謝霆鋒「現身」海濱busking 獨家直擊街頭樂隊The Flame成功召喚偶像 張敬軒無預警登場：喊咗好多次

謝霆鋒早前宣佈將於2025年4月24日、25日、26日在啟德體育園舉行三場演唱會，門票全數售罄。但仍有大批歌迷搶票失敗，當中包括街頭樂隊The Flame，他們上周在灣仔海傍busking，期間唱出《玉蝴蝶》引起現場觀眾共鳴，由於過去The Flame亦曾與歌手合作busking，不少網民都助攻在Threads狂Tag謝霆鋒，竟獲本人回覆引起熱話。The Flame亦回覆《星島頭條》表示：「佢嚟唔嚟都已經唔係重點，重點係大家都可以喺threads見到佢。」至今日（8日），The Flame在灣仔海濱busking，成功召喚張敬軒本尊無預警現身。

The Flame灣仔海濱開唱聚集千人

今日黃昏6時，The Flame busking準時開始，灣仔海濱已有過百人擔櫈仔或坐在地上聽，唱了一首歌後，阿Kit表示現時正在做新歌，會將大家的打賞會放在歌曲製作方面，之後粉絲們紛紛早前打賞，令她非常感動，表示沒想到反應會那麼熱烈。Busing開始約一小時，現場已聚集超過500人圍觀，最高峰時更有過千人，The Flame分別唱出多首經典歌如《矛盾一生》、《紅豆》、《終身美麗》、《歲月如歌》、《愛是最大權利》等，反應勁好。

The Flame獲謝霆鋒張敬軒力撐：贏了99.9%的人

Kit在演唱時突然提起之前召喚謝霆鋒的事情，她指霆鋒是大家的MK之神，更反問大家「有邊個冇聽過《活著Viva》、《玉蝴蝶》？」即惹來掌聲，又指因雲浩影也會在社交平台留言給他們，所以嘗試留言給謝霆鋒，她指當初做這件事很單純，想看一下霆鋒會不會像張敬軒一樣回覆他，而當初張敬軒也有回覆自己，表示多謝The Flame為香港的音樂帶來一個新的面貌，沒想到會玩這麼大，謝霆鋒有留言，指他們已經贏了99.9%的人。

Kit說：「其實呢件事係你哋做有用，我出聲係冇人理，證明大家真係好想謝霆鋒出現，嗰個係謝霆鋒嚟，我憑咩去情緒勒索個大明星？其實佢係唔需要理我哋呢班人，佢願意去做呢件事係十分感恩同多謝，冇其他，今晚佢嚟唔嚟我唔知，但希望大家好好enjoy我哋而家有嘅嘢。」當唱《小日子》時，Kit突然表示軒公傳訊息給她，全場即大叫「軒公」，在唱《青春常駐》時，Kit笑指自己只是草民，可能會唱得不好，之後再唱出《騷靈情歌》等歌曲。

謝霆鋒iPad連線現身

雖然謝霆鋒真身沒有出現，但在晚上約9點，霆鋒與Kit在iPad中連線，現場過千人即時起哄狂叫，霆鋒表示因有工作所以不能來，但表達了對所有人的感謝，之後Kit在唱霆鋒演唱會主題曲《逆行》時，就將IPad傳給現場觀眾，而霆鋒也逐一向他們揮手打招呼，Kit之後多謝霆鋒的出現，而他也說「多謝你哋！」

謝霆鋒連線完結後，身穿皮褸頭戴黑色cap帽的張敬軒突然在人群中現身，全場即瘋狂大叫「軒公」，軒公搞笑地自稱自己是熱心市民張先生。他大讚The Flame是這個城市很可愛的風景線，很想來親身感受，他又指事前不知道霆鋒會視訊，之後對著Kit說：「雖然自己冇玩過busking，但可以面對面毫無包袱咁同大家唱歌，其實係一件好幸福嘅事，我好羨慕你！」他又透露，來的時候被幾個大陸人叫幫忙影相，幸好影完後他們表示他影得好，不然要「7街瞓」，令全場爆笑。兩人之後合唱《青春常駐》，現場樂迷即大叫「好正呀！」

張敬軒首次睇Busking：喊咗好多次

及後張敬軒又表示，要幫大師兄謝霆鋒唱歌，自稱「灣仔謝霆鋒」的他，最後與Kit合唱《活著VIVA》，全場high爆，大批現場人士跟著一起唱，將灣仔海濱變成露天K房。唱完後軒公指看The Flame busking是很感動，雖然他之後繼續坐在地上看表演，但隨後又被叫出場唱《餘震》，聽到全場拍爛手掌，整個busking約在晚上11點完結。

軒公接受《星島頭條》獨家訪問時，指今晚8點左右到，今次是第一次看busking，他指因經常在網上會看到The Flame：「我覺得快樂係 可以好organic，大家一齊聽吓歌唱吓歌係好開心。」問到今次看完後，是否也有興趣busking？他指今天只是想來感受：「成日都行過呢個地方，但有音樂嘅陪伴係差好遠，好感動，喊咗好多次。（呢首歌最觸動你？）係氣氛，就算啱啱聽洪嘉豪首《黑玻璃》都想喊。」又表示日後有機會會偷偷地再到現場欣賞。

