TVB金牌女司儀寸嘴大聲兼犯眾憎？被幕後PA揞名爆主角7字回應網民一面倒有呢個反應

更新時間：18:00 2025-03-27 HKT
發佈時間：18:00 2025-03-27 HKT

2011年港姐得殿軍麥美恩（Mayanne）曾經在台慶夜攬實郭珮文「亂揈」而令「最強Body」呼之欲出，被網民封助攻王的麥美恩一直備受寵愛。繼早前被方皓玟誤會在網上留言影射她身形瘦，但事後原來怪錯並想跟麥美恩想做朋友，一度成為網上話題後，麥美恩再度「中槍」。

自稱曾做過PA的人轟姓麥好X嘈

日前在Threads有一個自稱曾做過PA的人發文，以不開名形式爆指「TVB姓麥行內人其實好多人都唔鍾意佢」：「以前做過PA，其實TVB姓麥好X嘈嗰位女士，本身都冇乜禮貌，內人其實好多人都唔鍾意佢，但係佢就覺得自己好似鬱鬱不得志咁，又唔知自己寸嘴兼大聲。想當年連佢個好拍檔周xx 話佢塊面大過pizza‧，不過唔知點解而家啲人成日話鍾意佢真性情，講出嚟都笑大人個口。」

麥美恩被行內人討厭？

麥美恩本人留言叫開名

雖然內文未有指名，不過已經有不少人覺得是針對麥美恩，而麥美恩本人亦很快留言：「吖啊，你開全名啦！」吳若希留言力撐：「無做過PA，我認同TVB姓麥果個好L嘈！唔好畀佢知你全名，佢離9丈遠都會大叫你全名同你打招呼，好有禮貌，但其他嘢就唔認同。」文中的「周XX」周奕瑋也留言：「其實，pizza 係三角形㗎。」駱胤鳴還說：「見留言咁多人衝出嚟認證返佢有禮貌、好專業，我就放心了。Anyway以前做過電視台，TVB 姓麥嗰位，平時好靜㗎，我嗌錯佢做Maryanne佢都無黑面，想當年佢個好拍檔，周xx 都話過佢龍x。不過唔知點解而家周街都係絕脂神廣告，算唔算係靠實力為屁股平反咗。見過真人好瘦，雖然有時興奮嘅時候有啲嘈，但我估唔到大家睇台慶嘅話會想睇靜過圖書館嘅台慶。師兄，節目效果就係要有效果，見過佢做annual dinner，專業識執生、識搞氣氛、識大體，算啦呢啲都係司儀好基本嘅嘢～淨係on show前幾日收到稿，問我啲中文名好難嘅字點讀，就知佢好乖會做功課，尊重嘉賓唔好讀錯人哋個名，唯一嘅缺點係鍾意追星。」

麥美恩被網民力撐

還有網民直言：「唔覺佢無禮貌啵」、「見過真人，做嘉賓都勁專業」，甚至有真．PA留言道：「以前做過PA喺生活台到做，你口中嘅麥女士就係係隔離房，久唔久會入嚟生活台同導演s吹水，我地呢啲台嘅底層蕃薯，麥女士對我地都好有禮貌同好友善喎。以我見到嘅嘢係佢地周遭嘅同事關係都幾好，近到咁嘅人都冇乜點唔鍾意佢，你啲消息邊到嚟黎定你X吹？你口中嘅周xx ，我當年長期跟佢個節目，只係見到佢地兩個都好玩得，就算係有講面大過pizza都9成9係講笑玩下，Btw第一眼以為你講麥玲玲。」、「佢真係好嘈，但係好鍾意佢」，麥美恩亦回覆有網民說：「謝謝。」其後再回覆傳媒：「多謝你有睇。我唔回應啦。大家食完花生笑下就OK，感謝。」