45歲吸金王禁慾1個月感崩潰！自爆因一事夫妻難行房晒老婆床照驚見一物好識嘆

更新時間：23:00 2025-02-23 HKT
發佈時間：23:00 2025-02-23 HKT

45歲林盛斌（Bob）是娛圈多仔公，他與太太黃乙頤（Pearl）結婚17年，育有三女一子，分別是16歲大女林霏兒、13歲的二女林熹兒、10歲的三女林機兒以及7歲的孻仔林道申（Jaye），一家六口生活幸福美滿。林盛斌於下月7日首次踏上紅館舉行Talk Show 《The Bobfather Finale 2025》，分享家庭及事業、人生𤓓事，傳播正面訊息。昨晚（22日），林盛斌在小紅書及IG上分享了一張臥室照片，自爆因囝囝扭親手而導致兩公婆一個月內都不能做一事，更直言影響開騷心情。

林盛斌自爆因一事夫妻房禁慾1個月

昨晚（22日），林盛斌在小紅書及IG上分享了一張臥室照片，並留言：「細佬因為扭親隻手，唔方便擒上擒落，所以媽咪叫佢喺我哋嗰間房嗰度瞓，直至一個月之後隻手好返晒嘞，拆咗石膏先至返自己房瞓。吓咁咪即係成個月都唔可以……. 咩囉…..唔係啩，咁我會冇心機做紅館個show 㗎喎！」照片中可以看到太太黃乙頤躺在床上入睡，而囝囝則戴上比卡超眼罩並躺在地上的床褥，而且手上綁了繃帶，看起來傷勢頗為嚴重。另外，亦能看到林盛斌夫婦房內不但可擺放雙人牀，還放有一張大型按摩椅和3個放滿書的白色書架，而且空間亦十分寬敞，即使囝囝打地鋪仍綽綽有餘。

林盛斌因一事影響開騷心情：

林盛斌撞樣一卡通玩偶？

帖文發佈後不少網民抽水留言：「叫佢來我間房，你專心做好個show」、「有咩所謂～以前D人住豆腐潤劏房，唔一樣生三四五六個」、「唔好出聲就係啦唔好咁激動」、「Bob哥節制點，一年一次就好了」，亦有人在留言區晒出一張卡通玩偶的照片，並留言：「琴日見到呢隻公仔，唔知點解第一時間諗起你」，其後便引來不少網民紛紛留言附和：「哈哈哈哈哈哈哈救命啊，真係好似」、「其實隻嘢係咪就係林盛斌」。