The Flame主音Kit爆吳雨霏或現身busking

至於得到兩大男神力撐的The Flame，主音Kit就表示覺得很驚喜，雖然霆鋒之前已私訊自己表示因為有工作在身不能來，但亦答應跟自己視訊來答謝這一班來到現場的朋友，至於軒公，她表示真的沒想過他到現場支持，所以真的很多謝他：「好驚喜，今日佢唔止過嚟打招呼同聽歌，然後一齊聽又留到最後先走。」她又指，當初召喚霆鋒是一個非常巧合的事情，所以也很感激霆鋒今日視訊來跟大家say hi，令大家也很開心。她又透露，吳雨霏私下也曾傳個訊息給她，表示想一起玩，不過實際時間仍然不知道，她說：「時候到，我搵到機會就真係會邀請佢嚟。」

謝霆鋒開Threads帳號回應網民

謝霆鋒早前跟上潮流，開設Threads帳號「chefnicookies」，而他於3月2日發表第一個Threads貼文，表示：「咁多人tag我搞咩，覆緊大家，畀啲時間。」原來街頭樂隊The Flame早前在灣仔海傍唱《玉蝴蝶》氣氛高漲，其後The Flame的主音Kit（張潔瑩）在Threads發文Tag謝霆鋒希望邀請他於3月8日到灣仔海傍一同busking，「我深信有好多人都搶唔到謝霆鋒演唱會飛，有冇得再加場？不過就算你真係加場，我都相信我會繼續搶唔到，不如……我可唔可以好大膽咁邀請你3月8號，嚟同我哋一齊玩？」更請The Flame的歌迷出手助攻tag爆謝霆鋒。

3月2日謝霆鋒終於回覆The Flame表示：「我見到了，恭喜你成功贏咗99.9%人！」並說：「咁多人tag我，慢慢覆大家，謝謝支持！」很多網民估計謝霆鋒可能真的會現身灣仔海傍與The Flame一起busking，紛紛表示非常期待。最後謝霆鋒以視像形式「現身」，相信已經令The Flame非常開心。

相關閱讀：謝霆鋒演唱會2025門票Cityline公開發售 即睇購票連結／票價／座位表 公開發售門票半小時內售罄 積極計劃開Part 2

謝霆鋒獲The Flame邀灣仔busking

The Flame主音Kit獲謝霆鋒回覆High爆

The Flame主音Kit收到謝霆鋒的留言後，在Threads表示：「呢個comment係由大家許願得番嚟，我相信，如果佢本人唔願意，無論我地tag 佢幾多次，tag 到我停經佢都唔會有反應。謝霆鋒呀，謝！霆！鋒！呀大佬，佢去煮嘢食唔好？要開個Threads嚟同大家玩，真心感恩。不過認真真心講句，我哋呢班草民誠心許個願，有嘅，係bonus，冇嘅，我哋都係咁玩，都係咁開心。講真，成班人為咗一個好天真嘅諗法一齊去搏，你又有幾耐冇試過？試左，得嘅，就與眾同樂。唔得嘅，都起碼贏左99.9%人。（嗱，呢句chef講嘅）」。更分享謝霆鋒新歌《逆行》歌詞，勉勵大家要「保有年少時的一點天真」。

相關閱讀：謝霆鋒演唱會飛炒過十萬 楊受成：拉姑都嗌晒救命 霍汶希叫大家理性啲

The Flame想邀謝霆鋒源於搶飛失敗

The Flame3月3日回覆《星島頭條》表示：「因為真係買唔到飛，嗰晚真係好ad hoc，突然傾起大家都搶唔到演唱會飛，然後我哋呢班人又係喺threads 度爆出嚟， 就真係好天真咁亂噏話不如試下召喚佢出嚟啦。咁大家就開始tag 佢，真心冇諗過佢會出現。如果佢真係出現，我諗我會暈低咗先。」至於如果與謝霆鋒合作busking真的成事，他們希望可以現場聽到謝霆鋒唱新歌《逆行》，「因為真係好正！」他們亦補充：「其實佢肯用threads 覆大家，已經好開心喇，佢嚟唔嚟都已經唔係重點，重點係大家都可以喺threads 見到佢。」

相關閱讀：名人雜誌丨謝賢現身cafe真實狀況曝光 霆鋒啟德個唱擬「父子檔」上陣

謝霆鋒進化演唱會預告片：

The Flame 是誰？

The Flame是香港最有名氣的街頭樂隊之一，他們2012年起逢星期六晚上都在銅鑼灣街頭busking，吸納了很多歌迷。去年The Flame在西環開音樂會，吸引千人逼爆西環。成軍逾十年，The Flame有出色的樂手，有擁有好歌喉的主音Kit，而Kit表演時更間中夾雜一些地道粗口，爽朗的性格亦是吸引歌迷的因素之一。Kit曾表示一直busking是希望感染大家，即使年紀漸長，仍可以保留一點純真做喜愛的事，與謝霆鋒新歌《逆行》的概念不謀而合。近年The Flame除了接婚禮及活動的Live Band表演，仍堅持每周在灣仔海傍busking，更不時請來流行歌手busking，包括黃妍、力臻、Michael C等。

相關閱讀：謝霆鋒相隔4年推出全新廣東歌《逆行》 親自作曲維持搖滾風格 啟德主場館試音順道拍MV