歌手李國祥離世終年60歲 去年確診肺癌寓所安詳離世 周啟生：佢把聲沙晒
發佈時間：14:43 2025-03-29 HKT
歌手李國祥離世終年60歲。李國祥早在1991年出道成為歌手，代表作品包括：《餘情未了》、《總有你鼓勵》、《摘星的晚上》、《最美世界=你＋我》及《愛在地球毀滅時》等，其好友周啟生接受《星島頭條》獨家訪問時證實好友李國祥已離世：「佢過年前一直有聯絡住我，話喉嚨有嚴重問題，要做大手術，類似腫瘤壓住啲嘢，我知佢係嚴重病，但唔知咩事，知佢有問題嘅，陰功！我一直同佢係好朋友，仲商量合作，但佢突然把聲沙晒，喉嚨有事，唉，上一次我廣州開騷，佢都身體唔舒服來不到，真係陰功，佢係個好男人，佢好好人㗎。」
周啟生：農曆年時佢話做手術好快好返
周啟生其後再於IG發文指：「《餘情未了》又有一個好朋友，突然離開。我同祥仔相識幾十年，佢係一個斯文貪靚，對朋友溫柔客氣嘅靚仔。幾個月前我廣州嘅音樂會，本來佢都會嚟撐場，忽然間收到佢嘅短訊話唔舒服，再三傾談之後，佢同我講話個肺有事，真係嚟得太突然。已經有計劃合作唱我作嘅新歌，演唱會-我做佢嘅音樂總監，我同祥仔合唱新嘅作品……等等，都要等來生再續！」他續說：「農曆年，我喺京都，同佢喺微信通話，佢話會做手術好快好返，我哋仲談大計，如何合作？我話我會代佢向觀音祈福。估唔到如今陰陽相隔。我都係希望大家講啲你國祥嘅威水史，唔好講埋晒啲衰嘢，我諗佢一定唔會，想聽「RIP」等等！」而李國祥的好朋友劉小慧則表示：「我作為佢最好嘅朋友，我知道佢係好舒服咁離開咗我哋，我認為呢個係最好嘅祝福，呢個係我作為朋友最關心嘅一件事。總之佢舒舒服服就OK。」
相關閱讀：李國祥離世丨周啟生指好友肺有事一月曾聯絡揭病況 李國祥去年10月一細節疑開始發病
經理人證李國祥寓所安詳離世 已於內地舉行喪禮及火化
李國祥生前的經理人翁先生接受「TVB 娛樂新聞台 」訪問表示，李國祥在3月13日在內地寓所於睡夢中安詳離世。
翁先生指祥仔自去年3月發現患有肺癌，之後積極面對抗病，亦繼續工作。他又指家屬遵從遺願，祥仔喪禮已於當地低調舉行和火化，28號骨灰已運返香港。翁先生表示祥仔一眾好友倫永亮 、梁漢文、 張智霖、 劉小慧、 黑妹李麗霞、陳啟泰等已知道老友離世消息，期望為祥仔於香港舉行追思會，要待與家人商議後再作決定。
他指祥仔很感恩大家的相知相遇，亦感謝歌迷多年來的支持及寵愛，祥仔會在另—國度繼續旅程，好好守護大家。至於祥仔社交平台發出「Bye」道別Post，是翁先生代祥仔發出。
李國祥離世｜好友劉小慧：佢舒舒服服就ok
對於好友的離世，劉小慧回覆《星島頭條》：「多謝你哋關心，在於我嚟講呢個對佢係一個最好嘅祝福，因為佢係好舒服咁離開我哋，呢個係我作為朋友最關心嘅一件事，總之佢舒舒服服就ok㗎喇。」
李國祥1989年參加新秀入行
李國祥1989年參加《第八屆新秀歌唱大賽》入行，當年他奪得現場5位評審一致裁定獲得「歌星特選獎」，同年他成功簽約嘉禾電影與日本波麗佳音合作的嘉音唱片。李國祥於1991年正式出道成為歌手，他留有一頭長鬈髮，推出首張粵語專輯《藍色Sha La La》，並於該年獲商業電台頒發「1991年度叱咤樂壇新力軍男歌手金獎」。1992年，以分界短髮形象推出專輯《摘星的晚上》，同名主打歌相比前一張唱片的更為流行普及，漸漸增加了知名度。12月推出第三張粵語專輯《餘情未了》，當中的同名主打歌為他帶來首個事業高峰，一度成為流行榜冠軍歌曲，他更憑該曲贏得首個歌曲獎項TVB1993年度勁歌金曲第一季季選得獎歌曲，人氣急升。
相關閱讀：李國祥離世丨一周前上載天陰片講「Bye」 相隔7年Po IG留12字疑向世界道別
李國祥憑《餘情未了》奪首個歌曲獎
1993年初，李國祥的主打歌曲《餘情未了》受到各傳媒熱播而在坊間迅速流行起來，成為流行榜冠軍歌曲，為他的音樂事業迎來首個突破，更為他贏得首個歌曲獎項－TVB1993年度勁歌金曲第一季季選得獎歌曲，人氣急升。
相關閱讀：李國祥離世│因藏毒被罰款兼留案底 歷三次生意失敗 因炒樓而破產
李國祥近年北上發展任藝人總監
不過，1996年時，李國祥推出最後一張專輯《離愛出走》後便約滿嘉音唱片，直到2000年後，李國祥的歌唱事業便以翻唱歌曲、製作HIFI發燒唱片為主。雖然他出道多年，但至2015年他才於麥花臣場館舉行入行首個演唱會「李國祥餘情未了演唱會」。至翌年，李國祥在訪問中公開出櫃，表明自己是同性戀者的身份，並透露當年跟拍拖11年的男友分手。近年，李國祥多在中國內地廣東省一帶發展，2023年，其擔任廣州一間傳媒公司的藝人總監，已甚少在香港現身。
相關閱讀：李國祥離世│2016年公開出櫃認性取向突變 前女伴曾墮胎數次 全力照顧姪仔圓爸爸夢
