67歲前破產男星驚爆中風？頭部突現腫脹半身失去知覺：病情唔係簡單
發佈時間：12:00 2025-02-23 HKT
67歲的「阿燦」廖偉雄早於70年代入行，在電視劇《網中人》飾演新移民「程燦」一角成功入屋，更成為其代表作。廖偉雄到90年代末，淡出幕前轉行從商，近年又移居到馬來西亞發展有機農場事業，已甚少公開露面。「阿燦」廖偉雄近年開設YouTube頻道公享健康心得，但最近的一條影片，卻自爆身體出現毛病，惹健康隱憂。
廖偉雄左下顎僵硬
廖偉雄日前在其個人YouTube頻道「廖偉雄 / 燦神龍場 / 阿燦 Ah Charn」透露：「一隻腳中風，一隻腳痛風，攞命呀！攞命呀！大佬，攞命呀！」廖偉雄表示在2024年11月底，出現左下顎僵硬問題，感到麻痺，驚覺有中風跡象，後來食藥感覺有好轉，但幾日後又感到不適。
相關閱讀：66歲廖偉雄酷熱街邊拍廣告濕晒仲識笑 從商34年身家過億慳家冇助手自己推篋丨獨家
「阿燦」廖偉雄健康現隱憂：
廖偉雄有一日開餐食燒鵝、糯米飯期間，食到一半感到不舒服，要即時回家。廖偉雄表示：「好疲倦同埋唔想講嘢，跟住開車返屋企，喺車度瞓，瞓瞓吓突然感覺好急屎，跟住感到頭頂唔舒服。一摸突然發現成粒嘢脹咗出嚟，口唇裡面又脹咗，成頭好似人哋練九陰真經咁，一嚿一嚿腫脹咁。」廖偉雄返家後即要如廁，「屙爛屎」後感到輕鬆不少，腫脹問題同時也減輕許多。
相關閱讀：65歲廖偉雄罕露面 驚現大眼袋撞樣卡通蛙 大談燦神語錄「等錢論」
廖偉雄腳部肌肉「縮水」
直到12月時，「阿燦」廖偉雄突然感到左腳無力，兼失去控制能力，廖偉雄坦言感擔憂：「係完全冇知覺，大鑊啦，唉呀！死啦，中風呀！朋友喺旁邊，佢話『使唔使去醫療室睇吓？』我話『唔使，我有藥。』一啪落去，啲氣血都通啦，成隻腳都行返晒。」經過兩日發生同樣情況，廖偉雄雖然有食藥，但過了一段時間，發現左腳肌肉有明顯「縮水」的跡象。
廖偉雄曾做身體檢查
早在2023年廖偉雄曾做身體檢查，當時未有發現問題：「中風係冇預警，佢話嚟就嚟㗎啦。」廖偉雄認為與心臟供血問題無關，猜測是曾經撞傷臀部，睡覺壓着左邊神經，導致起身時左腳行動不便。只是廖偉雄未找出左腳問題的成因，右腳又出事：「左腳中風，右腳又痛風。」廖偉雄透露右腳已連續痛了兩星期。
相關閱讀：廖偉雄慶祝結婚周年太太罕現身 因與女星來往影響夫妻關係 決心淡出從商身家過億
廖偉雄隨身帶備藥物
廖偉雄由發現問題至今已逾兩個月，曾嘗試不同治療方法：「針炙係有用，而家好返六成左右，仲未完成康復。呢個故事教訓我哋，呢個病情唔係簡單，話中風一定係個心，塞個嘢（心腦向管阻塞），有好多原因令你血液流通唔到。」廖偉雄現時會隨身帶備藥物，因為有時能逃過一劫，全靠一粒藥保命。
相關閱讀：福祿壽訓練學院｜廖偉雄闊別17年重返TVB 忽然爆喊好淒涼 轉行從商曾破產
廖偉雄昔日作品造型經典：
廖偉雄入行48年經歷不少挫折，1999年曾因直銷業務，欠債40多萬元，被銀行入稟追討申請破產。廖偉雄曾重返演藝圈，在訪問上表示：「對我嚟講，困難係一個機會，畀個機會你去應對，冇呢啲就冇機會，你嘅人生就平淡，任何嘢都係睇你點睇，如果你認為係困難，任何嘢都會變得好困難，任何嘢都有利與弊，你可以選擇一個利多過弊嘅方法去解決。」
廖偉雄為愛妻淡出
廖偉雄當年放棄演藝事業，主因是珍惜所擁有的一切，因為做演員而建立人脈，卻發現在有需要時打開電話簿，能夠救助他的人竟然沒有幾個，因此他學懂得珍惜，回歸過平實生活。廖偉雄還有另一個原因，與太太不明白其工作有關，因太太不喜歡他跟女藝人食飯或送人回家，一度令二人的關係出現裂縫，廖偉雄珍惜與太太的感情，最後捨棄幕前，決心淡出娛樂圈。
