張慧儀激動回應鄧兆尊爆料傳曾劈腿六富豪搞大肚：好好玩咩遭盧慶輝狠撇打擊大

更新時間：09:00 2025-03-27 HKT
發佈時間：09:00 2025-03-27 HKT

鄧兆尊早前爆料，指某女星曾同時與六位富豪交往，意外懷孕卻沒有富豪「認頭」。當時有網民根據「與鄧兆尊同一年代」、「曾與吳家樂合作」、「不是港姐」、「未婚卻有小孩」及「較多拍古裝」等線索推測女星身份，更有網民到張慧儀的社交平台留言，猜測她是爆料中的女星。張慧儀日前接受鍾慧冰YouTube頻道訪問，片中加插張慧儀部份首次正面回應外界揣測的言論。

張慧儀憤怒回應不實指控

鄧兆尊早前指多年前一名女星好友懷孕後，向與她同時交往的六位富豪「攤牌」，他說：「佢成功咗，六個一齊收錢，六個都唔認頭，一人一百萬，Bye Bye!唔要小朋友，你自己養。」令張慧儀早年突然神隱再復出，並在單身情況下領養兒子一事引來網民揣測。鍾慧冰昨晚（26日）在YouTube上載訪問張慧儀的影片，片頭加插了幾句她們的對話，鍾慧冰問：「有個女星以前好厲害，一次過識到六個富豪，就將個矛頭指向你喎？」張慧儀表示：「有某人拎咗張合照，Fans就開始問，我哋好想問阿鄧某某講個女星係邊個。」另外又有張慧儀的激動言論：「嗰下我係非常之嬲，嚴重警告，跟住加兩個紅色感嘆號『不要再製造謠言』。」並指：「大家有冇諗過，對個小朋友係有幾大影響？好好玩咩，好好笑咩呢啲嘢。」不過之後整條影片都未再提及張慧儀被質疑為富豪未婚生子一事，估計留待下集才播出相關的詳細討論。

張慧儀罕回應謠言與舊情？

張慧儀曾斷言絕不跟盧慶輝拍拖

張慧儀在訪問中除了分享在馬來西亞來香港發展的往事，亦被問及感情經歷，張慧儀大方回應與盧慶輝的舊情。張慧儀指當年拍攝《真情》時，與盧慶輝沒有太多交集，甚至不曾預想有天會與盧慶輝擦出愛火，她說：「我未同佢拍拖、完全冇感覺嗰時，有人話『盧慶輝都幾靚仔』、『你會唔會同佢拍拖』，當時我話『靚仔咩』、『我一定唔會同佢拍拖』，千祈唔好咁講，唔知點解某年某月某日突然間，『叮』一聲就着咗。」

相關閱讀：盧慶輝拍《真情》後爆負面新聞北上認識妻子拍拖半年即結婚

張慧儀舊愛盧慶輝近況曝光？

張慧儀當年被盧慶輝狠飛

張慧儀分享開始對盧慶輝有感覺的原因，她說：「有心人同你獻吓殷勤……亦都因為當時好忙，有次我身體唔舒服入咗醫院，就係咁樣開始嘅。」不過張慧儀當年只跟盧慶輝拍拖短短約一年時間便分手收場，外傳分手原因是張慧儀難忍盧慶輝花心而提出分手，但張慧儀重申當日「被分手」的其實是她，「太多嘢過咗去喇……只不過我仲好記得當時我係被分手，對我嚟講打擊好大。」張慧儀表示當年某日她工作後收到大批傳媒向她求證分手一事，張慧儀指其實當時是盧慶輝單方面在活動上向傳媒透露分手消息，「我唔知呀，我前一晚仲同佢食飯好地地，仲拍緊拖，未分手。對於我嚟講，點解會咁呢？我好想知，即刻開車去搵佢，咁對方一定唔會講啦！當時我好唔開心，當然後來我知原因啦！」鍾慧冰好奇問道：「佢係咪想做宣傳呀？」張慧儀否認，只表示盧慶輝已有家室，雙方亦多年沒有見面，不想舊事重提影響他人，只能說這段感情是她一段「好好的經歷」。