40歲《同事三分親》小生北上搵食艱難趁老婆瞓着凌晨搵真銀任男客攬錫照單全收

更新時間：18:30 2025-03-13 HKT
發佈時間：18:30 2025-03-13 HKT

40歲前TVB小生蔡淇俊，2005年傳出與陳自瑤合作《赤沙印記@四葉草. 2》而撻着，兩人戀情維持4年。2014年蔡淇俊跟TVB結束12年賓主關係後就北上發展，開拓內地飲食事業，不過發展一般曾自爆慘蝕幾百萬，近年店舖亦相繼結業。蔡淇俊去年公開老婆呂藝甯「廬山真面目」，並且開新公司擁4,000呎超大的辦公室，勢要東山再起。為養家和照顧一班員工，蔡淇俊不惜凌晨開工，更被現場「顧客」狼死錫面亦在所不惜！

蔡淇俊不願太太捱壞獨自工作

蔡淇俊昨日以「賢妻扶我青雲志，我還賢妻萬兩金」為題開帖，並附上一條深夜搵食影片，原來蔡淇俊去酒吧登台唱歌搵真銀。於影片中蔡淇俊表示，因為去酒吧登台通常時間都在凌晨12時後，他怕老婆捱壞身子，所以就自己單獨工作，親一下正在睡覺的太太後就出發。

相關閱讀：前TVB小生嫌老婆外貌平凡又肥遭網民怒插自認身邊多靚女曾傳戀索爆花旦

蔡淇俊酒吧登台搵真銀：

蔡淇俊換上型仔西裝Look到達酒吧，他表示以前登台會很緊張，甚至會提前一個月就緊張、弄得胃抽筋睡不着，他表示「我會驚，我會怕，所以推得就推，我會逃避，依家年紀大，又有咗家庭，亦有一班細嘅跟我食飯，我有咗責任。唔記得幾時，我硬著頭皮頂硬上過一次開始，就夠膽面對恐懼，當我跨過呢一步嘅嗰一刻開始，其實好多時都唔係咁困難啫，諗辦法賺錢養家先係最重要！」

蔡淇俊任男客攬錫

蔡淇俊為了養家和給員工出糧，所以決定登台搵真銀，於片中他又唱又跳十分賣力，並跟現場粉絲打成一片，彼此極多互動，最令人吃驚的是有其中一位男粉絲，竟然趁蔡淇俊不為意衝前親了他的面頰，蔡淇俊亦照單全收。小紅書上的網民都大讚蔡淇俊是顧家好男人：「喺大灣區搵食餓不死嘅」、「你很努力，上天會眷顧一個努力的人」、「腳踏實地，能屈能伸」、「合法合理賺錢不需要任何心理負擔，養到老婆家人就係強者」、「能自己扛起家庭有責任心的男人運氣一定不會差」。