感的，大多都是蛇蟲鼠蟻。P1X3L成員吳啟洋（Phoebus）向《星級大搜查》表示：「好驚昆蟲，任何拍翼有聲嘅，我都會好驚。」林寶玉分享最怕會聚在一起的小蟲子，「隻殼係好硬，細細粒圍住一大堆，我依家講起都打冷震……因為佢會爬上我隻腳度。」林寶玉受訪過程中只是想像都覺得毛骨悚然，她說：「你拍佢嗰吓佢又會爆啲血出嚟，同埋佢爆咗個殼嘅時候係『格格聲』。尤其喺啲木、床邊，我試過見過有一堆。」遊客Raya表示：「Snake,anything can stay in forest.（蛇，任何森林內的動物）」市民Rain向《星級大搜查》分享最怕蟑螂；遊客王先生對老鼠有嚴重恐懼感。更有市民及遊客對個人經濟問題有擔憂，遊客小豪表示：「最驚冇錢！」市民朱小姐也表示：「最驚冇嘢做！」

相關閱讀：星級大搜查丨邊位圈中人派利是最闊綽？張家輝爆有老闆「求其都派幾千」 森美：過千係基本 林峯封過萬

明星最恐懼甚麼？

糖妹：超驚金屬磨擦聲

糖妹向《星級大搜查》透露對一種聲音極其恐懼，她說：「金屬嘅磨擦聲我自己超驚嘅，有時見到我阿媽專登整啲碗碟磨擦聲，我就會忍唔住鬧人，會將我心底嗰鼓燥底激發咗出嚟。」至於恐懼原因糖妹並不清楚，更開玩笑警告大家：「細細個就咁㗎喇，唔好問我點解咁燥底，一定係你整咗啲嘢有聲！」

相關閱讀：星級大搜查｜明星忍大便記！陳家樂忍到生腎石 過度忍便可致肛裂 醫生教一招鍛鍊大腸控制便意

佘詩曼、鄺文珣患幽閉恐懼症

佘詩曼向《星級大搜查》分享，原來好因一次困𨋢經歷而患上幽閉恐懼症，她曾在前往工作的路上發作，她說：「最嚴重嘅時候，喺條隧道入面大塞車，我直情想跳車，唔知點算，唞唔到氣。」當時車內的人與她聊天，她嘗試吃東西分散注意力，但仍無助放鬆，「我搵到一個方法制止呢件事嘅惡化就係閉眼，我見唔到就會好啲。」她靠幻想身處於一個廣闊的空間才度過塞車引發幽閉恐懼症的情況。

相關閱讀：星級大搜查｜明星保暖靠打底？梁芷珮禦寒大挑戰 公開穿發熱內衣正確方法 呢種質地全球最保暖可抵負40度嚴寒

至於鄺文珣則表示自己曾有「恐慌突襲」的情況，但已經痊癒，不過她與佘詩曼一樣因曾困𨋢，而引發幽閉恐懼症。鄺文珣說：「因為我好驚，所以我唞唔到氣。嗰次之後都有啲驚自己喺一啲咁嘅密室裡面，突然間你話我出唔到去呢，咁我就會好辛苦。當又再遇到類似情況時，咁我估Panic Attack（恐慌突襲）會復發。」鄺文珣靠慢慢呼吸，放鬆情緒來減輕幽閉恐懼症發作的影響。

相關閱讀：星級大搜查｜胸部豐滿易失平衡跌倒？娛圈「咪神」親解大胸的煩惱 脊醫：可致生骨刺

市民最恐懼甚麼？

P1X3L成員George有尖嘴恐懼症

P1X3L成員歐鎮灝（George）自爆對鳥類有恐懼，「驚窮同埋驚雀仔，我見到會走。因為我有尖嘴恐懼症！」鄧月平因為兒時在鄉下被癩蝦蟆嚇倒，此後對同類的動物都充滿恐懼，她說：「我驚青蛙嘅程度，係打開書見到都會即刻扔咗本書。」關伊彤因電影情節影響，對鯊魚有恐懼，「我會不其然毛管戙，因為以前睇片睇得太多，就話如果下面啲水流突然轉冷，咁就應該係下面有啲好大型嘅嘢會游上嚟。」

