五索突然笠水！認怕被馬清鏗「cut水喉」自動封嘴 被評吸引之處：XX功夫了得
發佈時間：16:30 2025-02-22 HKT
66歲已婚大生銀行主席馬清鏗早前被《東周刊》獨家爆出與34歲巨咪網紅「五索」鍾睿心（Rachel）暗交9年，並誕下4名孩子，五索高調宣示主權，看似無損二人關係，情人節仍收到伴侶「馬先生」送的60支玫瑰花。不過五索近日拍片，直呼：「馬先生會嬲㗎！」更直認笠水怕被「cut水喉」要封嘴。
五索怕被cut水喉
五索日前在IG貼片，大爆笠水怕被馬先生cut水喉，「阿馬先生會嬲㗎！我再亂講嘢，我會畀人cut水喉，所以我依家唔可以再亂講嘢！真係唔可以再錄㗎啦！」
相關閱讀：五索破天荒開名直斥「馬先生」 句句有骨鬧對方孤寒：依家死人咩？
五索呻爆笠水怕被cut水喉：
五索：真係笠水啊
影片可見，五索與裕美於車廂中，她趁車程期間拍片呻爆：「最近有好多人問我呢，點解唔拍片啊，係咪笠水畀人滅聲，其實真係㗎！真係笠水啊！不過把嘴又忍唔住，又想講，又想錄喇！咁公司嘅嘢呢，我就冇辦法再拍喇！冇辦法之下，咪畀晒美美（裕美）拍囉，唔係點啫依家？已經入晒貨囉，搞壇嘢出嚟，我話一定要賺錢……總之依家我就舐咗嘢，我就出唔到鏡囉，唔係我唔想拍囉！」
相關閱讀：肥媽經歷痛恨「小三」 嘲諷五索：人格唔係人人有 傳授留住老公絕密心得丨獨家
「小三」五索疑與馬清鏗出席富豪活動：
五索：唔可以再任性
五索更指自己唔可以再亂講嘢：「唉！總之我依家唔方便出鏡啊，因為我真係…我唔可以再咁任性㗎喇，唔可以再亂咁講嘢，依家我咁尊貴嘅身份俾人公開咗，馬先生會嬲㗎，我再亂講嘢，我會畀人cut水喉，所以我而家唔可以再亂講嘢！」 五索又指裕美的命格是「越努力越幸福」，而自己則是「越躺平越幸福」，所以她絕對不能工作，亦都不能出鏡太多，裕美即直言：「你躺平呢，係你冇得揀，因為你乜嘢都唔識做嘅OK？你係真係乜嘢都唔識做，你係我認識嘅唯一一個人類係可以乜嘢都唔識做呀！真係！」
相關閱讀：林作支持富商養小三可冇責任即撇 遭五索出手掌摑 自爆為小朋友已搬屋9次
裕美爆五索床上功夫了得
不少網民在帖上留言，好奇五索有何吸引力，「係佢真係識吸引住男人個心，定純粹遇到個男人對佢死心塌地？」、「真係有火定扮㗎？」裕美即衝出來做代言回答，「床上功夫了得」、「真火」。
相關閱讀：馬清鏗小三「五索」高調晒命惹另一半不滿 寸爆回應四子女出世紙有否爸爸名字
