70年代邵氏影星難走出喪妻陰霾 曾失去靈魂如行屍走肉：喺屋企見到乜都驚
發佈時間：19:30 2025-03-26 HKT
梁思浩、黃紫恩（Jojo）及黃耀英（Darren）主持的《直播靈接觸》，昨晚（25 日）播出最後一集，今次找來肥媽 Maria Cordero 擔任壓軸嘉賓，梁思浩自爆曾借肥媽跟亡夫的故事，令甘草演員煒烈走出喪妻陰霾。
曾以「韋烈」作為藝名的煒烈，從影多年最著名的角色是《我和殭屍有個約會》的「御命十三」，2001年息影並一度移民紐西蘭，有指因生意蝕錢而回流香港。煒烈屬遲婚一族，62歲才邂逅太太Amy，雖然二人從未正式簽紙結婚，但已經與稱Amy為「老婆」，可惜去年Amy病逝，起初煒烈未能走喪妻之痛，更因而患上抑鬱症以及驚恐症，要長期食藥。
相關閱讀：老戲骨煒烈太太病逝終年54歲 62歲拍拖遇真愛近年癌症復發不離不棄
煒烈喪妻後曾患上抑鬱症及驚恐症：
梁思浩曾借肥媽跟亡夫故事令煒烈走出陰霾
梁思浩在節目上自爆曾借肥媽跟亡夫的故事，令綠葉演員煒烈走出喪妻陰霾，梁思浩說：「我因為黑妹姐先識佢，我成日喺西貢撞到佢，佢成日喺間餐廳食早餐。有一日黑妹姐話因為有個朋友生cancer，所以入嚟陪佢共度最後時間。原來個呢個好朋友係煒烈嘅太太，佢哋譜出咗一個好浪漫嘅黃昏戀，佢哋經歷咗10幾年嘅癌病鬥爭，依然相愛，可惜太太最後都不敵病魔。」梁思浩形容煒烈自此仿如失去靈魂，他說︰「佢生活唔到，幾次見到佢都一個人坐喺度，好似冇咗靈魂咁坐喺度食嘢，眼淚喺度，唔返工、唔拍劇，好似行屍走肉見到佢幾個月都係咁。」最後梁思浩跟煒烈講了肥媽的故事，解開對方心鎖︰「我同佢講人走咗都仲喺你身邊，你咁愛太太，如果佢企喺度望到你而家咁樣，會唔會好傷心？」梁思浩直言對方有段時間曾想過「唔做人」。
煒烈喪妻後曾3個月唔願出街
煒烈經歷喪妻之痛後，他曾表示想低調處理，故一直未有向外公佈，他稱太太大約5、6年前太太癌症復發，癌細胞更轉移到骨骼，其後確診患上骨癌，其後更要定期打針抗癌，到了2022年，由於癌細胞移位到脊骨，結果太太於三星期內做了兩次大手術，手術花費百多萬，雖然醫生曾建議接受化療以及電療，但手術後最多只活一年，最終太太`決定放棄接受治療，煒烈曾說：「臨終時她已昏迷，但之前在家中跟她說了很多話，她最希望我努力生活下去，唔使成日掛住佢，可以的話叫我搵個人服侍自己，因為我都年紀大啦，有個人在身邊照顧下會好一點。」起初煒烈未能走喪妻之痛，更因而患上抑鬱症以及驚恐症，要長期食藥：「我太掛住佢喇，喺嗰3個月唔願出街，成日匿喺屋企喊，喺屋企見到乜嘢都會驚慌，患埋驚恐症！」
相關閱讀：【頭條獨家】【患肺腺癌三年】昨早唞唔到氣入院 肥媽老公Rick今晨肺炎併發症離世
相關閱讀：肥媽通完「波仔」即發火：咁X街男人都有嘅 「中年」評判聞鄭梓浩笑孫美賢「搞唔起」賤史 丨獨家
肥媽依然感覺亡夫仍在自己身邊
肥媽接節目上提到丈夫施曉洋離世前最後一段日子，他曾吩咐肥媽要為自己燒金銀衣紙，她說︰「臨走前佢話『雖然我天主教嘅，驚無錢使。我有一日走，你記得燒嘢畀我』所以做足儀式，破地獄都做齊，仲燒咗架紙紮 Harley Davidson、Kawasaki 電單車、四驅車，全部一比一。另外仲有球拍、樂器，全都係佢生前嘅興趣同嗜好。」肥媽表示跟丈夫的愛很真摯，希望能替對方多做點事。在頭七回魂夜當晚，肥媽預備了丈夫最愛的提子包及叉燒飯，她說︰「第二日個麵包無咗一啖，令我覺得老公喺我身邊。」肥媽形容丈夫像沒有離開般，在身旁守護自己，就好似有趟天氣很冷，房中兩部冷氣忽然開動，肥媽認真的說︰「我知係老公，跟住我話『唔好玩嘢呀』。」事後才知是丈夫希望啟示肥媽要保留相機、鏡頭給孫女。肥媽又透露丈夫雖已離世近 5 年，但二人仍然存在「聯繫」。她笑言但凡在家中有甚麼物件找不到時，只要憑空喝一聲，該物件就會輕鬆找到，非常神奇。
