友乜唔講得丨胡楓自揭21歲起養成「步行養生大法」 臉上一特徵曾被謝賢強行做呢件事
發佈時間：23:00 2025-03-22 HKT
由阮兆祥、梅小惠和江欣燕主持的節目《友乜唔講得》，在明晚（23 日）播出的第七集找來胡楓擔任嘉賓，胡楓更刻意在衣著上與三位主持襯晒色，相當暖心。曾是粵語長片常駐演員的胡楓，80年代加入TVB後，曾擔任過《歡樂今宵》的主持，在節目上還曝光了不少胡楓昔日在《歡樂今宵》的精彩演出。
胡楓被爆私下佻皮又幽默
胡楓被爆私下佻皮又幽默，在行內出名是「開心果」及「好好先生」，相識多年的梅小惠笑說：「佢好犀利嘅，佢永遠搞笑唔笑，引佢又唔笑，永遠搞到我哋自己笑，佢就唔笑，教識咗我哋點樣笑與唔笑之間。」
相關閱讀：93歲胡楓有星四代繼承衣鉢？「四大曾孫」風頭直逼太公 12歲大曾孫身形高大兼俊俏
友乜唔講得丨胡楓是「開心果」及「好好先生」
胡楓21歲開始已有「行路養生」習慣
江欣欣原來入行首部電影即與胡楓合作，因而發現胡楓原來有櫈都唔願坐：「套戲我同君如係演舞女，咁ending 好多困獸鬥嘅戲，我同君如都好眼瞓，一見到櫈就坐，但修哥唔坐架喎，不停喺度行行行。到我諗住畀番張櫈佢坐，修哥就話：『我唔坐嘅，你哋後生坐啦』。」胡楓事後笑言其實自21歲開始已有「行路養生」習慣：「我喺1953/54 年開始行，行到而家喇，求其有地方就行。」阮兆祥聞言即大搞爛 gag：「咁咪讀萬卷書不如行萬里路？」胡楓即發揮幽默本色回應：「啱喇，我冇乜學問吖嘛！」
江欣燕爆胡楓十分着急「長壽癦」
江欣燕又爆出胡楓十分着急面上的「長壽癦」，完全「唔畀掂」，不過胡楓聞言卻搞笑摸面澄清謂：「我希望啲靚女掂我，但阮兆祥嗰啲就唔好掂喇！」胡楓續指長壽癦上的長壽毛十分吉利，更笑言謝賢十分羨慕他有長壽癦，試過忍不住手「監生」掹了一條私人珍藏：「有次《四個小生》去旅行，大家喺度講緊嘢，佢（謝賢）就喺度摸摸摸，然後掹咗一條，仲要珍而重之咁收埋。」
胡楓「四大曾孫」搶足風頭：
相關閱讀：友乜唔講得丨鄧兆尊鍾情陳彥行慨嘆因一原因錯過 被踢爆對朋友好過情人 介意另一半貪心
胡楓21歲入行已經擔正做男主角
胡楓在21歲入行已經擔正做男主角，三位主持夾攻要求胡楓講出「心目中最靚嘅係邊位女明星」，並在阮兆祥的引導下，大爆昔日其中一位好拍檔吳君麗的怪習慣，阮兆祥說：「我見吳君麗同你擁抱時起晒槓」，胡楓即說：「唔單止咁，仲批踭添！」說畢更搞笑地還原昔日遭吳君麗推開的畫面，胡楓又笑指當時被推後的回應是：「麗姐，我要睇跌打喇！」
