80年代港姐季軍老公認出軌？自爆內地工作曾受誘惑 報行踪只為安心：要呃大把手段
發佈時間：10:00 2025-03-17 HKT
現年60歲、1984年港姐季軍唐麗球（波波）與前三級片男星吳毅將結婚22年，婚後育有一女吳梓希（Janelle），雖然吳毅將早年北上發展，甚少時間留在香港，不過未有影響夫婦關係，依然恩愛如昔。
日前吳毅將接受唐麗球好友鍾慧冰的YouTube頻道《冰姐的花樣人生》的訪問，雖然吳毅將向來是緋聞絕緣體，而且又曾獲老婆公開讚「顧家冇失聯」，不過在訪問上，鍾慧冰坦言男士北上工作免難免會受到誘惑，吳毅將被問會如果處理時，他竟然說：「一定有，咪去囉。」
相關閱讀：前港姐唐麗球女兒激罕曝光！父系基因強大撞樣莊子璇 曾留學加拿大韓國
吳毅將北上工作受到誘惑：
吳毅將認內地工作曾受引誘
鍾慧冰聽到好友的答案，忍不住說：「你咁講真係巴閉咯。」不過吳毅將笑說：「你咁問，咪去囉。」吳毅將續說：「做我哋呢行，喺劇組裏面多、出便應酬生活又多，一定遇到呢啲嘢，完全靠個人，唔靠個人定力及把持，其實話畀你聽多多都有，多多都可以去做。但有時人係咪做呢啲嘢就係快樂呢？你做咗一次後，你得到某啲快樂，內心好鬱結，其實係一種罪惡，你可能會好難過，其實你想要啲乜嘢呢？」
吳毅將報平安只是一個安心
鍾慧冰又稱表示有很多圈中男士為內地女子而與正室離婚，吳毅將只說：「呢啲嘢我哋大家都唔知，大家都係一個個體，各有各嘅感情生活，佢哋出現咗呢啲問題，我哋實質唔知幾多，有啲可能係離咗好過唔離，如果追尋到個幸福，真係開心咪由佢哋。」再問怎樣向太太有個保障？吳毅將直說：「冇保障㗎，一個字，大家唔講，唔提。（有人誘惑呢？）講畀佢聽做乜，佢咪仲擔心多啲，乜都唔講。」他指住腦和「良心」，意指很多「在心中」。對於太太讚不時致電報行踪，吳毅將說：「呢啲係報平安，一定要，而且仲係一個安心，講真要呃呢啲跟本可以隨時編造出嚟，話我冇搞女人呀，瞓覺嘞，側邊冇人，講嚟做乜？冇用，真係要呃大把手段啦，同埋一個東一個西，除非開住視頻睇住瞓覺啦，呢啲都係冇得講，係多餘。」
相關閱讀：58歲唐麗球晒纖幼長腿網民激讚有少女味 陪吳毅將食茶記夠貼地
吳毅將內地登台又發火？
唐麗球女兒撞樣港姐冠軍莊子璇
唐麗球曾說慶幸能遇上她口中最有擔帶的吳毅將，形容與老公吳毅將的相識是緣份：「喺亞視冇合作，有一次拍錄影帶，我哋一齊做男女主角先識。」不過二人發展並非一帆風順，唐麗球指：「當時佢有老婆，雖然大家有觸電感覺，三年後因為工作先正式認識，先開始拍拖。」1993年拍拖，但男方當時未離婚，只是分居階段，最後等足七年、2000年才辦妥離婚手續。2003年唐麗球與吳毅將結婚，婚後育有一女吳梓希，早年與老公更女兒送往加拿大和韓國讀書，唐麗球甚少讓女兒的樣子曝光，直到近年才將母女合照放在社交平台，女兒吳梓希的外貌偏向似爹哋，更有幾分似應屆港姐冠軍莊子璇。
