五索患病12小時3入醫院痛不欲生！拍片教人生道理遭插爆：出得嚟行遲早要還
發佈時間：18:30 2025-02-28 HKT
34歲的網紅「五索」鍾睿心，早前被《東周刊》獨家披露，是身家以百億計的66歲大生銀行主席馬清鏗的小三，兩人暗交9年，育有4名子女，事件轟動全城。2月19日，五索拍片大爆：「馬先生會嬲㗎，我再亂講嘢，我會畀人cut水喉……」自此，五索收歛不少未有再提及馬生，而昨晚（27日）五索在IG的限時動態貼相，她自爆生蛇，痛不欲生，更12小時內入了三次醫院。
五索生蛇12個鐘入三次醫院
五索昨晚在IG的限時動態貼相，她寫上：「超崩潰，人生最痛，12個鐘去咗三次養和，生蛇痛過生仔！」並附上四個爆喊的emoji。照片可見，五索貼出大側面的照片，她圈着左邊額頭表示生蛇的位置，而感染的額頭塗上白色的膏藥。
相關閱讀：五索突然笠水！認怕被馬清鏗「cut水喉」自動封嘴 被評吸引之處：XX功夫了得
五索生蛇痛不欲生：
五索三日前拍片皮膚出現敏感
生蛇會引發劇烈疼痛，五索踏入蛇年不久便被「蛇咬」，素顏的她躺於床上休息，她一臉病容沒精打采，面上的皮膚現啡色斑點，她面露不悅地自拍。三日前，五索在IG分享「做自己」的影片，當時五索化了妝自拍，面上皮膚疑似敏感，出現凹凸不平。
相關閱讀：《東周刊》獨家直擊馬清鏗現身 避回應與老婆孔令琦婚變傳聞 見記者影相驚惶失措
「小三」五索疑與馬清鏗出席富豪活動：
五索拍片教網民「做自己」
影片中，五索教網民做自己不要太在意別人的感受，「自從發生嗰件事之後，我收到最多嘅inbox就係問我點樣先可以做自己，同埋點樣先可以有自信，其實你唔可以做自己，原因只有一個，因為你太鍾意批評人，以前嘅我都幾鍾意批評人嘅，我覺得依個人唔應該咁樣做，我覺得依件事唔應該咁樣發生，到最後我係會批評埋自己嘅，好多時我想做唔夠膽做，因為我覺得嗰件事，唔啱吖嘛！」
相關閱讀：五索破天荒開名直斥「馬先生」 句句有骨鬧對方孤寒：依家死人咩？
五索：有一日佢一腳都會兜開你
五索又指這個世界有很多事情發生，應容許它發生不要加插個人意見及價值觀，「你做人會自由奔放好多㗎！同埋我哋千祈唔好太在意別人嘅感受，由細到大我哋都被教育成需要合群，我哋需要去識得同人相處，然後形成一種討好型人格，其實呢個世界絕對唔係你對人好，人哋就對你好嘅，有機會你對人好呢，有一日佢一腳都會兜開你，單純係因為你有利用價值啦，所以佢會留低你！任何關係都係，所以千祈唔好做一個討好型人格嘅人，因為你會活得好痛苦！你作為一個人呢，連自己嘅感受都唔識得去尊重，而尊重別人嘅感受先，其實你都係一個非常之唔值得令人尊重嘅人，所以你一定唔會過得好㗎！」
相關閱讀：肥媽經歷痛恨「小三」 嘲諷五索：人格唔係人人有 傳授留住老公絕密心得丨獨家
網民批評五索「做自己」的言論
五索一番偉論遭網民留言批評，「唔係有錢就代表你講嘅野一定有道理，每個人都唔可以因為做自己而傷害人覺得無問題」、「你有錢不是全因你的個人手段去達成，天時地利人和缺一不可，其他人唔好因為呢啲個例去動搖自己嘅道德價值觀，女人要幫女人，如果社會越嚟越多人宣揚你呢種小三風氣，只有更多嘅家庭、下一代童年受到傷害，出得嚟行遲早要還。」、「你畀人批評係因為你做事不顧道德，敗壞社會風氣。請不要以『做自己』為擋箭牌，美化自己卑劣的行為。」
相關閱讀：馬清鏗小三「五索」高調晒命惹另一半不滿 寸爆回應四子女出世紙有否爸爸名字