相關閱讀：星級大搜查｜唐詩詠麵包店被嫌貴 33 Cubread VS 人氣麵包店價錢逐個睇 直擊市民狂掃3百多元麵包

林曉峰恐懼人群

林曉峰有豐富主持經驗，卻有人群恐懼症，他解釋因做幕前工作與人的距離比較遠，但平常私下近距離遇到很多人的情況，他會感到非常焦慮。林曉峰向《星級大搜查》分享：「好多次去坐港鐵，我個腦突然一片空白，空白到我唔知坐邊條線。我要即刻低頭搵個電話睇吓個路線點行。可以令到我平伏心情嘅就係塞住個耳機，播返啲輕音樂就會令我平伏到情緒。」他發現自己對人群有恐懼全因20多年前的經歷，「廿幾年前試過有一次我喺銅鑼灣，我一行出停車場突然見到好多人，我見到啲人喺我頭頂度轉呀，轉到我唞唔到氣，跟住作暈作嘔，由嗰日開始我就知我要同啲人有少少距離。」他笑指如果有途人想邀請他合照，萬一他沒有笑容，請不要誤會他黑面，可能是恐懼感突襲。

相關閱讀：星級大搜查｜藝人MBTI真實個性大揭秘！羅天宇恐懼社交極度怕人 關心妍：蔡一智私下好XX｜有片

恐懼症被界定為情緒精神問題

精神科專科醫生麥棨諾接受《星級大搜查》訪問，指恐懼症屬於焦慮症的一種，被介定為一種情緒精神問題。而據臨床經驗，最為常見的是幽閉恐懼症，麥棨諾醫生表示：「恐懼係因為喺個密室嘅環境 ，包括可能佢哋做啲身體檢查嘅時候 ，要入去磁力共振嘅機器或者電腦掃瞄嘅機器入面，又或者佢可能困𨋢，突然個恐懼感出嚟，令佢唞唔到氣，甚至更嚴重嘅，可能佢坐坐吓車，而架車喺個隧道入面大塞車郁唔到，又落唔到車，呢啲都係幽閉恐懼症嘅來源。」

相關閱讀：星級大搜查｜2024叱咤十大歌曲冇人識？街頭「接歌」大挑戰 學生驚訝姜濤得獎：唔太好聽

恐懼原因或與童年經歷有關

麥棨諾醫生指，當人對某事物特別恐懼，可能與他童年的經歷有關，但當事人未必記得非常清楚，可能只會對當時的恐懼感特別深刻。麥棨諾醫生表示：「有可能同以前遇過一啲童年創傷、經驗或者不良記憶有關，令佢有唔開心，從而產生恐懼感。假設親人為咗𠱁小朋友笑、整蠱佢，可能突然喺佢唔留神嘅時候拎隻蝴蝶，好近距離喺佢面前，佢當下嚇一嚇，可能自此對蝴蝶所有形態，或者近似蝴蝶嘅嘢都會產生呢種恐懼。嗰種恐懼直情係你唔想接觸、唔見、閉眼想像都會覺得好不安。」

相關閱讀：星級大搜查｜啟德主場館開5萬人演唱會  哪位歌手期待值最高？ 張敬軒、炎明熹被點名

密集圖案產生壓迫感

而近年較多人提及的密集恐懼症，麥棨諾醫生解釋：「密集恐懼症係當我哋見到啲窿、圓形物體或者形象堆得好密，喺埋一齊嘅時候就會覺得好毛骨悚然。嗰個圖像可能令佢有種壓迫感或者令佢聯想到唔係咁好嘅畫面，例如有蟲鑽出來。呢啲通常都係會引伸到每個人過往對於一啲窿經歷過咩或者見過咩。」

相關閱讀：星級大搜查丨娛樂假新聞充斥社交網點分辨？市民靠兩招辨真假 瘋傳林愷鈴墮樓亡龔慈恩嬲爆回應

性侵受害者患嚴重恐懼或致陰部痙攣

恐懼症發作可能會令人心跳加速、冒汗、慌張及暈眩等，嚴重恐懼症或會影響日常生活。麥棨諾指，現時醫治恐懼症的方法包括用血清素再回收抑制劑進行藥物治療，以及用漸進暴露療法配合呼吸放鬆方式，令患者慢慢克服恐懼感。漸進暴露療法是由想像到慢慢讓患者接觸恐懼的東西，從而減輕恐懼感，麥棨諾醫生表示：「所有焦慮、驚嘅感覺，我哋唔會好似火箭升空咁一路無止境向上升，去到一個位慢慢會進入平台期，然後恐懼感慢慢會消失。」大家又有沒有特別恐懼的事物？不妨留言向《星級大搜查》分享。