七仙羽爆SEED狂數被女星中傷 是非纏身驚人多過驚鬼 拎一物發洩失手露底
發佈時間：19:00 2025-04-15 HKT
人稱「七師傅」的七仙羽自2020年ViuTV靈異真人騷《鬼同妳上位》而走紅，話題度經常成為網上熱話，稱得上是近年曝光率最高風水師之一。近日七仙羽更作成為預言大紅人，預測多件大事準確度高，包括有李姓富豪出事，天災、股市的預測中完又中，獲網民稱「神準」及「簡直天機妙算」。
七師傅被女星背後中傷委屈及失望
近日七仙羽為ViuTV節目《晚吹－怨女俱樂部》擔任嘉賓，七仙羽罕有地「怨婦」上身，提到曾好心提攜某位在娛樂圈浮沉的女星，卻反被對方背後中傷，誣蔑自己借對方上位，更有對話記錄證明該女星曾說自己很不喜歡七仙羽師傅，令七師傅感到委屈及失望，至今難以信任他人。
相關閱讀：爆紅女風水師驚爆結婚逾15年！視性生活為普渡眾生 一個月行房X次
七仙羽罕有地「怨婦」上身：
在昨晚（14日）播出的ViuTV新節目《晚吹－怨女俱樂部》上，「七師傅」七仙羽打頭炮做嘉賓，向來正能量滿滿的七仙羽，罕有地「怨婦」上身，狂數初出道時曾遭遇無數冷眼和不公平待遇。入行有20年的七仙羽，坦言入行當時飽受欺凌和排擠：「嗰陣冇人識，幾乎個個都蝦我，啲人笑我講嘢唔正，似大媽，又有人覺得我冇料，因為我好多時都比較低調，唔會咁張揚，亦唔似其他人有背景。」
七仙羽待遇似足看更
七仙羽續說：「我記得10幾年拍靈異節目，佢哋個個收工就飲茶食飯，個個都好friend，但係我就冇埋堆，冇人同我玩同傾偈，所以睇我唔起。我試過拍節目好早就到，其他師傅就唔使，我記得嗰陣係冬天，嗰陣連化妝師都未到，要我坐喺度等，好似看更一樣。如果你紅嗰陣，電視台啲監製同導演個個服侍得好好。」接着七仙羽眼紅紅地說：「到差唔多拍攝，其他師傅就到，佢哋個個都好驕傲，個頭『岳』到好高咁入嚟，我同佢打招呼都唔睬，嗰陣我買咗啲月餅咭，有師傅望都唔望話唔食就行開，當時我真係好難受。」
七仙羽不斷修練要出人頭地
七仙羽當時同自己講「我一定要出人頭地，一定要紅過你」，結果七仙羽不斷修練，但走紅後，同樣亦面對不少批評與攻擊，例如被罵「死神棍」和「小丑」，更曾被匿名大字報攻擊為「人渣七仙羽」，七師傅說：「我諗好耐，鎖定咗目標，佢係以前同我拍過節目，有一段時間有人留意，不過佢好快就消失，但係嗰陣我冇質問過佢，只係同老公傾訴。」
相關閱讀：緬甸地震｜七仙羽神預測緬甸7.9級大地震 再預言台灣、日本將有災難：不要逗留太耐
七師傅的感情生活同樣惹人注目：
七師傅驚人多過驚鬼
七仙羽相信好心好報：「我未必係最叻嘅師傅，但係一定係善良，有一次係我嘅表演，叫做有啲話事權，咪同導演講搵邊個嚟我嘅表演，我搵咗一個女藝人，佢人靚身材又好好，但係喺呢個圈浮浮沉沉，所以咪畀咗好多人機會佢。」但因為一件事，令七仙羽難以信任他人：「我睇到一篇報道話我同佢反咗面，我心諗明明好朋友，幾時反面？成日叫佢嚟我佛堂幫佢轉運，原來佢為咗引起人留意而做新聞，呢樣真係忍受唔到，跟住仲有人話佢喺我背後講咗好多壞話，仲畀咗佢哋嘅對話我睇，呢個女藝人覺得我抽佢水，借佢個名上位，我夜晚黑唔驚，啲鬼唔驚，但係人係最驚，點解可以咁恐怖。」為釋放怨氣，七仙羽在節目中突然高歌一曲，隨後更掏出一條鞭子亂揮，一度洩春光，七仙羽也為被誤解為「白卡」作出澄清：「其實我學歷咁高，我做開都係大集團，又係總編輯。如果你明白我，你就知道我係用心良苦。」
