Coldplay香港演唱會︱任達華張曼玉等群星到啟德睇Show 女星曝光包廂服務有酒有美食網民激讚三件事

更新時間：17:00 2025-04-09 HKT
發佈時間：17:00 2025-04-09 HKT

英國樂隊Coldplay巡迴演唱會「Music of the Spheres」香港站，昨日（8日）起在啟德體育園主場館舉行。很多香港明星都到場觀賞Coldplay的演出，當中包括張曼玉、鍾鎮濤、任達華、名模琦琦、名模周汶錡、COLLAR隊長Gao（沈貞巧）、馮允謙、On仔陳健安、雲浩影、YT周殷廷、Nowhere Boys、盧覓雪、嚴祟天、林家熙Locker、胡子彤、馬志威等。其中盧覓雪、嚴祟天及多位寰亞唱片的歌手都曝光了VIP包廂的內部、服務及觀賞演唱會的視野。

歌手齊聚VIP房睇Coldplay演唱會

樂隊Nowhere Boys的主音Van Chan（陳維諾）在Threads分享昨晚到啟德體育園主場館看Coldplay演唱會的照片及影片，留言透露寰亞唱片包了VIP包廂，供旗下藝人看Coldplay演唱會，他表示：「尋晚真係好好好好好開心，因為公司俾咗個機會我同太太加埋寰亞各artist一齊入包廂睇Coldplay，今次係第三次睇佢哋現場，但咁多人一齊睇真係一個畢生難忘嘅經驗OMG。」他更大讚暖場嘉賓Marf邱彥筒：「你實在太正啦！！Chris聽你唱完唔夠喉現場停低成對band要你再唱多次verse 2嗰下我癲咗，究竟俾佢捉住手唱歌係咩感覺。」由Van Chan分享的貼文可見，同場的還有馮允謙、On仔陳健安、雲浩影等。

群星看Coldplay演唱會曝光VIP房服務？

盧覓雪與嚴祟天曝光VIP包廂內貌

盧覓雪與嚴祟天同場於VIP包廂欣賞Coldplay演唱會，盧覓雪在IG上載於VIP包廂內吃美食、喝酒的照片，留言表示：「一個二個問我尋晚點處理膠樽個蓋，雖則我平時都會帶個中女壺旁身，但尋晚無，好彩入到去有野食有酒飲唔使煩，食飽飽High住睇show。」照片中可見，VIP包廂內有水吧、梳化，更有部電視機，估計可在VIP包廂內看到演唱會舞台的大特寫畫面。而嚴祟天亦在Threads分享：「喺啟德傳說中嘅廂房，睇Coldplay演唱會。」片中可見，VIP包廂的視野很好，房內的觀眾可以一邊喝酒一邊欣賞演唱會，氣氛非常好。

Coldplay香港演唱會2025首場精彩畫面？

Coldplay香港演唱會觀眾激讚人流疏散速度

啟德體育園主場館可容納5萬名觀眾，首次舉行演唱會，到場的Coldplay歌迷事後在社交平台分享觀後感，除了激讚Coldplay的表演，還有三大激讚位，有觀眾於Threads表示：「之前我都有去新加坡睇Taylor Swift但係佢個場同香港真係差好遠。首先佢個場好熱，賣嘢食嘅地方混亂，同埋最重要既係音響一定冇香港咁好。仲有今次散場真係幾快喎，兩個地鐵站完全可以疏散到人流，我搭地鐵好快已經返到香港島。」對於有人批評Coldplay演唱會香港場沒有招牌煙花，這位觀眾表示：「我見到好多人話點解今次會刪咗個天幕同埋冇煙花? 但係我又覺得今次氣氛同效果真係好喎。乜你哋唔係睇Coldplay而係睇煙花架？」亦有網民表示：「我都有去睇Taylor！對比新加坡同香港，香港真係做得唔錯的，新加坡National Stadium山頂真係好遠吓…散場時候人流疏散得好慢，入地鐵站要排好耐先入到閘，入去仲要繼續排好長隊等好耐車，相反啟德喺人流管制、交通班次安排呢兩方面真係做得幾好，全程都好順。」更有網民大讚啟德體育園主場館內網速快，甚至比紅館更優勝。而不少觀眾都大讚Marf的暖場表演非常出色，有網民表示：「Marf好正，叻女！」