前一姐被江美儀暗指搞人老公遭落降、大婆一屍三命親揭因病解約：有幻覺

更新時間：09:00 2025-03-10 HKT
發佈時間：09:00 2025-03-10 HKT

53歲的蔡曉儀曾拍攝《天蠶變之再與天比高》、《洪熙官》、《九王奪位》、《我和春天有個約會》等劇集，在90年代紅極一時，更被封亞視一姐。但正值當紅時期，她突然神隱逾十年，近年間中才於幕前露面。早年有傳蔡曉儀做第三者，被落降頭導致精神恍惚。日前蔡曉儀接受鍾慧冰YouTube頻道訪問，親自回應多年來有關她的傳言。

江美儀曾指有女星疑做小三被落降頭

江美儀2015年曾在TVB節目《Big Boys Club》分享，曾有位當紅花旦突然停工逾一年，再復出後判若兩人，變得精神恍惚，更影響工作。江美儀在節目中分享：「以前佢係好爽朗、好鍾意笑、好醒嘅女仔，但佢再出返嚟，個人好渾沌，好似成日瞓唔醒咁。」江美儀續指，該女星曾在早上拍一場與男演員擁抱的戲份，最終拍至晚上仍未完成，「佢突然間會『你唔好掂我』、『我唔畀你掂』，但佢兩個演情侶。」最後行內有傳該女星在某國結識到一名已婚男士，疑似被落降頭。

相關閱讀：失婚8年江美儀被邀加入性愛社群：我冇咁開放主持綜藝節目影響交友進度

蔡曉儀罕回做第三者被落降傳言？

女星間接令元配自殺一屍三命

江美儀透露，這位女星多次請人解降都不成功，更傳聞有師傅為她解降失敗而喪命。江美儀因不忍這位女星渾渾沌沌十多年，曾請教一位功力深厚的師傅，卻被告知這位女星介入他人婚姻，元配上門哀求仍不願放手，最終懷有孖胎的元配自殺，一屍三命，要解結只可請該女星到事發的國家出家為尼，不過師傅斷言難成事：「（元配）唔會畀佢上到機。」雖然江美儀在節目中沒有透露該女星的名字，不過當時有傳媒翻出蔡曉儀曾於2014年受訪，透露自己兩度輕生獲救，並自爆被落降頭，因此外界都推測江美儀所指的女星可能是蔡曉儀。

蔡曉儀否認被落降頭

蔡曉儀日前接受鍾慧冰YouTube頻道訪問，當被鍾慧冰問到：「江美儀當時喺個節目入面講咗個故仔，入面話有個佢識嘅女藝員去東南亞某一個國家，識咗個有家室嘅男朋友，結果令元配自殺。」蔡曉儀亦表示聽說過這個有關她的傳言，「我唔知點解佢會有呢個故仔啦，但當時我係思覺失調，以為有人落咗我降頭，但呢啲事其實係冇發生過，我唔知點解傳傳吓講到好似好真咁。」蔡曉儀表示沒有因此而對江美儀生氣，「冇，或者佢都係誤解咗，唔需要太上心囉，我而家解釋返就得啦，嬲一個人好辛苦。」

江美儀罕提與吳君如胞弟隱婚原因？

蔡曉儀患情緒病被亞視解約

至於與亞視解約原因，是否如另一傳言指她因私自接拍內地劇惹怒亞視？蔡曉儀透露與亞視解約真正原因，當時不知是否因壓力太大而受情緒病困擾，「當時冇做亞視係因為情緒出現問題，所以做好多嘢都唔係跟常規咁去做，當時情緒好唔穩定，所以令到同公司解咗約。」而解約後，她一直休養，亦有看醫生，她表示：「我有幻覺以為自己畀人做咗啲嘢，其實係冇，係因為情緒病而出現呢啲問題。」如今蔡曉儀已不用再服情緒病藥物，這二十多年來，她幫經營時裝生意的家人工作，亦有意復出拍戲。被問到感情狀態，她坦言至今未婚，仍然單身。

防止自殺求助熱線：

「情緒通」精神健康支援熱線：18111

香港撒瑪利亞防止自殺會： 2389 2222

生命熱線： 2382 0000

明愛向晴軒： 18288

社會福利署： 2343 2255

撒瑪利亞會熱線(多種語言)： 2896 0000

東華三院芷若園： 18281

醫管局精神健康專線： 2466 7350

賽馬會青少年情緒健康網上支援平台「Open 噏」：http://www.openup.hk

↓立即下載星島頭條App↓