譚詠麟與陳百祥關係決裂？首認明星足球隊「分家」兼發幾晚噩夢：大家睇法唔同
發佈時間：18:00 2025-03-12 HKT
由藝人譚詠麟和已故退役港隊代表中鋒尹志強發起香港明星足球隊在1986年成立，多年來有不少藝人加入參與球賽，成員陣容相當強勁，包括有任達華、苗僑偉、張學友、曾志偉、黃秋生等知名男星，近年仍活躍於隊中的包括黃日華、何家勁、戴志偉、吳岱融、洪天明、吳家樂、鄧兆尊等。
不過香港明星足球隊近年疑鬧內訌，傳出不少是非，去年11月陳百祥（阿叻）脫離香港明星足球隊，另與圈中男星組織球隊「精裝足球隊」，近來在內地出席多場球賽，其後再爆出與譚詠麟不和。譚詠麟日前現身薛家燕主持的電台節目，首度回應事件並直認不諱：「真係有呢件事，空穴來風必有因。」
相關閱讀：明星足球隊疑鬧內訌真相曝光！內部人士大爆曾被一男星大罵：佢真係鬧我XXXX
譚詠麟直認明星足球隊「分家」：
在節目上，薛家燕追問譚詠麟：「聽聞明星足球隊分咗兩隊？」譚詠麟直認不諱：「真係有呢件事，空穴來風必有因。」是否兩隊作風不同？譚詠麟也直言：「出面啲人成日都問我係咪同阿叻唔啱？點會唔啱呀？幾廿年朋友，唔會為咗呢啲嘢；不過當日睇到新聞條片個心都離一離，驚唔知點答傳媒朋友，返到屋企發咗幾晚噩夢，仲紮醒。」
譚詠麟續說：「但其實諗通咗就好簡單，都係幾樣嘢，無論職業、商業、業餘都好，全球有咁多華人，個個都識我哋，嗰餅咁大，點搞都好，只不過而家覺得佢同我哋嘅風格有些少唔同，因為佢比較肉緊啲，我哋比較嬉戲啲，大家睇法唔同；全球咁大，佢想點踢同點睇都得，相信有一日，佢迷途會返嚟，但佢未必迷途，可能佢方向啱都未定，我都希望佢做到自己鍾意嘅，其實我哋私底下仲有見面呀，過年都有講恭喜發財。」
陳百祥回應離隊原因：
相關閱讀：陳百祥離奇升呢做兩大男神師傅？入行46年新搞作 身上一物竟變集體回憶
陳百祥離隊原因與下一代有關
曾經是香港明星足球隊的元老級隊員陳百祥，去年驚爆離開明星足球隊，另組建「精裝香港明星足球隊」，陳百祥曾拍片解釋始末，當日組織明星足隊，本身是想整個演藝圈一起，不只是足球，還有乒乓球、羽毛球，甚麼運動都有，只不過因為起初跟曾志偉、譚詠麟都是踢足球，故先組織足球隊，當時包括梅艷芳都是啦啦隊隊長。陳百祥又稱明星足球隊會將踢波所得的金錢，存進慈善基金，去幫助一位窮人或有需要幫助的人，並指現在到了第二代，洪金寶已不會踢，所以現在就是洪天明，一代一代傳承。不過，陳百祥指自己沒有小孩接不到：「咁所以我而家就係，承傳返呢樣嘢，好似而家咁，我拍戲，馬國明我徒弟啦、黃宗澤我徒弟啦，上一次我嚟咗呢度之後呢，就係我最後一次踢香港明星足球隊，諗下返去不如組一隊叫精裝明星隊。」
