Dear Jane演唱會2025《Dearest Dear Jane Live》成軍20年紅館演唱會門票公開發售/票價詳情一覽 3月5日滙豐信用卡用戶優先購票
發佈時間：22:51 2025-02-27 HKT
Dear Jane演唱會2025｜Dear Jane《Dearest Dear Jane Live 2025》20週年紅館演唱會2025將於5月11至14日在紅磡體育館（紅館）舉行。Warner Music HK早前在IG等社交平台公布Dear Jane演唱會最新資訊。本文為大家不斷更新Dear Jane演唱會2025《Dearest》20週年紅館演唱會門票公開發售及優先訂票、座位表及票價等最新資訊。
Dear Jane演唱會紀念成軍20周年
2025年是Dear Jane成軍20周年紀念大日子，華納香港早前公布，Dear Jane將於5月11至14日假紅館舉行《Dearest Dear Jane Live 2025》演唱會，Dear Jane成員主唱黃天翱（Tim）、結他手翁厚樑（Howie）、低音結他手伍漢邦（Jackal）和鼓手黎俊華（Nice）將與樂迷一同於紅館慶祝。Dear Jane演唱會2025門票設有優先訂購，由3月5日至3月7日，滙豐信用卡持卡人可於HK Ticketing網站及熱線進行優先訂購。
Dear Jane演唱會2025優先訂票詳情：
- 日期及時間：2025年3月5日上午10時至3月7日晚上11時59分
- 網上購票：www.hkticketing.com或快達票應用程式
- 電話購票：31 288 288（上午10時至晚上8時）
- 了解更多：https://grp.hsbc/PDAHCC
Dear Jane演唱會《Dearest Dear Jane Live 2025》詳情：
- 日期：2025年5月11至14日
- 時間：晚上8時15分
- 地點：紅磡香港體育館
- 票價：$1080 / $880 / $680
- 主辦單位：Warner Music Hong Kong
Dear Jane演唱會2025｜演唱會名為 《Dearest》指最親愛的
Dear Jane早前為拍攝演唱會海報選址天台及樓梯，4位成員表示：「今次演唱會叫做 《Dearest Dear Jane Live 2025》， 海報概念有啲似係一封信或者一張明信片 ，似係歌迷寫信比我哋，又或者係我哋寫封信比歌迷，互相分享一啲感受經歷，都呼應返我哋第一個紅館演唱會名用寫信嘅下款 「Dear Jane Yours Sincerely Live」去命名。海報喺樓梯影，可以話係代表住音樂里程上嘅每一步。」他們續說：「天台係一幢樓嘅最高地方，但當你人在天台，你會望到對面有更多更高嘅天台。天台風景好靚，但音樂嘅里程，唔會只係停留喺一棟大廈，走完一幢樓，我們會走向另一幢更高嘅樓！而天台應該係比我哋間中走上來 take a break嘅一個地方，望一望呢個咁靚嘅世界，然後我哋又繼續向前行。」
Dear Jane上一次紅館演唱會已是2021年，4位成員表示 : 「四年無開紅館，今次準備先開4場，名為 《Dearest》是『最親愛的』嘅意思，我覺得如果你嚟我哋演唱會，就會搵到最親愛嘅朋友。你哋都係我哋『最親愛的』，我哋嘅歌亦都係你哋『最親愛的』！入面有好多故事，所以希望整個表演圍繞呢個主題。」
相關閱讀：Dear Jane成軍20周年紀念 5.11-14辦紅館演唱會 天台影宣傳海報見一景致感觸
Dear Jane演唱會2025｜Dear Jane成軍20年望佔歌迷人生一席位
今次亦是紀念Dear Jane成軍二十週年，問到他們轉眼二十年，有什麼變化？Jackal表示：「好似都冇乜點變，都係對住呢幾個人去生活去玩，唔同嘅係多咗好多新歌，同埋回憶起以前嘅一啲舊歌，多咗好多唔同感受。」Howie表示，「我記得剛剛組成樂隊嘅時候，Tim仲返緊學，依家都有自己嘅家室，有小朋友，呢二十年係人生嘅一段好長嘅路，我哋最希望喺歌迷嘅人生之中，我哋都佔咗一個席位啦！大家陪我哋走咗咁遠一段路，呢次演唱會係一個慶祝，一嚟來參一個派對！我哋有好多新環節準備同大家去表演，會獻唱我哋好多唔同年份嘅歌曲，音樂上又有新提升，我覺得會幾好玩！」
去年Tim在多場不同演出上都病過，今次演出前Tim表示希望「唔好中招」， 「點樣保持健康？冇咩特別㗎，又唔會瘋狂操練，我地係用個腦去保持健康囉，哈哈。我地不嬲都係咁上下，燃脂就係喺騷上面發力燃燒自己啦，開騷前反而儲多啲能量，哈哈。」而成員Nice則表示：「咁多年我哋冇諗過目標要去到邊，我哋淨係想做好每一首歌，想上台唱到呢啲歌，令到大家開心，繼續無窮無盡，維持初心。有時都會諗，等自己老咗，呢啲嘅美好就可以留返第時瞓喺床上面慢慢回憶！」
